San Juan 8:2 - Tz'utujil (Ja Cꞌacꞌa Chominem)

² Ja cꞌa chi rcab kꞌij be chic jutij chanim chipan ja nimlaj templo pa Jerusalén. Ja cꞌa winak xebe ruqꞌuin. Arjaꞌ tzꞌabeꞌe in xumaj quitijoxic.

Tz'utujil NT

² Y rcab k'ij xba chic jmul chanim chpam nimlaj ruchoch Dios jc'ola chpam tnamet Jerusalén. E q'uiy je' wnak xe'ekaja ruq'uin y ja' xetz'be'a y xumaj ctojxic.

San Juan 8:2 Iomraidhean Croise

San Mateo 26:55

Ja cꞌa riꞌ hora ja Jesús arjaꞌ xbij chique ja winak: —¿La in alakꞌom laꞌan chewiꞌ tok ecꞌamonto espada ecꞌamonto cheꞌ chwij chi nchapic? Pro xinqꞌuejeꞌ waꞌan chipan ja nimlaj templo xin Dios in kꞌij kꞌij xentijoj ja winak chipan pro ma xinechap ta waꞌan triꞌ.

San Lucas 21:37

Ja pa kꞌij nertijoj ja winak chipan ja nimlaj templo xin Dios. Ja cꞌa chakꞌaꞌ nbe chipan ja lugar ja bar cꞌo wiꞌ ja jayuꞌ rbinaꞌan Rjayuꞌal Olivo in triꞌ nqꞌuejeꞌ wiꞌ.

San Lucas 21:38

Ja pa tak akꞌabil chanim neꞌekaji canojel ja winak ruqꞌuin chipan ja templo chi rcꞌaxaxic ja tijonem nuyaꞌ.

San Lucas 4:20

Queriꞌ ja tzij ja xsiqꞌuij chiquewach. Ja cꞌa tok siqꞌuitaj rmal cꞌacꞌariꞌ xtzꞌapij ja libro, xujach chic jutij tre ja rachi ja jachyon rxin pa rukꞌaꞌ in tzꞌabeꞌe. Kas majtajnak rtzꞌelwachixic cumal ja winak pro ni canojelal.

San Lucas 5:3

Jun tre ja caꞌiꞌ lancha rxin Simón in chipan ariꞌ lancha xoc wiꞌ ja Jesús: —Joꞌ kojoteꞌ nojoj jutzꞌit asic, neꞌe ja Jesús tre ja Simón. Ja cꞌa tok ejotol nojoj chic cꞌacꞌariꞌ ja Jesús tzꞌabeꞌ chipan ja lancha in xumajto quitijoxic ja winak.

San Juan 4:34

Pro ja Jesús xbij chic chique: —Anin cꞌoli ja rocnak rqꞌuexwach nway. Anin ja tok nban rvoluntad ja Dios ja takyonpi wxin in tok nban cumplir ja samaj ja ryaꞌon chwe chi nban jariꞌ ja rocnak rqꞌuexwach ja nway.

San Juan 8:20

Queriꞌ cꞌa rbanic ja juleꞌ tzij xuban ja Jesús chipan ja nimlaj templo xin Dios ja tok arjaꞌ rmajon quitijoxic ja winak. Triꞌ paꞌl wiꞌ ja bar nqueyaꞌ can wiꞌ ja quiꞌofrenda ja winak pro ni majun nak ta chapo ta rxin como majaꞌn terilaꞌ ja hora chi nchapi.

San Juan 8:3

Ja maestro ja netijon quixin ja winak tre ja ley xin Dios e cachbil ja fariseo ejeꞌeꞌ cꞌo jun ixok quicꞌamonto, xiltaji macunnak ruqꞌuin jun achi ja ma rchajil ta. Xequiyaꞌaꞌ ja rixok chiquicojol ja winak.

Hechos 5:21

Ja tok quicꞌaxaj ja bix chique xebe, kas nsamukeꞌe xeꞌekaj chipan ja templo in quemaj quitijoxic ja winak. Ja lokꞌlaj sacerdote in ja recꞌo ruqꞌuin ejeꞌeꞌ quemol quiꞌ cuqꞌuin ja kꞌetol tak tzij rxin ja tinamit Israel, xequetakel juleꞌ pulisiyaꞌ chi quicꞌamaric ja rapóstol.