San Juan 8:28 - Tz'utujil (Ja Cꞌacꞌa Chominem)

²⁸ Cꞌacꞌariꞌ xbij chic jutij chique: —Ja Ralcꞌwalaxel ja xoc alaxic cuqꞌuin ja winak tok xtejotbaꞌ chwach jun cruz tokoriꞌ newotakij na nak inocnak wiꞌ chi nij in quirwariꞌ ja caniꞌ nbinto chewe in newotakij na chakajaꞌ chi nojel ja nmajon rbanic ma chaka ta nuyon kaj nban como nojel ja nmajon rbixic, ja Nataꞌ arjaꞌ cꞌutyon chinwach.

Tz'utujil NT

²⁸ C'jara' xbij chic jmul chca: —Je Rlec'walxel jxoca alxic cuq'uin wnak, tak xtejotba' chwech jun cruz tzra' c'ara' newutkij wa' nak nbanic, y ncara' ajni' nbin ta chewa. Y newutkij na chka' njelal jnemjon rbanic mchek tnuyon quenban kaja com njelal jnemjon rbixic ja' Nedta' c'utyuna chenwech.

San Juan 8:28 Iomraidhean Croise

San Mateo 24:5

Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, in e qꞌuiy ja winak ja xquequeban engañar.

Marcos 13:6

Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, in e qꞌuiy ja winak xquequeban engañar.

San Lucas 21:8

In xbij chic chique: —Kas tebanaꞌ jutzꞌit cuenta ewiꞌ, maxta cꞌo jun quixbano engañar. Queriꞌ nbij chewe como e qꞌuiy ja winak nepi na jeꞌe in xa queyon nquecoj quiꞌ chi e Cristo, quewaꞌ nquibij chique ja winak riꞌ: —Anin in Cristo, necheꞌ na chique, owi: —Xurwilaꞌ ja tiempo chi npeti ja Cristo, xquecheꞌe. Pro ixix maxta tenimaj ja nquibij.

San Juan 11:42

Pro anin bien wotak chi ni nacꞌwaxaj wiꞌ ja ncꞌutuj chawe xarwariꞌ quewaꞌ nbij chawe camic utzcꞌa ja winak ja quimolon quiꞌ riꞌ ejeꞌeꞌ nquicꞌaxaj ja nintajini nbij chawe in nquinimaj chi atat attakyonpi wxin, neꞌ tre ja Tatixel.

San Juan 13:19

Ja xinbij chewe riꞌ masqui majaꞌn tibantaji pro nbij chewe camic chi ni nbantaj na wiꞌ. Queriꞌ nbij chewe utzcꞌa ja tok xtibantaji tokoriꞌ bien nchꞌobtaj emwal nak inocnak wiꞌ utzcꞌa nenimaj chi nij in quirwariꞌ ja caniꞌ nbinto chewe.

San Juan 18:32

Ja tok quibij chi ma ejeꞌeꞌ ta nekꞌeto tzij trij ja Jesús chi nquicamsaj, triꞌ bantaj wiꞌ cumplir ja rbin chic ja Jesús como arjaꞌ rbin pon chic nak xtiban na tre ja tok xticamsaxi.

San Juan 19:18

Ja cꞌa tok xeꞌekaji triꞌ querip wiꞌ ja Jesús chwach cruz. Ecꞌo chi na caꞌiꞌ achiꞌiꞌ xequerip chwach jujun cruz chakajaꞌ, e jujun pa tak rxquin ja Jesús.

San Juan 3:11

Pro ajoj bien kotak nak rbanic ja kamajon rbixic, bien katzꞌaton ja kamajon rkꞌalasaxic chewach pro ja rixix xa matenimaj ja nkabij chewe.

San Juan 3:14

Caniꞌ xuban ja Moisés ojer chipan ja chakijlaj ulew, arjaꞌ cꞌo jun rachbal cumatz xjotbaꞌ chwach jun cheꞌ in xetotaji ja winak rmal in queriꞌ cꞌa xtiban na tre ja Ralcꞌwalaxel ja xoc alaxic cuqꞌuin ja winak, arjaꞌ njotbax na chwach jun cheꞌ.

San Juan 4:26

—Pro anin cꞌariꞌ ja rin Mesías ja nmajon tzij awqꞌuin camic riꞌ, neꞌxi rmal ja Jesús.

San Juan 5:19

Cꞌacꞌariꞌ ja Jesús xbij chique: —Ni katzij wiꞌ ja xtinbij chewe riꞌ, ja Ralcꞌwalaxel arjaꞌ mta moda ja chaka ta ruyon xtuban kaj ja cꞌo rgana nuban, ni ja wiꞌ ja rejemplo rxin ja Tatixel nucꞌam. Caniꞌ nuban ja Tatixel jariꞌ nban anin chakajaꞌ ja rin Alcꞌwalaxel.

San Juan 5:30

Anin mta moda ja xta nnaꞌoj anin xtincoj kaj ta nuyon, ja tzij ja nbix chwe rmal ja Tatixel jariꞌ nkꞌetbej tzij chiquij ja winak. Anin ni rubey wiꞌ ja kꞌetoj tzij nban como ma nvoluntad ta anin nban kaj nuyon pro rvoluntad ja Tatixel ja takyonpi wxin.

San Juan 6:38

Anin xinkajto chilaꞌ chicaj, inpenak chi rbanic ja rvoluntad ja rintakyonto, ma nvoluntad ta anin nunbanaꞌ kaj ta nuyon.

San Juan 8:24

Rmalcꞌariꞌ xinbij chewe chi chipan ja rewil emac nixcam wiꞌ. Ja rinocnak wiꞌ anin nij in quirwariꞌ ja caniꞌ nbin chic chewe, ja cꞌa wi matenimaj chi queriꞌ nbanic jariꞌ ni nixcam wiꞌ chipan ja rewil emac. Queriꞌ xbij chique.

San Juan 8:27

Pro ja xbij ja Jesús ejeꞌeꞌ matichꞌobtaj cumal chi tre ja Tatixel ntzijon wiꞌ.

San Juan 8:58

Ja cꞌa Jesús xbij chic chique: —Ni katzij wiꞌ ja xtinbij chewe riꞌ, anin nij incꞌo chi wiꞌ ja tok majaꞌn talaxi ja rAbraham, neꞌ chique.

Hechos 2:41

Ja winak ja utz quicꞌaxaj ja xbij ja Pedro ejeꞌeꞌ xeba̱n bautizar in jariꞌ mismo kꞌij ecꞌo la oxiꞌ mil ja xeꞌoc cachbil ja kachꞌalal.

Hechos 4:4

Pro ja winak ja xecꞌaxani rtzobal Dios e qꞌuiy chique yukeꞌ quecꞌuꞌx ruqꞌuin ja Jesús. Ecꞌo chi la joꞌoꞌ mil canojelal ja yukul chic quecꞌuꞌx ruqꞌuin ja Jesús ja xa queyon achiꞌiꞌ.

Romanos 1:4

Pro bien kꞌalaj chi Ralcꞌwal Dios, bien kꞌalaj chi congana nim ja rpoder, ni junan ja canma ruqꞌuin ja santilaj Dios. Jariꞌ bien kꞌalasaxi chi queriꞌ rbanic, tokoriꞌ kꞌalasaxi ja tok cꞌastaji chiquicojol camnakiꞌ. Ja kajaw Jesucristo jaꞌ cꞌariꞌ ja Ralcꞌwal Dios.