San Juan 8:32 - Tz'utujil (Ja Cꞌacꞌa Chominem)

³² Ja wi queriꞌ neban newotakij na janiꞌ ja nnaꞌoj in newotakij na chakajaꞌ chi ni katzij wiꞌ ja ntzobal in tok xtewotakij jariꞌ nixwasanel libre, neꞌ chique.

Tz'utujil NT

³² Wcara' neban newutkij na ajni' nna'oj y newutkij chka' che ntzojbal ne ktzitzij wa', y tak xtewutkij jawra jara' nquixrelsaj ela libre.

San Juan 8:32 Iomraidhean Croise

San Mateo 11:29

Cꞌoli nyaꞌ anin chi ekul, ja tariꞌ newijkaj in tetijoj ewiꞌ trij ja ncꞌut anin chewach como anin cꞌo npaciencia in cꞌo jun chꞌuchꞌujlaj anma wcꞌan. Ja cꞌa wi newijkaj ja nyaꞌ anin chi ekul jariꞌ nxulaꞌni ja rewíꞌ ewanma rmal.

San Juan 1:14

Ja Ralcꞌwalaxel ja nkꞌalasani janiꞌ rnaꞌoj ja Dios arjaꞌ kajto, xoc kach winak, qꞌuejeꞌ chikacojol. Katzꞌat ruqꞌuin kawach chi ja rcꞌaslemal arjaꞌ mero rcꞌaslemal ja Dios, junan ruqꞌuin ja rcꞌaslemal Dios Tatixel, mchita jun ralcꞌwal ja Tatixel ja queriꞌ chi ta. Arjaꞌ nojnak ja rutzil xin Dios pa ranma, nojel ja nuchꞌob, nojel ja nbij in nojel ja nuban ni katzij wiꞌ.

San Juan 1:17

Ja Moisés arjaꞌ yowi ja ley xin Dios pro ja Jesucristo arjaꞌ cꞌamyonto ja rutzil ja nsipaj ja Dios, arjaꞌ cꞌamyonto ja totajem ja ni katzij wiꞌ chi totajem.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 16:13

Ja tok xtipeti ja rEspíritu Santo ja nkꞌalasani janiꞌ ja Dios ja ni katzij wiꞌ chi Dios arjaꞌ nucꞌan ewxin in bien nkꞌalasaj na chewach nojelal nak ja kas mero rbanic ja Dios. Queriꞌ xtuban como arjaꞌ ma chaka ta ruyon xtiwinakarsaj nojoj ja xtibij, ja nbix tre rmal ja Tatixel jariꞌ nbij arjaꞌ. In jun chic, arjaꞌ nkꞌalasaj na jeꞌe chewach ja majaꞌn tibantaji.

San Juan 17:17

Camic queꞌapartiꞌij, tachꞌachꞌojirsaj ja canma tre ja ratzobal como ruqꞌuin ja ratzobal nkatzꞌat wiꞌ nak ja kas mero abanic ja katzij chi at Dios.

San Juan 6:45

Caniꞌ tzꞌibtal can chipan ja libro quixin profeta quewaꞌ nbij riꞌ: —Nerilaꞌ na jun tiempo chi canojelal netijox na rmal ja Dios, neꞌe. Rmalcꞌariꞌ nbij chewe chi canojel ja winak ja quiyaꞌon quixquin tre ja Tatixel in wi cotakin ja cꞌutun chiquewach rmal ejeꞌeꞌ riꞌ ja neꞌurkaj wqꞌuin chi nyukeꞌ quecꞌuꞌx wqꞌuin.

San Juan 7:17

Ja winak ja cꞌo quigana nqueban ja rvoluntad Dios ejeꞌeꞌ bien ncotakij na ja wi Dios winakarsyon ja tijonem nyaꞌ owi chaka ngana anin nwinakarsan nojoj nuyon.

San Juan 8:36

Rmalcꞌariꞌ nbij chewe chi ja Ralcꞌwal Dios wi arjaꞌ nixwasanel libre jariꞌ ni katzij wiꞌ chi ix libre.

Romanos 6:22

Pro ja camic ixwasanel chic libre pa rukꞌaꞌ ja il mac, Dios chic ja rewajaw in ja nechꞌec trij jariꞌ jun chꞌajchꞌojlaj cꞌaslemal. Jariꞌ chipan ja utzlaj cꞌaslemal natrucꞌamel wiꞌ pro jun cꞌaslemal ja ni mta wiꞌ qꞌuisic trij.

