San Lucas 1:51 - Tz'utujil (Ja Cꞌacꞌa Chominem)

⁵¹ Bien xkꞌalasaj chikawach chi congana poder cꞌo pa rukꞌaꞌ, xerkajsaj ja winak ja nquenaꞌ kaj chi congana nimak quekꞌij.

Tz'utujil NT

⁵¹ Bien xk'alsaj chkawech chcongan poder c'ola pruk'a', xerkasaj wnak je nquena' kaja chcongan nim quek'ij.

San Lucas 1:51 Iomraidhean Croise

Romanos 1:21

Majun xtiquitobej ta quiꞌ como ejeꞌeꞌ masqui kꞌalasax chiquewach nak rbanic ja Dios ja katzij chi Dios pro xa queban tre caniꞌ ma Dios ta in nixtacꞌa cꞌo ta quimaltioxij ta tre chakajaꞌ. Ja quinaꞌoj ni majun rsamaj, xa yojtaji. Ja canma mchita ja rnaꞌoj Dios rcꞌan, xa kꞌekumiri.

2 Corintios 10:5

Ajoj nkayoj ja tijonem ja nqueyaꞌ ja winak ja kas e nimak nquenaꞌ kaj, nkayoj ja nimak tak naꞌoj ja nquecoj chi rwawaxic ja kas mero rnaꞌoj ja Dios. Nokchꞌojin ruqꞌuin ja quinaꞌoj winak xa nak ta nquechꞌob in nkachꞌec utzcꞌa chi mta jun naꞌoj ja maquita nucꞌam riꞌ ruqꞌuin ja rvoluntad ja Cristo.

1 Pedro 5:5

In ixix chakajaꞌ ja rix jóvenes, queꞌebanaꞌ respetar ja kachꞌalal ja recꞌayon ewxin. Xta jun neban ewanojel, tebanaꞌ respetar ewiꞌ, maxta teyaꞌ ekꞌij. Ja cꞌa Dios arjaꞌ itzel nerutzꞌat ja nqueyaꞌ quekꞌij pro nuyaꞌ rutzil chique ja matiqueyaꞌ quekꞌij.

Apocalipsis 18:8

Rmalcꞌariꞌ tok nerilaꞌ na jun kꞌij ja tok xtutij na ja rpokonal in chipan ariꞌ ja jun kꞌij qꞌuiy rwach ja rpokonal nkajto trij. Nkajto camíc trij, nkajto bis waꞌal trij chakajaꞌ in nporoxi. Queriꞌ xtiban tre como ja kajaw Dios ja nkꞌeto tzij trij congana nim ja poder ja cꞌo pa rukꞌaꞌ. Queriꞌ nbij ja kulaj ja penak chilaꞌ chicaj.