San Juan 9:30 - Tz'utujil (Ja Cꞌacꞌa Chominem)

³⁰ —Pro nak moda takaꞌan matichꞌobtaj emwal nak takyonto rxin pro xujak cꞌa nwach, neꞌe ja rachi chique.

Tz'utujil NT

³⁰ —Per ¿nak tzer c'ara' mesquier nch'obtaja ewmal nak takyon pa rxin per xujak c'a nk'anwech?

San Juan 9:30 Iomraidhean Croise

San Mateo 11:5

Ja moyaꞌ necaꞌy chic. Ja maquecowini nebini nebin chic. Ja recꞌo itzel tak chꞌaꞌc chiquij xetzuri. Ja taconaꞌ nquicꞌaxaj chi tzij. Ja camnakiꞌ xecꞌastaji. Ja mebaꞌiꞌ majtajnak rbixic chique ja utzlaj tzij xin totajem ja rtakonto ja Dios.

San Mateo 21:42

Ja cꞌa Jesús arjaꞌ xbij chic chique: —¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil. Jariꞌ samaj kajaw Dios banowi in kas ncꞌascꞌoꞌi nkatzꞌat, neꞌe.

Marcos 6:6

Arjaꞌ kas junwiꞌ xunaꞌ rumac ja mta yukulbal quecꞌuꞌx ja winak ruqꞌuin. Cꞌacꞌariꞌ xelel, be pa tak aldea ja cꞌo chinakaj in xumaj quitijoxic ja winak.

San Lucas 7:22

Cꞌacꞌariꞌ xbij chique ja caꞌiꞌ discípulo ja re xin Juan Bautista: —Jix, jebij tre ja Juan nojel ja retzꞌaton camic in nojel ja recꞌwaxan. Ja moyaꞌ necaꞌy chic. Ja maquecowini nebini nebin chic. Ja recꞌo itzel tak chꞌaꞌc chiquij xetzuri. Ja taconaꞌ nquicꞌaxaj chi tzij. Ja camnakiꞌ xecꞌastaji. Ja mebaꞌiꞌ majtajnak rbixic chique ja utzlaj tzij xin totajem ja rtakonto ja Dios.

San Juan 12:37

Ja Jesús masqui congana qꞌuiy ja milagro rbanon chic ja rcꞌutben chiquewach nak ja rocnak wiꞌ pro ejeꞌeꞌ ni ma xyukeꞌ ta wiꞌ quecꞌuꞌx ruqꞌuin.

San Juan 3:10

Ja cꞌa Jesús xbij chic tre: —At maestro waꞌan quixin ja tinamit Israel ja rtinamit Dios pro takaꞌan matichꞌobtaj amwal ja nbij chawe.

San Juan 9:29

Ajoj kotak chi tzijoni ja Dios ruqꞌuin ja Moisés pro ja rachi rbinaꞌan Jesús jariꞌ ba la penak wiꞌ, nak la takyonto rxin, xecheꞌ tre.

San Juan 9:31

Bien kotak chi ja Dios arjaꞌ maticꞌaxaj ja tok cꞌoli ncꞌutux tre rmal jun achi ja wi xa il mac nuban ja rachi. Pro jun achi wi nuyaꞌ rukꞌij ja Dios in wi nnimaj ja najoꞌx tre rmal ja Dios chi nuban jariꞌ ncꞌaxaxi ja ncꞌutuj tre ja Dios.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.