San Lucas 10:34 - Tz'utujil (Ja Cꞌacꞌa Chominem)

³⁴ be ruqꞌuin. Ja tok xekaj ruqꞌuin cꞌo juleꞌ aceite rachbil vino xuyaꞌ chwach ja bar soctajnak wiꞌ jariꞌ xkꞌombej. Ja tok kꞌomtaj rmal cꞌacꞌariꞌ xubatzꞌ. Como cꞌo ruquiej rcꞌamonto xtzꞌubaꞌel ja rachi trij, xucꞌamel pa jun pensión, bien xuban cuenta.

Tz'utujil NT

³⁴ xba ruq'uin. Tak xekaja ruq'uin c'ola nic'aj aceite rexbil vino xuya' chwech jabar cuynak wa' che nk'ombej. Tak xk'omtaja rmal c'jara' xuxim jabar cuytanak wa'. C'ola ruquiej rec'mon ta, xtz'uba' ela acha tzrij, xuc'om ela chpam jun pensión, bien xuban cwent.

San Lucas 10:34 Iomraidhean Croise

Marcos 14:8

Ja xuban ja rixok chwe riꞌ xuyaꞌ chwe ja cꞌo ruqꞌuin. Arjaꞌ tok xuyaꞌ ja rakꞌom chwij jariꞌ xchomarsbej pon ja ncuerpo chi nmuki.

San Lucas 10:33

Pro cꞌo cꞌa jun achi aj Samaria, arjaꞌ rmajon rviaje in xurkaj chipan ja lugar. Ja cꞌa raj Samaria tok xutzꞌat pon ja rachi congana xpokonaj rwach,

San Lucas 10:35

Ja cꞌa chi rcab kꞌij ja raj Samaria benam nuban, cꞌo caꞌiꞌ quetzal pwok xlasaj, xutoj can pa rukꞌaꞌ ja rajaw pensión in quewaꞌ xbij tre riꞌ: —Tabanaꞌ paki jutzꞌit cuenta ja rachi, tayaꞌaꞌ tre xa nak ta ja ncꞌatzin tre. Ja tok xquinmelojto anin wotak chi nuntojoꞌ ja rucꞌas awqꞌuin nojelal, neꞌ can tre.

San Lucas 2:7

Triꞌ cꞌa xalax wiꞌ ja ti ral talaꞌ, ti nabey winak. Xubar pa tziak. Ja cꞌa tok bartaj rmal cꞌo jun quiwabal chicop xcanoj in xcotzꞌbaꞌ chipan. Queriꞌ cꞌa xuban, pa quicꞌolibal chicop xeqꞌuejeꞌ na wiꞌ como enojnak chic ja winak chipan ja posada.

Romanos 12:20

Rmalcꞌariꞌ tok nbij chewe, wi cꞌo jun ecꞌulel in wi nkꞌakꞌan rupan teyaꞌaꞌ rway. Ja cꞌa wi nchakij ruchiꞌ teyaꞌaꞌ ruyaꞌ. Ja wi queriꞌ neban tre jariꞌ qꞌuixbal xtunaꞌ rmal in numaj tiꞌonem ja ranma rmal ja rbanon chewe.

1 Tesalonicenses 5:15

Tebanaꞌ cuenta ewiꞌ, maxta teyaꞌ rjil rcꞌaxel ja tok cꞌol itzel nba̱n chewe. Ja neban, ni tecꞌutuꞌ wiꞌ ja rewutzil, utz ta netzꞌat ewiꞌ in chakajaꞌ tecꞌutuꞌ ja rewutzil chiquewach canojel ja winak.