San Juan 9:22 - Tz'utujil (Ja Cꞌacꞌa Chominem)

²² Queriꞌ quibij chique ja raj Israel como nquixbej quiꞌ chiquewach como ja raj Israel ejeꞌeꞌ quichomin chic chi xa nak ta nbini chi ja Jesús arjaꞌ ja Cristo wi neꞌe, jariꞌ maticꞌul chic chipan ja jay xin molbal riꞌil ja bar nquemol wiꞌ quiꞌ ja raj Israel chi rcꞌaxaxic ja rtzobal Dios, nchꞌakixel chijutij.

Tz'utujil NT

²² Cara' xecbij chca aj Israel com j-e' congan necxibej qui' chquewech aj Israel com j-e' aj Israel quech'bon chic nak wnak xtbina che Jesús jara' Cristo majo'n nc'u'l xta chpam jay abar nquemol wa' qui', abar ncho'l wa' rtzojbal Dios, per junlic nch'akix ela.

San Juan 9:22 Iomraidhean Croise

San Lucas 6:22

Congana quiꞌil chewe ixix ja nixtzelax cumal ja winak in maquixcꞌul cumal in xa nixtzꞌuj cumal in nbix chewe cumal chi xa ix itzel tak winak pro congana quiꞌil chewe ja wi mwal anin tok nba̱n queriꞌ chewe, anin ja rin Alcꞌwalaxel ja xinoc alaxic cuqꞌuin ja winak.

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

San Juan 16:2

Como ja winak ejeꞌeꞌ nixquichꞌakijto na pa tak jay xin molbal riꞌil ja bar ncꞌaxax wiꞌ ja rtzobal Dios in maquixcꞌul chic chipan. In cꞌuluto, nerilaꞌ na jun kꞌij ja tok nixquicamsaj in ja pa quetzij ejeꞌeꞌ rvoluntad Dios nqueban ja nixquicamsaj.

San Juan 19:38

Cꞌo cꞌa jun achi José rubiꞌ aj Arimatea, arjaꞌ jun discípulo rxin ja Jesús, be ruqꞌuin ja Pilato chi nercꞌutuj tre ja cuerpo rxin ja Jesús. Pro xa pan awatali tok be como arjaꞌ nxbej riꞌ chiquewach ja rach tak aj Israel. Ja cꞌa tok xekaji ruqꞌuin ja Pilato yaꞌ lugar tre rmal chi nucꞌamel ja cuerpo in queriꞌ xuban xucꞌamel.

San Juan 20:19

Jariꞌ kꞌij domingo, ja cꞌa discípulo como ejeꞌeꞌ nquixbej quiꞌ chiquewach ja cach tak aj Israel chewiꞌ tok quimolon quiꞌ pa jay, quitzꞌapinto quechiꞌ. Ja cꞌa tok xoc akꞌaꞌ xekaji ja Jesús cuqꞌuin, peꞌi chiquicojol in quewaꞌ xbij chique riꞌ: —Ja quicotemal xin Dios tiqꞌuejeꞌ checojol, neꞌ chique.

San Juan 7:13

Pro como ni majun chique ja maquita nxbej riꞌ chiquewach ja cach tak aj Israel ja nimak quekꞌij chewiꞌ tok kas pan ekal netzijoni.

San Juan 9:18

Ja cꞌa raj Israel ejeꞌeꞌ ma xquinimaj ta chi ni moy wiꞌ ja rachi nabey, ma xquinimaj ta chi cꞌa jaktaji ja rwach xa chewiꞌ tok quetak quisiqꞌuixic ja rtataꞌ ruteꞌ.

San Juan 9:21

Pro ma kotak ta nak tre tok ncaꞌy chic camic nixtacꞌa kotak ta chakajaꞌ nak jakowi ja rwach. Mejor, tre arjaꞌ tecꞌwaxaj wiꞌ como cꞌo chic rjunaꞌ, riꞌj chic, arjaꞌ cꞌa nbin alaꞌ chewe nak ja xuban, xecheꞌe ja rtataꞌ ruteꞌ.

San Juan 9:34

Ja cꞌa rejeꞌeꞌ quemaj chic ryokꞌic ja rachi, quewaꞌ quibij tre riꞌ: —Ja ratat xa rmal il mac tok nij at moy wiꞌ xatalaxi ¿in atat nawajoꞌ nokatijoj ajoj? Queriꞌ quibij tre in quiwasajel chiquicojol chijutij in ma xquecꞌul chi ta.

San Juan 9:35

Ja cꞌa Jesús tok xcꞌaxaj chi wasaxto ja rachi in maticꞌul chic arjaꞌ be, xerilaꞌ in quewaꞌ xcꞌaxaj tre riꞌ: —¿La yukul chic acꞌuꞌx ruqꞌuin ja Ralcꞌwal Dios? neꞌ tre.

Hechos 4:18

Cꞌacꞌariꞌ xequisiqꞌuij chic jutij in quewaꞌ quibij chique riꞌ: —Ma queꞌetijoj chi ta ja winak tre ja Jesús, ma tenataj chi ta rubiꞌ chiquewach, xecheꞌ chique.

Hechos 5:13

Ja cꞌa juleꞌ chic winak ejeꞌeꞌ nquixbej quiꞌ chi xqueꞌoc ta chiquicojol ja kachꞌalal pro utz xetzꞌati ja kachꞌalal cumal ja tinamit.

Hechos 5:40

Ejeꞌeꞌ chꞌobtaj cumal ja bix chique, quetak quicꞌamaric ja rapóstol. Ja tok xeꞌurkaji ja rapóstol xequirapaj in quewaꞌ quibij chic chique riꞌ: —Ma tenataj chi ta rubiꞌ ja Jesús chiquewach ja winak, xecheꞌ chique. Cꞌacꞌariꞌ xequisokpijel.

Apocalipsis 21:8

Pro ja xa nquixbej quiꞌ nqueban chꞌaꞌoj ruqꞌuin ja ritzelal ejeꞌeꞌ nebe chipan ja yaꞌ ja yujun juleꞌ caniꞌ kꞌol ruqꞌuin rmajon cꞌatem, jariꞌ ja rcaꞌmul camíc. In queriꞌ nba̱n chique chakajaꞌ ja ma yukul ta quecꞌuꞌx ruqꞌuin ja Jesucristo in chique ja xa quitzꞌilorsaj ja canma chipan ja ritzelal in chique ja camsanelaꞌ in chique ja banol il mac ja rachiꞌiꞌ cuqꞌuin ixokiꞌ in chique ajꞌitzaꞌ in chique ja nexuqueꞌ chiquewach cachbal tak winak in chwach rachbal tak nakun jeꞌe in chique canojel ja tzꞌakol tak tzij.