San Lucas 1:41 - Tz'utujil (Ja Cꞌacꞌa Chominem)

⁴¹ Ja cꞌa rElisabet ja tok xcꞌaxaj ja rutzil rwach yaꞌ rmal ja María chaka jalal tok xunaꞌ ja ti ral ja cꞌo pa gracia chi congana xusil riꞌ in noji ja rEspíritu Santo pa ranma ja rElisabet.

Tz'utujil NT

⁴¹ Ja' Elizabet tak xc'axaj je xk'ijloxa rmal María chek q'uenjlal tak xuna' ch'it ral jc'ola pe gracia congan xusil ri' y xnoja Espíritu Santo pranm Elizabet,

San Lucas 1:41 Iomraidhean Croise

San Lucas 1:15

Como ja talaꞌ arjaꞌ congana nim rukꞌij ntzꞌa̱t na rmal ja Dios. Ni majun vino xtutij ta nixtacꞌa xtutij ta nak chi ta ja natkꞌabar rmal. Majaꞌn talaxi ja tok xtinoji ja rEspíritu Santo pa ranma.

San Lucas 1:40

Ja cꞌa tok xekaj chipan ja tinamit xoc pa rochoch ja Zacarías in xuyaꞌ rutzil rwach ja rElisabet.

San Lucas 1:42

Arjaꞌ cow tzijoni, quewaꞌ xbij tre ja María riꞌ: —Camic más na utzil yaꞌon chawe atat rmal ja Dios chiquewach canojelal ja rixokiꞌ in janila utzil yaꞌon tre ja tawal chakajaꞌ ja cꞌo pa gracia.

San Lucas 1:44

Queriꞌ nbij chawe como anin ja tok chaka maril xayaꞌ rutzil nwach xinnaꞌ ja ti wal ja cꞌo pa gracia congana xusil riꞌ rumac quicotemal.

San Lucas 1:67

Ja cꞌa Zacarías ja rtataꞌ ja ti yaquiꞌ arjaꞌ noji ja rEspíritu Santo pa ranma in xumaj rbixic juleꞌ tzij ja yataj tre rmal ja Dios chi nbij tre ja Cristo ja xajalal majaꞌn talaxi, quewaꞌ xbij riꞌ:

San Lucas 4:1

Ja cꞌa Jesús arjaꞌ nojnak ja rEspíritu Santo pa ranma, xelel chipan ja binelyaꞌ Jordán, cꞌamarel rmal ja rEspíritu Santo chipan ja lugar ja kas talani.

Hechos 2:4

Cꞌacꞌariꞌ noji ja rEspíritu Santo pa tak canma canojelal in quemaj tzij chipan chic juleꞌ tzobal ja caniꞌ yataj chique chiquijujunal rmal ja rEspíritu Santo.

Hechos 4:8

Ja cꞌa Pedro arjaꞌ nojnak ja rEspíritu Santo pa ranma in quewaꞌ xbij chique riꞌ: —Ixix ja rix kꞌetol tak tzij, ixix ja rix principaliꞌ rxin ja katinamit ja rok aj Israel,

Hechos 6:3

Rmalcꞌariꞌ tok nkabij chewe camic, queꞌecanoj e wukuꞌ achiꞌiꞌ checojol ja utz netzꞌa̱t cumal ja kachꞌalal, juleꞌ achiꞌiꞌ ja nojnak ja rEspíritu Santo pa tak canma in congana tzꞌakat quinaꞌoj. Ja cꞌa tok xquecontaj emwal ajoj nkayaꞌ chi quekul chi ejeꞌeꞌ nejachowi ja way.

Hechos 7:55

Pro ja rEsteban arjaꞌ nojnak ja rEspíritu Santo pa ranma, kas ntzꞌelwachij ja caj ja tok xutzꞌat ja gloria xin Dios in xutzꞌat ja Jesús, pa riquikꞌaꞌ ja Dios paꞌl wiꞌ.

Hechos 9:17

Ja cꞌa rAnanías be. Ja tok xekaji xoqui ja pa jay, xuyaꞌ rukꞌaꞌ pa rwiꞌ ja Saulo in quewaꞌ xbij tre riꞌ: —Wachꞌalal Saulo, ja kajaw Jesús arjaꞌ xucꞌut riꞌ chawach tokoriꞌ tok amajon bey atpenak. Arjaꞌ takyonto wxin awqꞌuin camic utzcꞌa chi ncaꞌy chic jutij ja rawach utzcꞌa chakajaꞌ chi nnoji ja rEspíritu Santo pan awanma, neꞌ tre.

Efesios 5:18

Maxta quixnoj tre ja vino chi nixkꞌabar rmal como jariꞌ congana itzelal rcꞌamonto. Pro ja neban, ni ta xtinoj wiꞌ ja rEspíritu Santo pa tak ewanma.

Apocalipsis 1:10

Ja xinban pa jun domingo xinqꞌuejeꞌ pa rukꞌaꞌ ja rEspíritu Santo in cꞌo jun nimlaj kulaj xincꞌwaxaj can chwij caniꞌ rukul jun trompeta