Romanos 8:15

Caniꞌ chewe ixix wachꞌalal, tok xecꞌul ja rEspíritu Santo pa tak ewanma jariꞌ ma xuban ta ja Dios chewe ix caniꞌ ta juleꞌ moso ja xa lawuloꞌ nqueban rumac xben riꞌil caniꞌ xebanto nabey pro ja xuban chewe ix caniꞌ chakꞌlaj tak ralcꞌwal. Xa chewiꞌ tok noktzijon ruqꞌuin ja Dios: —Aba, Nataꞌ, nokcheꞌ tre.

Romanos 8:2

Ja poder rxin ja rEspíritu Santo jariꞌ inwasyonel libre. Jariꞌ Espíritu ja yoyon chake jun cꞌacꞌa cꞌaslemal kanojel ja xa jun kabanon ruqꞌuin ja Cristo Jesús in xcꞌa rmal ja poder rxin ja rEspíritu Santo chewiꞌ tok in libre chic pa rukꞌaꞌ ja il mac, in libre chic pa rukꞌaꞌ ja camíc.

1 Corintios 7:22

Ja wi at esclavo tok xatsiqꞌuix rmal ja Dios in tok xanimaj ja kajaw Jesucristo chꞌenchilaꞌ como atwasanel chic libre pa rukꞌaꞌ ja il mac, at rxin chic ja kajaw Jesucristo. Ja cꞌa wi ma at esclavo ta tok xatsiqꞌuix rmal ja Dios pro kas turkaj chawe chi at esclavo chic rxin ja Cristo chi arjaꞌ nbano mandar awxin.

Gálatas 5:1

Rmalcꞌariꞌ nbij chewe, como ja Cristo arjaꞌ yoyon chake chi xokel libre pa rukꞌaꞌ ja ley cow cꞌa quixpeꞌe jutzꞌit, maxta quixmeloj chic jutij chewij, maxta cꞌoli nak ta xquixruchap chic jutij xquixrucoj chi ta jutij esclavo.

Gálatas 5:13

Queriꞌ nbij chewe wachꞌalal como ja Dios xixrsiqꞌuij chi nixqꞌuejeꞌ libre. Pro ma ruqꞌuin ta ja rix libre ja chaka ta nojel ta xteban ja cꞌol egana neban. Pro ja cꞌa neban, tetoꞌoꞌ ewiꞌ chibil tak ewiꞌ pro ruqꞌuin ta ja rajoben riꞌil xin Dios.

2 Timoteo 3:7

Ejeꞌeꞌ ni nel wiꞌ quecꞌuꞌx trij ja tijonem jeꞌe pro ni maticotakij wiꞌ ja utzlaj tijonem xin Jesucristo.

Santiago 1:25

Pro ja wi nojel acꞌuꞌx nojel awanma nayaꞌ awxquin chi rcꞌaxaxic ja utzlaj tzij xin Jesucristo in wi ni matatanbaꞌ wiꞌ rnimaxic jariꞌ quicotemal xin Dios rcꞌamonpi chawe. Queriꞌ rbanic como ma chaka ta nacꞌwaxaj como matamestaj pro naban cumplir ja nbij chawe. Ja utzlaj tzij xin Jesucristo majun ja maquita tzꞌakat tre, jariꞌ nokwasanel libre.

Santiago 2:12

Ja cꞌa rixix xa nak ta nebij, xa nak ta neban, bien turkaj chewe chi ja ley xin Cristo ja xokwasanel libre chipan ja kil kamac jariꞌ ley xtoc chewij, jariꞌ xtikꞌetbex tzij chewij.

1 Pedro 2:16

Ixix ix libre pa quekꞌaꞌ ja winak pro ma ruqꞌuin ta ja rix libre chaka ta nojel ta ja ma utz ta xteban. Pro ja neban, tenimaj ja Dios como pa rukꞌaꞌ chic ixcꞌo wiꞌ camic.

2 Juan 1:1

Wachꞌalal ja ratchaꞌon rmal ja Dios, anin ja rin anciano ntakel ja carta chawe riꞌ in ntakel chique ja rawal chakajaꞌ. Anin congana nixwajoꞌ pro jun ajoben riꞌil cꞌo chake ewqꞌuin ja ni katzij wiꞌ chi ruqꞌuin ja Jesucristo penak wiꞌ. Pro ma nuyon ta anin ja nixwajoꞌ pro nixcajoꞌ chakajaꞌ canojel ja nchꞌobtaj cumal nak rbanic ja utzlaj tijonem xin Jesucristo.