San Juan 8:44 - Tz'utujil (Ja Cꞌacꞌa Chominem)

⁴⁴ Ixix ix ralcꞌwal ja diablo in nak cꞌo rgana ja diablo chi nuban nijawariꞌ cꞌol egana ixix neban chakajaꞌ. Ja diablo arjaꞌ ni camsanel wiꞌ ja tok winakarto ja rwachꞌulew. Nojelal ja nbij ja Dios xa rcꞌulel ja diablo como ja diablo arjaꞌ ni majutij ja katzij ta nbij. Ja tok nutzꞌak tzij ja diablo jariꞌ ni rxin wiꞌ como arjaꞌ ni tzꞌakol tzij wiꞌ, arjaꞌ kas nwinakarsani ja tzꞌakoj tak tzij.

Tz'utujil NT

⁴⁴ Ixix ix rlec'wal diablo, y nak nrajo' diablo nuban y njara' c'ola egan tzrij ixix chka'. Ja' diablo ncamsanel wa' chek xwanker ta rwech ruch'lew. Njelal je nbij Dios xitzel nc'axaj diablo com ja' diablo xe tz'koy tzij. Tak nutz'ak tzij diablo jara' ne rxin wa' com ja' ne tz'koy tzij wa', y ja' nwankersana je' tz'koj tak tzij.

San Juan 8:44 Iomraidhean Croise

San Mateo 12:34

Ixix congana itzel tak naꞌoj ewcꞌan, ix caniꞌ juleꞌ itzel tak cumatz. Congana cꞌayew xtelpi ta juleꞌ utzlaj tak tzij pan echiꞌ como xa ix itzel tak winak. Queriꞌ nbij chewe como ja nojnak pa tak ewanma jariꞌ nelto pan echiꞌ.

San Mateo 13:15

—Queriꞌ nbij chique ja winak leꞌ como ja canma cowirnak in ja quixquin cꞌayew chi noc chipan ja nbix chique in ja quewach xa quiyupun. Queriꞌ nqueban como mta quigana nquetzꞌat ja ncꞌu̱t chiquewach in nixtacꞌa cꞌo ta quigana nquicꞌaxaj ja nbix chique in nixtacꞌa cꞌo ta quigana nquechꞌob pa tak canma ja nchꞌo̱b chiquewach in nixtacꞌa cꞌo ta quigana chakajaꞌ nemeloj wqꞌuin utzcꞌa chi ncuy ja quil quemac, neꞌe ja Dios. Queriꞌ cꞌa ja bitajnak can.

San Mateo 13:38

Ja chenoj jariꞌ ja rwachꞌulew. Ja utzlaj ijaꞌtz jariꞌ ja recꞌo pa rcuenta ja gobierno xin chilaꞌ chicaj. Ja ritzel tijcoꞌm jariꞌ ja recꞌo pa rcuenta ja diablo.

San Juan 6:70

Ja cꞌa Jesús xbij chic chique: —Ix cablajuj ja rixnchaꞌon pro cꞌo jun chewe ja xa ucꞌan rmal ja diablo, neꞌe.

San Juan 7:17

Ja winak ja cꞌo quigana nqueban ja rvoluntad Dios ejeꞌeꞌ bien ncotakij na ja wi Dios winakarsyon ja tijonem nyaꞌ owi chaka ngana anin nwinakarsan nojoj nuyon.

San Juan 8:38

Nojel ja nmajon rbixic anin jariꞌ ruqꞌuin Nataꞌ ntzꞌaton wiꞌ. Pro nojel ja remajon rbanic ixix jariꞌ etataꞌ ixix biyon chewe chi neban. Queriꞌ xbij ja Jesús chique.

San Juan 8:41

Ja cꞌa retataꞌ ixix, ja caniꞌ nuban arjaꞌ jariꞌ emajon rbanic ixix chakajaꞌ, neꞌe ja Jesús chique. —Ajoj tok xokalaxi ma ok alakꞌan tak acꞌalaꞌ ta, ajoj xa jun Tatixel kaxin jariꞌ ja Dios, xecheꞌ tre.

San Juan 8:55

Pro xa ma ewotakin ta rwach ja Nataꞌ pro anin bien wotak rwach. Ja wixta xinbij chewe chi ma wotak ta rwach jariꞌ xta cꞌa in junan ewqꞌuin ariꞌ ja rix tzꞌakol tak tzij. Pro jariꞌ wotak rwach, ni nnimaj wiꞌ ja rtzobal.

