San Lucas 10:22 - Tz'utujil (Ja Cꞌacꞌa Chominem)

²² Cꞌacꞌariꞌ xbij: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ, neꞌe.

Tz'utujil NT

²² C'jara' cawra xbij chic: —Nmajo'n achnak mquita jchon pnuk'a' rmal Nedta'. Nmajo'n jun ojtakyona kas mer rna'oj Rlec'walxel, ruyon oca Dios jTtixel ojtakyona. Chka' nmajo'n jun ojtakyona kas mer rna'oj Ttixel per nuyon oca anen ja en Rlec'walxel enojtakyona, y chka' jenech-on chquenk'alsaj chquewech arj-e' cutkin chka', cara' xbij.

San Lucas 10:22 Iomraidhean Croise

San Mateo 11:25

Cꞌacꞌariꞌ ja Jesús arjaꞌ tzijon ruqꞌuin ja Tatixel ja cꞌo chilaꞌ chicaj, quewaꞌ xbij tre riꞌ: —Nataꞌ, atat at Rajaw caj at Rajaw rwachꞌulew, congana nmaltioxij chawe como ja winak ja nquechꞌob kaj pa tak canma chi congana cotak in congana quinaꞌoj ma chiquewach ta ejeꞌeꞌ akꞌalasan wiꞌ nak rbanic nojel awaꞌ ja nmajon rbanic in nojel ja nmajon rbixic pro ja rakꞌalasan wiꞌ, chiquewach ja winak ja quibanon taknoꞌy chawach.

San Mateo 11:27

In xbij chic chique: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ.

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

San Juan 10:15

caniꞌ kabanon ruqꞌuin ja Tatixel, arjaꞌ ninrajoꞌ in bien rotak janiꞌ nnaꞌoj in queriꞌ nbanon anin tre chakajaꞌ, in anin matinpokonaj nincam pa quicuenta ja tak ncarnelo.

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 17:10

Canojel ja re wxin anin e awxin atat chakajaꞌ, canojel ja re awxin atat e wxin anin chakajaꞌ. Como xa jun kabanon cuqꞌuin chewiꞌ tok ruqꞌuin ja quicꞌaslemal ntzꞌattaj wiꞌ chi janila nim nukꞌij.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 17:5

Camic Nataꞌ, tayaꞌaꞌ chwe chi queriꞌ nkaban chic awqꞌuin pa gloria ja caniꞌ kabanon nabey ja tok majaꞌn titzꞌucarsaxi ja rwachꞌulew, congana nim nukꞌij triꞌ. Tayaꞌaꞌ chwe chi ninbe chic jutij awqꞌuin pa gloria ja bar nkꞌalajin wiꞌ chi congana nim nukꞌij.

San Juan 3:35

Ja Ralcꞌwalaxel janila najoꞌx rmal ja Tatixel in ni majun nak ta ja maquita jachon pa rukꞌaꞌ rmal.

1 Corintios 15:24

Cꞌacꞌariꞌ xterilaꞌ ja qꞌuisbal kꞌij. Ja cꞌa tok xterilaꞌ riꞌ kꞌij ni majun kꞌetbaltzij, ni majun poder ja maquita kajsan chic triꞌ rmal ja Cristo. Ni majun gobierno ja maquita ocnak chic pa rukꞌaꞌ triꞌ in cꞌa tokoriꞌ xtujach chic ja rgobierno pa rukꞌaꞌ ja Dios ja Tatixel.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

Efesios 1:21

Queriꞌ xuban ja Dios tre ja Cristo, xuyaꞌ tre chi noc pa rukꞌaꞌ ja kꞌetbaltzij pro ni majun kꞌetbaltzij ja maquita xoc pa rukꞌaꞌ, in xuyaꞌ tre chi más na nim rukꞌij arjaꞌ chiquewach canojelal ja kꞌetol tak tzij in ma queyon ta ja kꞌetol tak tzij ja re rxin awaꞌ tiempo riꞌ in queriꞌ chique ja re rxin chic jun tiempo ja majaꞌn tekawilaꞌ chakajaꞌ.

Hebreos 2:8

Xacoj takaꞌan pa kakꞌaꞌ nojelal. Queriꞌ rbin can. Como ja Dios nojelal xucoj pa kakꞌaꞌ ja rok winak tibij cꞌa tzij ariꞌ chi majun ja maquita xucoj pa kakꞌaꞌ. Pro ja nkatzꞌat camic majaꞌn toqui pa kakꞌaꞌ nojelal.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.

2 Juan 1:9

Ja tijonem xin Cristo ja wi cꞌo jun xa ncꞌotsaj rwiꞌ in wi xa nuyaꞌ can jariꞌ mta Dios pa ranma. Ja cꞌa wi ni matayaꞌ can wiꞌ ja tijonem xin Cristo jariꞌ cꞌoli ja Tatixel chipan ja rawanma rachbil ja Ralcꞌwalaxel.