San Juan 9:35 - Tz'utujil (Ja Cꞌacꞌa Chominem)

³⁵ Ja cꞌa Jesús tok xcꞌaxaj chi wasaxto ja rachi in maticꞌul chic arjaꞌ be, xerilaꞌ in quewaꞌ xcꞌaxaj tre riꞌ: —¿La yukul chic acꞌuꞌx ruqꞌuin ja Ralcꞌwal Dios? neꞌ tre.

Tz'utujil NT

³⁵ Ja' Jesús tak xc'axaj che xelsas ta acha y majo'n nc'u'l xta, xba y xerla' acha y cawra xc'axaj tzra: —¿Le ykul chic ac'u'x ruq'uin Rlec'wal Dios?

San Juan 9:35 Iomraidhean Croise

San Mateo 14:33

Ja cꞌa recꞌo chipan ja lancha ejeꞌeꞌ quemaj ryaꞌic rukꞌij, quewaꞌ quibij tre riꞌ: —Ni katzij wiꞌ chi atat ja rat Ralcꞌwal Dios, xecheꞌ tre.

San Mateo 16:16

Peti ja Simón Pedro, xbij tre: —Ja ratat at Cristo at Ralcꞌwal ja cꞌaslic Dios, neꞌ tre.

San Mateo 4:3

Ja cꞌa diablo ja takchinel arjaꞌ xekaj ruqꞌuin ja Jesús in quewaꞌ xbij tre riꞌ: —Ja wi katzij chi atat ja rat Ralcꞌwal Dios tabij cꞌa trewaꞌ ja juleꞌ abaj riꞌ chi noc way, neꞌ tre.

Marcos 1:1

Quewaꞌ rbanic ja tok majtaj rkꞌalasaxic ja utzlaj tzij ja nucꞌut chikawach nak rbanic ja Jesucristo ja Ralcꞌwal Dios.

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

San Juan 1:34

in caniꞌ xbij chwe ni queriꞌ xintzꞌat in camic nbij chewe chi jalaꞌ jun achi leꞌ arjaꞌ ja Ralcꞌwal Dios. Queriꞌ xbij ja Juan chique ja winak.

San Juan 10:36

Ja cꞌa chwe anin, Dios xinruchaꞌ in xinrutakto waweꞌ chwachꞌulew. Ja cꞌa rejeꞌeꞌ wi bix chique chi e dios ¿nak cꞌa tre tok nebij ixix chwe chi xa ofensa rcꞌamonto tre ja Dios ja tok xinbij chi anin ja rin Ralcꞌwal Dios?

San Juan 11:27

—Can nnimaj Wajaw, anin nnimaj chi atat ja rat Cristo, atat ja rat Ralcꞌwal Dios ja bitajnak can ojer chi natpi na waweꞌ chwachꞌulew, neꞌe ja Marta tre.

San Juan 20:28

—Atat at Wajaw, atat at nDios, neꞌe ja Tomás tre.

San Juan 20:31

Pro cꞌoli ja xintzꞌibaj chipan awaꞌ jun libro riꞌ utzcꞌa chi nenimaj ja Jesús chi arjaꞌ ja Cristo ja Ralcꞌwal Dios in tok queriꞌ nenimaj jariꞌ nyataj chewe ja utzlaj cꞌaslemal ja mta qꞌuisic trij como jariꞌ nyataj chake ja tok xa jun nkaban ruqꞌuin.

San Juan 3:36

Ja wi nyukeꞌ acꞌuꞌx ruqꞌuin ja Ralcꞌwalaxel jariꞌ awcꞌan chic ja utzlaj cꞌaslemal ja ni mta wiꞌ qꞌuisic trij. Pro ja wi matanimaj ja Ralcꞌwalaxel jariꞌ ni matawil wiꞌ ja utzlaj cꞌaslemal in ni cꞌo wiꞌ ryewal ja Dios chawij.

San Juan 5:14

Cꞌa coꞌl ariꞌ tok xiltaji ja rachi rmal ja Jesús chipan ja templo. Quewaꞌ xbij ja Jesús tre riꞌ: —Camic xattzuri pro macatmacun chi ta, matzij xa cꞌoli xtipi chic chipan ja racꞌaslemal ja más chi na lawuloꞌ, neꞌe.

San Juan 6:69

como ja rajoj yukul kacꞌuꞌx awqꞌuin in kotak chi atat ja rat Cristo, kotak chi at Ralcꞌwal ja cꞌaslic Dios, neꞌ tre.

San Juan 9:22

Queriꞌ quibij chique ja raj Israel como nquixbej quiꞌ chiquewach como ja raj Israel ejeꞌeꞌ quichomin chic chi xa nak ta nbini chi ja Jesús arjaꞌ ja Cristo wi neꞌe, jariꞌ maticꞌul chic chipan ja jay xin molbal riꞌil ja bar nquemol wiꞌ quiꞌ ja raj Israel chi rcꞌaxaxic ja rtzobal Dios, nchꞌakixel chijutij.

