San Juan 8:37 - Tz'utujil (Ja Cꞌacꞌa Chominem)

³⁷ Anin wotak chi ix riy rumam can ja rAbraham pro masqui ix riy rumam can pro emajon rcanoxic wij nwach nak neban chwe chi ninecamsaj. Queriꞌ cꞌa neban como mateyaꞌ lugar tre ja ntzobal chi nqꞌuiy más pa tak ewanma.

Tz'utujil NT

³⁷ Anen wutkin che ix riy rumam cana Abraham. Mesque ix riy rumam cana per ixix emjon rconxic rij nwech nak neban chwa che cnecamsaj. Cara' c'a neban com majo'n neya' ta c'as tzra ntzojbal che nq'uiya ptak ewanm.

San Juan 8:37 Iomraidhean Croise

San Mateo 13:15

—Queriꞌ nbij chique ja winak leꞌ como ja canma cowirnak in ja quixquin cꞌayew chi noc chipan ja nbix chique in ja quewach xa quiyupun. Queriꞌ nqueban como mta quigana nquetzꞌat ja ncꞌu̱t chiquewach in nixtacꞌa cꞌo ta quigana nquicꞌaxaj ja nbix chique in nixtacꞌa cꞌo ta quigana nquechꞌob pa tak canma ja nchꞌo̱b chiquewach in nixtacꞌa cꞌo ta quigana chakajaꞌ nemeloj wqꞌuin utzcꞌa chi ncuy ja quil quemac, neꞌe ja Dios. Queriꞌ cꞌa ja bitajnak can.

San Mateo 3:9

In maxta quewaꞌ techꞌob kaj pa tak ewanma riꞌ: —Ajoj ok riy rumam can ja rAbraham rmalariꞌ ok rtinamit Dios, maxta quixcheꞌe. Queriꞌ nbij chewe como ja Dios ni ma cꞌayew ta tre nerwinakarsaj juleꞌ riy rumam ja rAbraham trelaꞌ juleꞌ abaj leꞌ.

San Juan 10:31

Ja cꞌa raj Israel jutij chic quisicꞌlaꞌ abaj, laj queqꞌuiak chic ja Jesús tzaꞌn abaj.

San Juan 11:53

Jariꞌ kꞌij quemajto rchꞌobic ja kꞌetol tak tzij nak nqueban tre ja Jesús chi nquicamsaj.

San Juan 5:44

Ja newajoꞌ ixix xa neyaꞌ ekꞌij chibil tak ewiꞌ pro ni majun nbij ecꞌuꞌx tre ja xteban ta ja rutzil xin Dios ja ni xarwariꞌ jun chi Dios. Ja tok xa queriꞌ neban jariꞌ congana cꞌayew ja xtiyukeꞌ ta ecꞌuꞌx wqꞌuin.

San Juan 7:1

Cꞌacꞌariꞌ be ja Jesús chipan juleꞌ chic lugar ja cꞌo chipan ja departamento Galilea, matirajoꞌ nbe pa tak lugar ja cꞌo chipan ja departamento Judea como triꞌ ecꞌo wiꞌ juleꞌ aj Israel quimajon rchꞌobic nak nqueban tre chi nquicamsaj.

San Juan 7:19

Ja rixix ¿la ma yatajnak ta cꞌa chewe ja ley xin Dios rmal ja Moisés chi nenimaj? pro ja ley ni majun chewe rmajon ta rnimaxic ja nbij. Queriꞌ nbij chewe como nixtajini necanoj wij nwach nak neban chwe chi ncamsaxic. Queriꞌ xbij chique.

San Juan 7:25

Ecꞌo cꞌa juleꞌ chique ja winak ja raj Jerusalén tok quicꞌaxaj quewaꞌ quibij riꞌ: —¿La ma ja ta cꞌalaꞌ ja rachi leꞌ ja majtajnak rcanoxic rij rwach chi ncamsaxi?

San Juan 8:33

—Pro ja rajoj ok riy rumam can ja rAbraham, majutij okqꞌuejenak ta pa quekꞌaꞌ winak okquibanon ta mandar ¿la ok preso laꞌan chewiꞌ tok nabij chake chi nokwasaxel libre? xecheꞌ tre.

San Juan 8:43

¿Nak cꞌa tre tok matichꞌobtaj emwal ja nbij chewe? Matichꞌobtaji como ja ntzobal mta egana necꞌwaxaj.

San Juan 8:56

Ja rAbraham ja retataꞌ nixcheꞌ tre, arjaꞌ janila quicoti ojer ja tok chꞌobtaj rmal chi nutzꞌat na ja kꞌij ja tok xquinpit anin in jariꞌ xutzꞌat, congana quicot rmal, neꞌe ja Jesús chique.

San Juan 8:59

Ja tok xbij queriꞌ chique ejeꞌeꞌ quisicꞌlaꞌ abaj, laj queqꞌuiak tzaꞌn abaj pro ja Jesús arjaꞌ xrawaj riꞌ, xelel chipan ja templo in be.

San Juan 8:6

Ja quicꞌaxaj tre xa nquicꞌambajbej rxin, nquicanoj nak nquichapbej rxin. Ja cꞌa Jesús chꞌuqueꞌ kaj chwi rkan, xumaj tzꞌibanem pa tokꞌulew, rwirukꞌaꞌ xucoj.

Hechos 13:26

Ixix ja rix kach tak aj Israel ja rix riy rumam can ja kamamaꞌ Abraham in ixix chakajaꞌ ewanojelal ja nexbej ewiꞌ chwach ja Dios, camic nbij chewe chi ewxin ixix ja utzlaj tzij ja kamajon rbixic chewe ja rcꞌamonto ja totajem xin Dios.

Romanos 9:7

In chakajaꞌ ma canojel ta ja riy rumam can ja rAbraham ja ni katzij wiꞌ chi e riy rumam can chwach ja Dios pro quewaꞌ bin can tre ja rAbraham rmal ja Dios riꞌ: —Abraham, ruqꞌuin ja rIsaac xquepi wiꞌ ja rawiy amam ja ni katzij wiꞌ chi awiy amam chinwach anin, neꞌxi.

1 Corintios 2:14

Pro ja winak ja matiqueyaꞌ lugar tre ja rEspíritu Santo chi arjaꞌ nbano mandar pa tak canma ejeꞌeꞌ xa nquechꞌaꞌ ja ncꞌu̱t jeꞌe chiquewach rmal ja Espíritu Santo. Nquechꞌaꞌ como xa pa tzꞌanem nquecoj wiꞌ. In ni mta wiꞌ moda ja xtichꞌobtaj ta cumal nak rbanic como jariꞌ macatcowini nachꞌob ja maquita cꞌoli ja rEspíritu Santo nucꞌan awxin chi rchꞌobic.

1 Juan 2:14

In chewe ixix ja rix rijaꞌ, ewotak rwach ja Ralcꞌwalaxel ja ni cꞌo wiꞌ ja tok tzꞌucarsaxto ja rwachꞌulew in rmalariꞌ xintakel ja carta chewe. In chewe ixix ja rix cꞌajolaꞌ, ixix ixcowirnak chipan ja rtzobal Dios in ni cꞌo wiꞌ ja rtzobal pa tak ewanma in chakajaꞌ xixcowin trij ja diablo xechꞌec in rmalariꞌ xintakel ja carta chewe.