Hechos 13:10

in quewaꞌ xbij tre riꞌ: —Atat xa at banol engaño, xa at itzel achi, xa at ralcꞌwal diablo, ni mta wiꞌ agana ruqꞌuin ja rutzil. ¿Nak cꞌa tre ja tok nachꞌaꞌ ja rtzobal Dios? ¿Nak cꞌa tre ja tok matayaꞌ lugar chique ja winak chi nquinimaj?

Hechos 24:9

Ja cꞌa raj Israel ja recꞌo chwach ja gobernador quewaꞌ quibij tre riꞌ: —Ni katzij wiꞌ ja xbij ja Tértulo leꞌ, xecheꞌ tre.

Hechos 5:3

Ja cꞌa tok jachtaj rmal quewaꞌ bix tre rmal ja Pedro riꞌ: —Ananías, cꞌo jalal rjil ja rulew qꞌuejeꞌ can awqꞌuin. ¿Nak tre ja tok xaban queriꞌ? ¿Nak tre ja tok xayaꞌ lugar tre ja Satanás chi xoc pan awanma in xatrtakchiꞌij chi xatzꞌak tzij chwach ja rEspíritu Santo?

2 Corintios 11:3

Pro ja ranin nxbej wiꞌ, nurkaj chwe ja ban tre ja Eva ojer tok ban engañar rmal ja cumatz como ja cumatz congana listo, matzij xa queriꞌ xtiban chic chewe ixix in junwiꞌ chic xtechꞌob in ma ruyon chi ta ruqꞌuin ja Cristo xtiyukeꞌ wiꞌ ecꞌuꞌx.

1 Pedro 5:8

Ja cꞌa diablo ja recꞌulel arjaꞌ ntajini ncanoj nak nuban chewe caniꞌ nuban jun cój nurak ruchiꞌ tok nercanoj ja nerutij. Rmalcꞌariꞌ tok nbij chewe, kas bien techꞌoboꞌ na ja neban in quixcꞌascꞌoti.

2 Pedro 2:4

Caniꞌ xuban ja Dios ojer chique ja ángel ja xemacun chwach ma xpokonaj ta quewach, xerutakel chipan ja rpokonal pa jun lugar kꞌekumal, ebacꞌon pa cadena chi raybexic ja nimlaj kꞌij xin juicio.

1 Juan 1:8

Ja wi nkabij chi mta ja il mac kabanon jariꞌ xa nkaban kaj engañar kiꞌ kayon in ma katzij ta ja nkabij.

1 Juan 2:21

Anin ntzꞌibajel ja carta chewe riꞌ pro ma rmal ta chi majaꞌn tichꞌobtaj emwal nak rbanic ja utzlaj tzij pro como chꞌobtajnak chic emwal chewiꞌ tok ntzꞌibajel chewe. Ixix bien ewotak chi ja tzꞌakoj tzij ni matucꞌam wiꞌ riꞌ ruqꞌuin ja utzlaj tzij xin Jesucristo.

1 Juan 2:4

Ja wi cꞌo jun nbij chi arjaꞌ rotak rwach ja Jesucristo pro wi matinimaj ja rmandamiento jariꞌ xa tzꞌakol tzij, mta rtzobal Dios pa ranma.

1 Juan 3:12

Maxta queriꞌ tikaban ajoj ja caniꞌ xuban ja Caín ojer, xoc pa rcuenta ja diablo ja Caín in xcamsaj ja ruchakꞌ. ¿Nak tre tok xcamsaj? Como arjaꞌ xa itzel rcꞌaslemal pro ja ruchakꞌ utz rcꞌaslemal xa chewiꞌ tok xcamsaj.

1 Juan 3:15

Ja wi xa itzel natzꞌat jun awachꞌalal jariꞌ at jun camsanel. Ixix bien ewotak chi majun camsanel rcꞌan ta ja utzlaj cꞌaslemal ja mta qꞌuisic trij.

