San Lucas 10:28 - Tz'utujil (Ja Cꞌacꞌa Chominem)

²⁸ —Ni katzij wiꞌ ja nabij leꞌ. Ja cꞌa wi xtaban cumplir ja ley ja cꞌa xabij leꞌ jariꞌ nyataj chawe ja utzlaj cꞌaslemal ja mta qꞌuisic trij, neꞌxi rmal ja Jesús.

Tz'utujil NT

²⁸ —Ne ktzij wa' nabij. We xtaban cumplir jley jxabij kaja jara' nyataja chawa utzlaj c'aslemal je rxin junlic, cara' xbixa tzra rmal Jesús.

San Lucas 10:28 Iomraidhean Croise

San Mateo 19:17

—¿Nak tre tok nabij chwe chi in utzlaj achi? Xa jun ja utz, jariꞌ Dios. Ja cꞌa wi nawajoꞌ chi nyataj chawe ja utzlaj cꞌaslemal ja mta qꞌuisic trij tanimaj cꞌa ja mandamiento xin Dios, neꞌxi rmal ja Jesús.

Marcos 12:34

Ja cꞌa Jesús arjaꞌ utz xcꞌaxaj ja bix tre rmal ja rachi in rmalariꞌ quewaꞌ xbij tre riꞌ: —Atat ma nat ta atcꞌo wiꞌ tre chi natoc chipan ja gobierno xin Dios, neꞌ tre. Ja tok tzuri tzij rmal ja Jesús mta nak chi ta cꞌaxax chi ta tre como canojel ja winak xa nquixbej quiꞌ ja cꞌo ta nquicꞌaxaj chic tre.

San Lucas 7:43

—Ja nbij anin jariꞌ ja más nim rucꞌas, neꞌ tre. —Queriꞌ, neꞌx rmal ja Jesús.

Romanos 10:4

Pro xa ma chꞌobtajnak ta cumal nak rbanic ja ley como ja ley jariꞌ yaꞌonto rmal ja Dios utzcꞌa chi nokurjachaꞌ can pa rukꞌaꞌ ja Cristo. Queriꞌ cꞌa rbanic utzcꞌa utz nutzꞌat ja kacꞌaslemal ja Dios kanojel ja yukul kacꞌuꞌx ruqꞌuin ja Cristo.

Romanos 3:19

Queriꞌ cꞌa nbij ja ley xin Dios in bien kotak chi chique nbij wiꞌ ja re aj Israel como ejeꞌeꞌ ecꞌo pa rukꞌaꞌ ja ley. Queriꞌ cꞌa rbanic utzcꞌa ja winak ni majun chique ja xticanoy chi ta rmal nak la chi tzijal xtibij ta ja xtitobej chi ta riꞌ chwach ja Dios in xticotakij na canojel chi e ajꞌil e ajmaquiꞌ pro ni canojelal in puersa nquejach na cuenta chwach ja Dios chi aj Israel chi ma aj Israel ta.

Romanos 7:10

Ja mandamiento xin Dios jariꞌ yataj chake utzcꞌa chi nokrucꞌaj chipan jun utzlaj cꞌaslemal. Ja chi utzlaj cꞌaslemal ntzujuj chake ja mandamiento xin Dios xa ek yatal camíc chwij rmal ja xinnaꞌ kaj anin

Gálatas 3:12

Junwiꞌ na ja ley in junwiꞌ chi na ja yukulbal kacꞌuꞌx ruqꞌuin ja Dios. Como ja ley quewaꞌ tzꞌibtal can tre riꞌ: —Ja wi naban cumplir nojelal ja nbij ja ley chi naban jariꞌ nawil ja utzlaj cꞌaslemal ja mta qꞌuisic trij. Queriꞌ ja tzꞌibtal can.