San Lucas 10:2 - Tz'utujil (Ja Cꞌacꞌa Chominem)

² Quewaꞌ xbijel chique riꞌ: —Ni katzij wiꞌ nbij chewe, ja winak ejeꞌeꞌ e caniꞌ jun nimlaj tijcoꞌm ja kꞌen chic ja utz chic nba̱n cosechar pro ja rajsamajelaꞌ ja nebano cosechar quixin xa ma e nim ta. Rmalcꞌariꞌ nbij chewe, tebanaꞌ orar, tecꞌutuj tre ja Rajaw ja cosecha chi nerutakto ja rajsamajelaꞌ chi neꞌurquibanaꞌ cosechar ja winak.

Tz'utujil NT

² Cawra xbij ela chca ra: —Ne ktzij wa' je xtenbij chewa, je' wnak e ajni' jun nimlaj tejco'n congan chic e k'an, utz chic nch'u'pa, per je e ajsmajma' je nquebnowa cosechar cxin xme q'uiy ta. Rmal c'ara' quenbij chewa, tebna' orar, tc'utuj tzra Rajaw csech che nquerutak ta ajsmajma' che necrebna' cosechar wnak.

San Lucas 10:2 Iomraidhean Croise

San Mateo 20:1

Ja gobierno xin chilaꞌ chicaj queriꞌ rbanic caniꞌ xuban jun tatixel jutij, pa jun akꞌabil chanim xelel, be chi quicanoxic juleꞌ rmoso chi nesamaj chipan ja rtijcoꞌm.

Marcos 13:34

Ja xtinban anin chewe queriꞌ ja caniꞌ nuban jun achi ja tok nbe pa jun viaje nat in ja rnakun nujach can pa quekꞌaꞌ ja rmoso chi nqueban cuenta. Arjaꞌ nuyaꞌ can ja quisamaj chiquijujunal in nbij can tre ja chajil jay chi ncꞌascꞌoti.

Marcos 16:15

Cꞌacꞌariꞌ xbij chic chique: —Jix nojel nat nakaj chwach ja rwachꞌulew, jeyaꞌaꞌ rbixic ja utzlaj tzij ja ncꞌamonto, jeyaꞌaꞌ rbixic chique ja winak pro ni canojelal.

Marcos 16:20

Ja cꞌa rdiscípulo ejeꞌeꞌ xeꞌelel, quemaj rbixic ja Jesucristo nojel nat nakaj. Ja kajaw Jesús arjaꞌ cachbilaj chi rbanic ja samaj, xuyaꞌ chique chi cꞌo nimak tak milagro nqueban jariꞌ ncꞌutuwi chi ni katzij wiꞌ nojel ja quimajon rbixic chique ja winak. Amén.

San Lucas 9:1

Cꞌacꞌariꞌ xersiqꞌuij ja cablajuj discípulo in xuyaꞌ chique chi cꞌo quekꞌaꞌ chique canojel ja ritzel tak espíritu chi necowini nequiwasajel chique ja winak in xuyaꞌ chique chakajaꞌ chi necowini nequitzursaj yawaꞌiꞌ.

Hechos 11:19

Ja tok camsaxi ja rEsteban majtaj chic rbanic pokon chique ja juleꞌ chic kachꞌalal. Rmalcꞌariꞌ ja tok ecꞌoli chique xechictaji, xebe nat, juleꞌ xebe pa Fenicia, juleꞌ chic xebe pa Chipre in juleꞌ chic xebe pan Antioquía. Ja tok xeꞌekaji quemaj rbixic ja utzlaj tzij xin Jesucristo pro xa queyon chique ja cach tak aj Israel quibij wiꞌ.

Hechos 13:2

Queban cꞌa jutij quimolon quiꞌ chi ryaꞌic rukꞌij ja Dios, quimajon rbanic ja rayuno ja tok cꞌoli bix chique rmal ja rEspíritu Santo quewariꞌ: —Anin enchaꞌon ja Bernabé in Saulo chi rbanic jun samaj. Camic queꞌepartiꞌij chi nequibanaꞌ ja samaj, queriꞌ bix chique.

