San Juan 9:16 - Tz'utujil (Ja Cꞌacꞌa Chominem)

¹⁶ Ecꞌoli chique ja fariseo quibij: —Ja rachi rbinaꞌan Jesús ma Dios ta takyonto rxin como arjaꞌ matuban respetar ja xulaꞌnbal kꞌij como cꞌo samaj nuban chipan, xecheꞌe. Pro juleꞌ chic chique quewaꞌ quibij riꞌ: —¿Pro nak moda cꞌariꞌ jun achi wi xa il mac ja nuban in nuban jun milagro ja caniꞌ nkatzꞌat camic riꞌ? xecheꞌe. In queriꞌ queban, ma junan ta quechꞌob trij ja Jesús.

Tz'utujil NT

¹⁶ Ec'ola nic'aj aj fariseo cawra xecbij: —Ja acha rbin-an Jesús, me Dios ta takyon pa rxin com ja' mtuya' ruk'ij xlanbal k'ij com xnesmaja chpam. Per jle' chic cawra xecbij: —¿Nak tzer c'ara' jun acha we xril rumac nuban y nuban jun milagro ajni' nkatz'et camic? Y cara' xqueban, mjunam ta xquech'ob tzrij Jesús.

San Juan 9:16 Iomraidhean Croise

San Mateo 12:10

Cꞌo cꞌa jun achi siquirnak jun rukꞌaꞌ. Ja cꞌa fariseo ejeꞌeꞌ quimajon rcanoxic rij rwach ja Jesús nak ja nquichapbej rxin rmalcꞌariꞌ tok quewaꞌ quibij tre riꞌ: —¿La nuyaꞌ lugar chawe ja ley chi neꞌatzursaj yawaꞌiꞌ pa tak xulaꞌnbal kꞌij? xecheꞌ tre.

San Mateo 12:2

Ja cꞌa fariseo ejeꞌeꞌ tok xequetzꞌat quibij tre ja Jesús: —Pakasaꞌ radiscípulo leꞌ, ja netajini quimajon rbanic jalaꞌ xajan nbani pa tak xulaꞌnbal kꞌij, xecheꞌ tre.

San Lucas 13:14

Pro peti ja jefe rxin ja jay xin molbal riꞌil, arjaꞌ congana penak ryewal como ja Jesús pa jun xulaꞌnbal kꞌij xtzursaj wiꞌ ja rixok in quewaꞌ xbij chique ja winak riꞌ: —Ja chipan jun semana wakiꞌ kꞌij ja yatal chake chi noksamaji. Tre ja wakiꞌ kꞌij jariꞌ utz nixpeti xa nak ta chi kꞌijal chi nixtzuri pro ma quixpi ta jutzꞌit pa tak xulaꞌnbal kꞌij, neꞌe ja jefe chique.

San Juan 10:19

Ja tok bitaji tzij riꞌ rmal ja Jesús ja raj Israel ejeꞌeꞌ quemaj chic jutij rchꞌaꞌic chibil tak quiꞌ.

San Juan 14:11

Tenimaj ja nbij chewe chi anin xa jun nbanon ruqꞌuin ja Tatixel in jaꞌ Tatixel xa jun rbanon wqꞌuin anin chakajaꞌ. Owi matenimaj ja chaka tzij nban ewqꞌuin como cꞌo cꞌa ja nimak tak milagro nbanon chewach rmaltariꞌ xtenimaj.

San Juan 15:24

Ja wixta maquita xinban ja nimak tak milagro chiquewach, pro juleꞌ milagro ja ni majun nak chi ta banyon, jariꞌ mta nechapbexi pro jariꞌ quetzꞌat in camic xa itzel ninquetzꞌat in xa itzel nquetzꞌat ja Nataꞌ chakajaꞌ.

San Juan 2:11

Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

San Juan 3:2

Xuban cꞌa jutij xekaji ja Nicodemo ruqꞌuin ja Jesús chakꞌaꞌ in xumaj tzij ruqꞌuin, quewaꞌ xbij tre riꞌ: —Rabí, ajoj kotak chi atat at jun tijonel attakonto rmal ja Dios como anin wotak chi majun winak xticowin ta xtuban ta ja nimak tak milagro ja ramajon rbanic atat ja wi mta ja Dios ruqꞌuin, neꞌ tre.

San Juan 5:10

Como xulaꞌnbal kꞌij rmalcꞌariꞌ tok quewaꞌ bix tre cumal ja raj Israel riꞌ: —Camic xulaꞌnbal kꞌij, xajan chi nawcꞌaj ja rawarbal, neꞌxi.

San Juan 5:36

Pro cꞌo chi na jun nyoꞌ testigoꞌil chwij in ja testigoꞌil nuyaꞌ arjaꞌ más chi na nim rukꞌij chwach ja xuyaꞌ ja Juan. Ja samaj ja nmajon rbanic jariꞌ ocnak testigoꞌil chwij, jariꞌ samaj yatajnak chwe rmal ja Tatixel chi nban in jariꞌ samaj ncꞌutuwi chi ja Tatixel intakyonto.

San Juan 6:52

Ja cꞌa raj Israel ejeꞌeꞌ quemaj chic tzij chibil tak quiꞌ, junwiꞌ nquibij juleꞌ in junwiꞌ chi na nquibij juleꞌ: —¿Nak rbanic cꞌalaꞌ nbij ja jun achi leꞌ chi nuyaꞌ ja rcuerpo chake chi nkatij? necheꞌe.

San Juan 7:12

E qꞌuiy ja winak chipan ja nmakꞌij quimajon tzij tre ja Jesús pro kas pan ekal netzijoni. Ecꞌoli chique quewaꞌ nquibij riꞌ: —Congana utzlaj achi ja Jesús, necheꞌe, pro junwiꞌ chi na nquibij juleꞌ chic chique: —Xa neruyoj ja winak, xa neruban engañar, necheꞌe.

San Juan 7:23

Ja cꞌa rixix cꞌoli ebanon jeꞌe masqui pa tak xulaꞌnbal kꞌij pro eꞌebanon circuncidar ja winak como queriꞌ nrajoꞌ ja ley xin Moisés chi neban. Ja wi queriꞌ ebanon ixix ¿nak cꞌa tre tok pit ewayewal chwij tok xintzursaj jun achi pa jun xulaꞌnbal kꞌij?

San Juan 7:43

Queriꞌ queban ja winak, quemaj rchꞌaꞌic chibil tak quiꞌ rmal ja Jesús.

San Juan 9:24

Cꞌacꞌariꞌ xecꞌamar chic jutij ja rachi ja moy nabey in quewaꞌ quibij tre riꞌ: —Chwach Dios tabij ja kas mero rubey como ajoj kotak chi ja rachi rbinaꞌan Jesús arjaꞌ xa il mac ja nuban, xecheꞌ tre.

Hechos 14:4

Pro ja tinamit caꞌiꞌ queban, nicꞌaj quecoj quiꞌ cuqꞌuin ja raj Israel ja ma xeniman ta in nicꞌaj chic quecoj quiꞌ cuqꞌuin ja rapóstol Pablo in Bernabé.