Judas 1:6

In nwajoꞌ nnataj chewe chakajaꞌ ja queban ja ritzel tak ángel ja xa quichꞌakij can ja nimlaj privilegio ja yataj chique rmal ja Dios in queyaꞌ can ja chilaꞌ chicaj ja mero quilugar. Ejeꞌeꞌ ecojon preso rmal ja Dios chipan ja lugar ja bar cꞌo wiꞌ ja nimlaj kꞌekumal, ebacꞌon pa cadena chijutij chi raybexic ja nimlaj kꞌij xin juicio.

Apocalipsis 12:9

Ja cꞌa nimlaj dragón arjaꞌ chꞌakixto. Jariꞌ dragón arjaꞌ ja rojer cumatz ja nbix tre chi Diablo in cꞌo jun chic rubiꞌ nbix tre, Satanás neꞌxi, arjaꞌ ja nbano engañar quixin canojel ja winak ja recꞌo chwachꞌulew. Chꞌakixto chwach ja rwachꞌulew e rachbil ja ritzel tak ángel rxin.

Apocalipsis 13:14

In xa neruban engañar ja winak ja recꞌo chwachꞌulew. Ja cꞌa nerbanbej engañar jariꞌ ja milagro nuban jeꞌe ja yatajnak tre chi nuban pro ni chwach ja jun chic itzel chicop tok nuban. In neruban mandar ja winak ja recꞌo chwachꞌulew chi nqueban rachbal ja jun chic itzel chicop ja soctajnak tzaꞌn espada nabey pro cꞌaseꞌe.

Apocalipsis 2:10

Ma texbej ta ewiꞌ chwach ja rpokonal ja nixkꞌax na chipan. Bien tecꞌwaxaj ja xtinbij chewe riꞌ, ecꞌoli chewe ja diablo arjaꞌ nerucoj na pa cheꞌ jariꞌ nixrtakchibej chi neyaꞌ can ja yukulbal ecꞌuꞌx ruqꞌuin ja Dios in lajuj kꞌij nixqꞌuejeꞌ na chipan ja rpokonal. Ni ta yukul wiꞌ ecꞌuꞌx ruqꞌuin ja Dios chijutij, ni ta quirwariꞌ ebanon ja tok xquixcami. Ja wi queriꞌ neban cꞌo jun corona ja nyataj chewe jariꞌ ja utzlaj cꞌaslemal ja mta qꞌuisic trij.

Apocalipsis 21:8

Pro ja xa nquixbej quiꞌ nqueban chꞌaꞌoj ruqꞌuin ja ritzelal ejeꞌeꞌ nebe chipan ja yaꞌ ja yujun juleꞌ caniꞌ kꞌol ruqꞌuin rmajon cꞌatem, jariꞌ ja rcaꞌmul camíc. In queriꞌ nba̱n chique chakajaꞌ ja ma yukul ta quecꞌuꞌx ruqꞌuin ja Jesucristo in chique ja xa quitzꞌilorsaj ja canma chipan ja ritzelal in chique ja camsanelaꞌ in chique ja banol il mac ja rachiꞌiꞌ cuqꞌuin ixokiꞌ in chique ajꞌitzaꞌ in chique ja nexuqueꞌ chiquewach cachbal tak winak in chwach rachbal tak nakun jeꞌe in chique canojel ja tzꞌakol tak tzij.

Apocalipsis 22:15

Pro ja winak ja xa nquitzꞌilorsaj ja canma chipan ja ritzelal ejeꞌeꞌ matiyaꞌ lugar chique chi xqueꞌoc ta chipan ja tinamit in queriꞌ nba̱n chique chakajaꞌ ja rajꞌitzaꞌ in chique ja banol il mac ja rachiꞌiꞌ cuqꞌuin ixokiꞌ in chique ja camsanelaꞌ in chique ja nexuqueꞌ chiquewach cachbal tak winak in chwach rachbal tak nakun jeꞌe in chique canojel ja nel quecꞌuꞌx chi rbanic ja tzꞌakoj tak tzij.

Apocalipsis 9:11

In cꞌo jun ángel ocnak rey pa quewiꞌ, jariꞌ ja ritzel ángel ja cꞌa cꞌa nat cꞌo wiꞌ xeꞌ ulew chipan ja nimlaj kꞌekumal. Ja rubiꞌ nbix tre ja ángel chipan ja tzobal hebreo, Abadón neꞌxi, ja cꞌa pa griego, Apolión neꞌxi.