San Juan 8:43 - Tz'utujil (Ja Cꞌacꞌa Chominem)

⁴³ ¿Nak cꞌa tre tok matichꞌobtaj emwal ja nbij chewe? Matichꞌobtaji como ja ntzobal mta egana necꞌwaxaj.

Tz'utujil NT

⁴³ ¿Nak tzra tak mesquier nch'obtaja ewmal jquenbij chewa? Mesquier nc'a nch'obtaja ewmal perc majo'n egan newc'axaj ntzojbal.

San Juan 8:43 Iomraidhean Croise

San Mateo 13:15

—Queriꞌ nbij chique ja winak leꞌ como ja canma cowirnak in ja quixquin cꞌayew chi noc chipan ja nbix chique in ja quewach xa quiyupun. Queriꞌ nqueban como mta quigana nquetzꞌat ja ncꞌu̱t chiquewach in nixtacꞌa cꞌo ta quigana nquicꞌaxaj ja nbix chique in nixtacꞌa cꞌo ta quigana nquechꞌob pa tak canma ja nchꞌo̱b chiquewach in nixtacꞌa cꞌo ta quigana chakajaꞌ nemeloj wqꞌuin utzcꞌa chi ncuy ja quil quemac, neꞌe ja Dios. Queriꞌ cꞌa ja bitajnak can.

San Juan 5:25

Bien tecꞌwaxaj ja xtinbij chewe riꞌ, cꞌo jun tiempo nnakajinto, jariꞌ tiempo ni chwach chic okcꞌo wiꞌ riꞌ in chipan ariꞌ tiempo ja winak ja recamnak chwach ja Dios ejeꞌeꞌ nquicꞌaxaj na rukul ja Ralcꞌwal Dios. Ja necꞌaxani ja rukul ejeꞌeꞌ nyataj chique ja utzlaj cꞌaslemal.

San Juan 5:43

Ja nataꞌ Dios arjaꞌ intakyonto pro ixix ni majun egana xtiyukeꞌ ta ecꞌuꞌx wqꞌuin. Pro ja tok cꞌo jun achi xa ruyon nuban mandar riꞌ chi nbe ewqꞌuin jariꞌ nyukeꞌ ecꞌuꞌx ruqꞌuin ixix.

San Juan 6:60

Ja cꞌa rdiscípulo ja Jesús ejeꞌeꞌ tok quicꞌaxaj ja xbij e qꞌuiy chique quewaꞌ quibij riꞌ: —Congana takaꞌan cꞌayew ja nbij leꞌ ¿nak ta wiꞌ xtel rucꞌuꞌx chi rcꞌaxaxic? xecheꞌe.

San Juan 7:17

Ja winak ja cꞌo quigana nqueban ja rvoluntad Dios ejeꞌeꞌ bien ncotakij na ja wi Dios winakarsyon ja tijonem nyaꞌ owi chaka ngana anin nwinakarsan nojoj nuyon.

San Juan 8:27

Pro ja xbij ja Jesús ejeꞌeꞌ matichꞌobtaj cumal chi tre ja Tatixel ntzijon wiꞌ.

San Juan 8:33

—Pro ja rajoj ok riy rumam can ja rAbraham, majutij okqꞌuejenak ta pa quekꞌaꞌ winak okquibanon ta mandar ¿la ok preso laꞌan chewiꞌ tok nabij chake chi nokwasaxel libre? xecheꞌ tre.

San Juan 8:39

—Pro ja katataꞌ ajoj jariꞌ ja rAbraham, xecheꞌ tre. —Ja wixta katzij chi ix riy rumam can ja rAbraham ja ta cꞌariꞌ emajon rbanic ja caniꞌ xuban ja rAbraham.

Hechos 7:51

In xbij chic chique: —Ixix ni mta wiꞌ egana ruqꞌuin ja rvoluntad Dios, xa ix junan cuqꞌuin ja winak ja ma cotak ta rwach ja Dios como mateyaꞌ lugar tre ja rtzobal Dios chi xtoc ta pa tak ewanma nixtacꞌa pa tak ewxquin ta chakajaꞌ. Ni mateyaꞌ wiꞌ ewiꞌ tre ja rEspíritu Santo chi arjaꞌ xtucꞌan ta ewxin. Ja caniꞌ queban ja rewatiꞌt emamaꞌ ojer ni queriꞌ neban chic ixix camic.

Romanos 3:11

Ni majun ja kas ta chꞌobtajnak ta rmal nak rbanic ja rutzil, ni majun ja kas ta rmajon ta rotakixic janiꞌ ja kas mero rnaꞌoj ja Dios.