San Lucas 1:76 - Tz'utujil (Ja Cꞌacꞌa Chominem)

⁷⁶ —Ncꞌajol, atat xtibinaꞌax chawe chi at profeta rxin ja nimlaj Dios como atat natnabeyaj na chwach ja Cristo ja kajaw utzcꞌa chi nachomarsaj na rubey chwach ja tok xajalal majaꞌn tumaj ja rsamaj.

Tz'utujil NT

⁷⁶ —Wlec'wal, atet nbix na chawa che at profeta rxin nimlaj Dios com atet ncatnabyeja chwech Cristo jKajaw ch-utz c'ara' nachumsaj rubey chwech tak xyamer numaj rij rsamaj.

San Lucas 1:76 Iomraidhean Croise

San Mateo 14:5

Ja xuban ja Herodes nabey tok majaꞌn ticamsaj ja Juan Bautista ni cꞌo wiꞌ rgana ncamsaj pro xa nxbej riꞌ chiquewach ja winak como ja nquibij ja winak chi ja Juan Bautista arjaꞌ jun profeta xin Dios, necheꞌe.

San Mateo 21:26

In wi xtikabij tre chi xa winak xeyoꞌ tre jariꞌ nak la xtiban chake cumal ja winak como ja chiquewach ejeꞌeꞌ ja Juan arjaꞌ jun profeta xin Dios, xecheꞌe.

San Mateo 3:11

Anin, yaꞌ ncoj ja nixnbanbej bautizar in tok nixban bautizar jariꞌ retal chi echꞌobon chic chi neqꞌuex ja renaꞌoj in neyaꞌ can ja ritzelal. Pro cꞌo chi na jun penak ja xajalal majaꞌn tumaj ja rsamaj, arjaꞌ más chi na nim ja poder cꞌo pa rukꞌaꞌ chinwach anin. Anin ma yatal ta chwij xquintiloc ta ruqꞌuin nixtacꞌa chi rucꞌaxic ja rxajab. Arjaꞌ nixruban bautizar pro Espíritu Santo in kꞌakꞌ ja nixrbanbej bautizar.

San Mateo 3:3

Ja Juan jariꞌ ja bitajnak can ojer chi npi na, quewaꞌ bitajnak can tre rmal ja profeta Isaías riꞌ: —Cꞌo jun kulaj ncꞌaxax chipan ja lugar ja kas talani, quewaꞌ nbij riꞌ: —Techomarsaj chi utz ja rubey ja kajaw Dios, jic teyaꞌaꞌ. Queriꞌ ja tzꞌibtal can tre ja Juan.

Marcos 11:32

Pro ja wi xtikabij tre chi xa winak xeyoꞌ tre nak la xtiqueban ja winak chake como ja chiquewach ejeꞌeꞌ ja Juan arjaꞌ jun profeta ja ni katzij wiꞌ chi profeta xin Dios. Queriꞌ nquechꞌob pro ni canojelal, xecheꞌe.

San Lucas 1:32

Ja tok xtiqꞌuiy nojoj janila nim rukꞌij, Ralcꞌwal ja nimlaj Dios xtibinaꞌax tre. Arjaꞌ riy rumam can ja rojer rey David in ja kajaw Dios xticojo rxin como rey ja caniꞌ xuban tre ja David ojer.

San Lucas 1:35

Quewaꞌ bix chic tre rmal ja ángel riꞌ: —Ja rEspíritu Santo arjaꞌ nkajto na awqꞌuin in ja poder rxin ja nimlaj Dios jariꞌ nsamaj na awqꞌuin rmalcꞌariꞌ tok ja santilaj acꞌal ja xtiqꞌuejeꞌ chwiakꞌaꞌ Ralcꞌwal Dios xtibinaꞌax tre.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

San Juan 1:23

Ja cꞌa Juan xbij chique: —Ja nbanic anin jariꞌ rtzꞌiban can ja profeta Isaías ojer quewariꞌ: —Cꞌo jun achi nurak na ruchiꞌ pa jun lugar ja bar kas talan wiꞌ in quewaꞌ nbij chique ja winak riꞌ: —Techomarsaj ja recꞌaslemal chi raybexic ja kajaw Dios, neꞌ chique. Jawaꞌ ja tzꞌibtajnak can, anin cꞌariꞌ ja nrak nuchiꞌ, neꞌe ja Juan chique.

San Juan 1:27

Anin xa rbixic nyaꞌ ja samaj xin Dios ja xtumaj rbanic arjaꞌ como más chi na nim rukꞌij arjaꞌ chinwach anin, nixtacꞌa yatal ta chwij xquintiloc ta ruqꞌuin chi rquiric ja rcꞌamal rxajab. Queriꞌ xbij chique.

San Juan 3:28

Ixix bien xecꞌwaxaj ja tok xinbij chique ja winak chi ma anin ta ja rin Cristo xarwariꞌ intakonto chi nyaꞌ rbixic ja Cristo chi npi na.

Hechos 16:17

Ajoj kachbil ja Pablo okbenak in trani ja xtan chakij ja tok xumaj rakic ruchiꞌ, quewaꞌ xbij chique ja winak riꞌ: —Ecꞌo juleꞌ achiꞌiꞌ waweꞌ ejeꞌeꞌ e ajsamajelaꞌ rxin ja lokꞌlaj Dios, netajini nquibij chake nak nkaban chi noktotaji. Queriꞌ xbij chique.