San Juan 9:34

Ja cꞌa rejeꞌeꞌ quemaj chic ryokꞌic ja rachi, quewaꞌ quibij tre riꞌ: —Ja ratat xa rmal il mac tok nij at moy wiꞌ xatalaxi ¿in atat nawajoꞌ nokatijoj ajoj? Queriꞌ quibij tre in quiwasajel chiquicojol chijutij in ma xquecꞌul chi ta.

Hechos 8:36

Kas quimajon binem chipan ja careta ja tok cꞌo jun yaꞌ quewil: —Tatzꞌataꞌ mpeꞌ, cꞌo jun yaꞌ leꞌ. ¿La maxta cꞌa utz ninban bautizar camic? neꞌe ja rachi.

Hechos 8:37

—Ja wi nyukeꞌ acꞌuꞌx ruqꞌuin ja Jesucristo pro nojel acꞌuꞌx nojel awanma jariꞌ utz natban bautizar, neꞌxi rmal ja Felipe. —Anin yukul nucꞌuꞌx ruqꞌuin ja Jesucristo chi arjaꞌ Ralcꞌwal Dios, neꞌe ja rachi tre ja Felipe.

Hechos 9:20

Cꞌacꞌariꞌ xumaj oquem pa tak jay xin molbal riꞌil ja bar nquemol wiꞌ quiꞌ ja raj Israel in xumaj rbixic chique nak ocnak wiꞌ ja Jesús: —Ja Jesús arjaꞌ Ralcꞌwal Dios, neꞌ chique.

Romanos 1:4

Pro bien kꞌalaj chi Ralcꞌwal Dios, bien kꞌalaj chi congana nim ja rpoder, ni junan ja canma ruqꞌuin ja santilaj Dios. Jariꞌ bien kꞌalasaxi chi queriꞌ rbanic, tokoriꞌ kꞌalasaxi ja tok cꞌastaji chiquicojol camnakiꞌ. Ja kajaw Jesucristo jaꞌ cꞌariꞌ ja Ralcꞌwal Dios.

Romanos 10:20

In chakajaꞌ ja rojer profeta Isaías cꞌoli xbij chique ja raj Israel in ma xbej ta riꞌ chi rbixic chique: —Quewaꞌ nbij ja Dios chewe riꞌ, neꞌe ja rIsaías: —Ecꞌo juleꞌ tinamit ja mta nak ta queban chi rotakixic janiꞌ ja nnaꞌoj pro ja camic cotak chic. Ejeꞌeꞌ ma xquicꞌutuj ta chwe chi ninqꞌuejeꞌ chiquicojol pro ja camic nkꞌalasan wiꞌ chiquewach.

1 Juan 4:15

Canojel ja winak ja nebini chi Jesús arjaꞌ Ralcꞌwal Dios ejeꞌeꞌ riꞌ cꞌoli pa tak canma ja Dios in ejeꞌeꞌ chakajaꞌ ecꞌo pa ranma ja Dios.

1 Juan 5:10

Kanojel ja yukul kacꞌuꞌx ruqꞌuin ja Ralcꞌwal Dios cꞌo chic ja testigoꞌil xin Dios pa tak kanma ja nyabex kaseguro. Ja wi matanimaj ja nbij ja Dios nel cꞌariꞌ xa caniꞌ tzꞌakol tzij nacoj wiꞌ. Queriꞌ naban ja wi matanimaj ja testigoꞌil ja ryaꞌonto ja Dios tre ja Ralcꞌwal.

1 Juan 5:13

Anin xintzꞌibajel ja carta riꞌ in ntakel ewqꞌuin ixix ja yukul ecꞌuꞌx ruqꞌuin ja Jesucristo ja Ralcꞌwal Dios. Ja xintzꞌibaj chipan jariꞌ nyabej eseguro chi ixix ewcꞌan chic ja utzlaj cꞌaslemal ja mta qꞌuisic trij.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.

1 Juan 5:5

¿Echinatak cꞌariꞌ ja nechꞌocmaji? Ajoj cꞌariꞌ ja kaniman ja Jesús chi arjaꞌ ja Ralcꞌwal Dios ajoj nokchꞌocmaji.

3 Juan 1:10

Rmalcꞌariꞌ ja ranin tok xquinbe ruqꞌuin can nkꞌalasaj na chi utz nojel ja ntajini nuban chi arjaꞌ rmajon katzijoxic, ntajini nbij juleꞌ itzel tak tzij chake. In cꞌa cꞌo na más ja ma utz ta nuban como maquerucꞌul ja kachꞌalal ja tok neꞌekaj ruqꞌuin in chakajaꞌ ja cꞌo quigana nequecꞌul arjaꞌ matuyaꞌ lugar chique chi xquequecꞌul ta, xa nerwasajto chipan ja riglesia in maquerucꞌul chic ejeꞌeꞌ chakajaꞌ.