Hechos 13:4

Queriꞌ queban ja Bernabé in Saulo, xetakel rmal ja rEspíritu Santo, xebe, xeꞌekaj chipan ja tinamit Seleucia, cachbilanel ja Juan ja cꞌo chic jun rubiꞌ Marcos. Ja cꞌa Juan arjaꞌ nerutoꞌ chipan ja samaj. Cꞌacꞌariꞌ xeꞌoquel chipan jun lancha, xebe chic chipan jun lugar Chipre rubiꞌ, cꞌo pa mar. Xeꞌekaj chipan ja tinamit Salamina ja cꞌo pa rcuenta Chipre. Triꞌ cꞌa quemaj wiꞌ rbixic ja rtzobal Dios pa tak jay xin molbal riꞌil ja bar nquemol wiꞌ quiꞌ ja raj Israel.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hechos 22:21

Pro ja kajaw Jesucristo quewaꞌ xbij chic chwe riꞌ: —Mejor catelel como camic natnutakel pa jun lugar nat, natbe chic cuqꞌuin ja winak ja ma e aj Israel ta, neꞌ chwe. Queriꞌ xbij ja Pablo chique ja winak ja rach tak aj Israel.

Hechos 8:4

Ja cꞌa kachꞌalal ja xechictaji ejeꞌeꞌ xebe pa tak tinamit in quemaj rbixic ja utzlaj tzij xin Jesucristo.

1 Corintios 12:28

Ja Dios arjaꞌ qꞌuiy rwach ja samaj xuyaꞌ chake ja nkamol kiꞌ pa rubiꞌ ja Cristo. Nabey xeruchaꞌ ja xeꞌoc apóstol, pa rucab xeruchaꞌ ja xeꞌoc profeta, pa rox xeruchaꞌ ja xeꞌoc maestro. Cꞌacꞌariꞌ xeruchaꞌ ja xeꞌoc banol milagro, cꞌacꞌariꞌ xuyaꞌ quisamaj juleꞌ chic caniꞌ chique ja nequitzursaj yawaꞌiꞌ in chique ja nequetoꞌ ja cꞌo rjawaxic chique in chique ja neꞌucꞌan quixin ja kachꞌalal in chique ja netzijon chipan juleꞌ tzobal ja ma cotakin ta.

1 Corintios 15:10

Pro ja Dios arjaꞌ xsipaj ja rutzil chwe in xa rmal ja rutzil xin Dios tok inocnak apóstol camic. In ma chaka ta queriꞌ xincochij ja rutzil tre pro congana samaji pa ncꞌaslemal. Más chi na samaj xin Dios xinban chiquewach ja juleꞌ chic pro ma anin ta xinsamaji nuyon, ja rutzil ja xincochij tre ja Dios jariꞌ ja samaji pa ncꞌaslemal.

2 Corintios 6:1

Ja cꞌa rajoj como xa jun kabanon ruqꞌuin ja Dios chi rbanic ja samaj xa chewiꞌ tok congana nkaban recomendar chewe, maxta tetzꞌilaꞌ ja rutzil ja nsipaj ja Dios chewe.

Filipenses 2:21

Pro canojel ja juleꞌ chic xa quixin kaj ejeꞌeꞌ nqueyaꞌ pa cuenta no ja xin Jesucristo jariꞌ matiqueyaꞌ pa cuenta.

Filipenses 2:25

Pro ja xinchꞌob anin camic chi rjawaxic ntakel ja kachꞌalal Epafrodito ewqꞌuin nabey. Ja rEpafrodito arjaꞌ wachbil chipan ja samaj xin Dios, ok soldado xin Jesucristo ruqꞌuin. Ixix xixtakoto ja rEpafrodito chi arjaꞌ ninurtoꞌoꞌ chipan xa nak ta ncꞌatzin chwe.

Filipenses 2:30

Queriꞌ nbij chewe como arjaꞌ laj cami pro rumac ja samaj xin Cristo. Ma xpokonaj ta xuyaꞌ riꞌ pa camíc chi ntoꞌic, xurjachaꞌ chwe ja rayuda ja xetakto como ma xixcowin ta xinekꞌijlaꞌ ewanojel.

Colosenses 1:29

Rmalcꞌariꞌ tok nmajon jun nimlaj lucha, congana ntij nukꞌij pro ja nyoꞌ wachokꞌakꞌ jariꞌ Jesucristo como arjaꞌ congana nsamaji pa ncꞌaslemal chi rbanic jawaꞌ samaj ja nmajon rbanic riꞌ.

Colosenses 4:12

Ja kachꞌalal Epafras arjaꞌ ewach aj tinamit, arjaꞌ jun ajsamajel rxin ja Cristo in nutakel rutzil ewach chakajaꞌ. Arjaꞌ congana nutij rukꞌij chi rbanic orar pan ecuenta, ni nixrnataj wiꞌ pan oración. Queriꞌ nuban utzcꞌa chi cow nixpeꞌi utzcꞌa chi nixqꞌuiyi chi utz in nixwachini chipan ja rtzobal Dios utzcꞌa chi ni ta ja wiꞌ neban ja xa nak ta nrajoꞌ ja Dios chewe chi neban.

1 Tesalonicenses 2:9

Wachꞌalal, bien ewotak chi congana samaj kaban chakajaꞌ ja katzukbej kiꞌ. Xoksamaji chi pa kꞌij chi chakꞌaꞌ chewiꞌ tok majun nak ta kayaꞌ ta chi ekul tre ja ncꞌatzin chake ja tok kabij chewe ja utzlaj tzij xin Jesucristo ja rtakonto ja Dios.

1 Tesalonicenses 5:12

Wachꞌalal, congana nkaban recomendar chewe chi neꞌeban ta respetar ja nesamaj checojol in pa rubiꞌ ja kajaw Jesucristo ejeꞌeꞌ ecꞌayon ewxin in nixquipaxbaj chakajaꞌ.

2 Tesalonicenses 3:1

Camic wachꞌalal tebanaꞌ orar pa kacuenta utzcꞌa ja rtzobal ja kajaw Dios nbe chanim nat nakaj in nya̱ꞌ rukꞌij chakajaꞌ caniꞌ xeban ixix tre.

1 Timoteo 4:10

Rmalcꞌariꞌ tok nkaban ja rsamaj Dios in nkatij rpokonal rmal como bien kotak chi ja Dios arjaꞌ ni nokrutoꞌ na wiꞌ in rmalcꞌariꞌ nokquicoti in kayben. Arjaꞌ Dios cꞌaslic Dios in nerutoꞌ canojelal ja winak pro arjaꞌ más na Toꞌonel kaxin ja yukul kacꞌuꞌx ruqꞌuin ja Jesucristo.

2 Timoteo 4:5

Pro atat tabanaꞌ cuenta awiꞌ, tachꞌoboꞌ chi utz ja naban. Tacochꞌoꞌ ja rpokonal ja npi chawij, maxta tatanbaꞌ rbixic ja utzlaj tzij xin Jesucristo, tabanaꞌ nojel ja samaj ja banon recomendar chawe rmal ja Dios.

Filemón 1:1

Anin in Pablo, inocnak preso pa cheꞌ pro rmal ja Jesucristo tok queriꞌ nbanon. Filemón, anin wachbil ja kachꞌalal Timoteo nkatzꞌibaj awaꞌ carta riꞌ in camic ntakel awqꞌuin. Atat at kachbil chipan ja samaj xin Jesucristo in congana natkajoꞌ.

Hebreos 3:6

Ja cꞌa Cristo chakajaꞌ xuban cumplir ja samaj xin Dios, arjaꞌ cꞌayon ja tinamit xin Dios pro ma moso ta, arjaꞌ Alcꞌwalaxel. In ajoj ok tinamit xin Dios ja wi cow xkopeꞌi, ja wi ni ma xtikayaꞌ can ta wiꞌ ja yukulbal kacꞌuꞌx ruqꞌuin, ja wi ni xkoquicot wiꞌ chi raybexic ja Jesús.

Apocalipsis 2:1

In xbij chic chwe: —Ja ángel ja nchajin rxin ja riglesia ja cꞌo pa Efeso quewaꞌ ja natzꞌibajel tre riꞌ: —Ja Jesucristo ja recꞌo wukuꞌ chꞌumil pa riquikꞌaꞌ in bien erchajin in nbini chicojol ja wukuꞌ candelero ja oro ocnak, arjaꞌ quewaꞌ nbij tre ja riglesia riꞌ: