San Lucas 1:32 - Tz'utujil (Ja Cꞌacꞌa Chominem)

³² Ja tok xtiqꞌuiy nojoj janila nim rukꞌij, Ralcꞌwal ja nimlaj Dios xtibinaꞌax tre. Arjaꞌ riy rumam can ja rojer rey David in ja kajaw Dios xticojo rxin como rey ja caniꞌ xuban tre ja David ojer.

Tz'utujil NT

³² Tak xtoca nim ajni'la nim ruk'ij, Rlec'wal nimlaj Dios nbixa tzra. Arja' riy rumam ojer rey David, y ja' Kajaw Dios xtucsana rxin rey ajni' xuban tzra David ojer.

San Lucas 1:32 Iomraidhean Croise

San Mateo 1:1

Ja Jesucristo arjaꞌ riy rumam can ja rojer rey David in chakajaꞌ riy rumam can ja rAbraham. Jawaꞌ ja xtintzꞌibaj riꞌ jawaꞌ quebiꞌ ja ratiꞌt rmamaꞌ ja Jesucristo.

San Mateo 12:42

Ja tok xterilaꞌ ja nimlaj kꞌij xin juicio ja rixok ja reina rxin ja nación ja cꞌo pa sur arjaꞌ xtiyictaji ix rachbil ja rix tinamit Israel in arjaꞌ noc kꞌetol tzij chewij. Queriꞌ nbij chewe como jariꞌ ixok arjaꞌ cꞌa cꞌa nat pi wiꞌ chi rcꞌaxaxic ja rnaꞌoj Dios ja yatajnak tre ja rojer rey Salomón. In ja camic nbij chewe, anin más chi na nim nukꞌij chwach ja Salomón.

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

San Mateo 3:11

Anin, yaꞌ ncoj ja nixnbanbej bautizar in tok nixban bautizar jariꞌ retal chi echꞌobon chic chi neqꞌuex ja renaꞌoj in neyaꞌ can ja ritzelal. Pro cꞌo chi na jun penak ja xajalal majaꞌn tumaj ja rsamaj, arjaꞌ más chi na nim ja poder cꞌo pa rukꞌaꞌ chinwach anin. Anin ma yatal ta chwij xquintiloc ta ruqꞌuin nixtacꞌa chi rucꞌaxic ja rxajab. Arjaꞌ nixruban bautizar pro Espíritu Santo in kꞌakꞌ ja nixrbanbej bautizar.

Marcos 14:61

Pro ja Jesús ni maticꞌulbaꞌ wiꞌ ja nbix tre. In bix chic tre rmal ja lokꞌlaj sacerdote: —Tabij chake ¿la atat ja rat Cristo ja rat Ralcꞌwal ja nimlaj Dios? neꞌxi ja Jesús.

Marcos 5:7

in xumaj rakic ruchiꞌ: —Jesús, atat ja rat Ralcꞌwal ja nimlaj Dios ¿nak nawajoꞌ chwe? Chwach Dios nbij chawe, maxta taban pokon chwe, neꞌ tre.

San Lucas 1:15

Como ja talaꞌ arjaꞌ congana nim rukꞌij ntzꞌa̱t na rmal ja Dios. Ni majun vino xtutij ta nixtacꞌa xtutij ta nak chi ta ja natkꞌabar rmal. Majaꞌn talaxi ja tok xtinoji ja rEspíritu Santo pa ranma.

San Lucas 1:35

Quewaꞌ bix chic tre rmal ja ángel riꞌ: —Ja rEspíritu Santo arjaꞌ nkajto na awqꞌuin in ja poder rxin ja nimlaj Dios jariꞌ nsamaj na awqꞌuin rmalcꞌariꞌ tok ja santilaj acꞌal ja xtiqꞌuejeꞌ chwiakꞌaꞌ Ralcꞌwal Dios xtibinaꞌax tre.

San Lucas 1:76

—Ncꞌajol, atat xtibinaꞌax chawe chi at profeta rxin ja nimlaj Dios como atat natnabeyaj na chwach ja Cristo ja kajaw utzcꞌa chi nachomarsaj na rubey chwach ja tok xajalal majaꞌn tumaj ja rsamaj.

San Lucas 3:16

Rmalcꞌariꞌ ja tok quewaꞌ xbij ja Juan chique canojelal: —Anin, yaꞌ ncoj ja nixnbanbej bautizar pro cꞌo chi na jun penak ja xajalal majaꞌn tumaj ja rsamaj, arjaꞌ más chi na nim ja poder cꞌo pa rukꞌaꞌ chinwach anin. Anin ma yatal ta chwij xquintiloc ta ruqꞌuin nixtacꞌa chi rquiric ja rxajab. Arjaꞌ nixruban bautizar pro Espíritu Santo in kꞌakꞌ ja nixrbanbej bautizar.

San Lucas 6:35

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

San Juan 12:34

Ja cꞌa winak quewaꞌ quibij tre riꞌ: —Pro kacꞌaxan waꞌan chipan ja rtzobal Dios chi tok xtipeti ja Cristo arjaꞌ ni mta wiꞌ camíc trij ¿nak cꞌa tre tok nabij atat chi ja Ralcꞌwalaxel ja xoc alaxic cuqꞌuin ja winak chi rjawaxic chi njecbax na chicaj? ¿Nak cꞌa ja ralcꞌwalaxel ja nabij leꞌ? xecheꞌ tre.

San Juan 6:69

como ja rajoj yukul kacꞌuꞌx awqꞌuin in kotak chi atat ja rat Cristo, kotak chi at Ralcꞌwal ja cꞌaslic Dios, neꞌ tre.

Hechos 16:17

Ajoj kachbil ja Pablo okbenak in trani ja xtan chakij ja tok xumaj rakic ruchiꞌ, quewaꞌ xbij chique ja winak riꞌ: —Ecꞌo juleꞌ achiꞌiꞌ waweꞌ ejeꞌeꞌ e ajsamajelaꞌ rxin ja lokꞌlaj Dios, netajini nquibij chake nak nkaban chi noktotaji. Queriꞌ xbij chique.

Hechos 2:30

Pro ja David arjaꞌ jun profeta xin Dios in xurkaj tre ja juramento ja rbanon ja Dios quewariꞌ: —David, anin quewaꞌ ntzujuj chawe riꞌ, cꞌo jun chique ja rawiy amam ja majaꞌn talaxi, arjaꞌ ariꞌ ja Cristo in xtincoj como Rey pan acꞌaxel. Queriꞌ tzujun can tre ja David rmal ja Dios.

Hechos 2:36

Rmalcꞌariꞌ tok nbij chewe, ja Jesús arjaꞌ rip chwa cruz como ixix xixcꞌutuni ja camíc trij pro jariꞌ mismo Jesús cojon chic rmal ja Dios como Rajaw nojelal, cojon chic rmal como Cristo. Bien tewotakij ja cꞌa xinbij chewe riꞌ in bien ticotakij chakajaꞌ ja kach tak aj Israel pro ni canojelal. Queriꞌ xbij ja Pedro chique.

Hechos 7:48

Pro ja lokꞌlaj Dios arjaꞌ ma rjawaxic ta tre chi xtiqꞌuejeꞌ ta pa tak templo ja banon cumal winak. Como caniꞌ tzꞌibtal can rmal ja profeta quewaꞌ nbij ja Dios riꞌ:

Romanos 1:4

Pro bien kꞌalaj chi Ralcꞌwal Dios, bien kꞌalaj chi congana nim ja rpoder, ni junan ja canma ruqꞌuin ja santilaj Dios. Jariꞌ bien kꞌalasaxi chi queriꞌ rbanic, tokoriꞌ kꞌalasaxi ja tok cꞌastaji chiquicojol camnakiꞌ. Ja kajaw Jesucristo jaꞌ cꞌariꞌ ja Ralcꞌwal Dios.

Apocalipsis 3:7

In xbij chic chwe: —Ja ángel ja nchajin rxin ja riglesia ja cꞌo Filadelfia quewaꞌ ja natzꞌibajel tre riꞌ: —Ja Jesucristo ja Santilaj Alcꞌwalaxel, ja ni katzij wiꞌ nojelal ja nbij, ja cꞌo lawe xin David pa rukꞌaꞌ in tok cꞌoli nujak jeꞌe majun nak ta ncowini xtitzꞌapij chi ta in tok cꞌoli ntzꞌapij jeꞌe majun nak ta ncowini xtujak chi ta, arjaꞌ quewaꞌ nbij tre ja riglesia riꞌ: