San Juan 8:17 - Tz'utujil (Ja Cꞌacꞌa Chominem)

¹⁷ Ja chipan ja ley xin Dios ja cꞌol ewqꞌuin cꞌoli tzꞌibtal can chipan quewariꞌ, ja tok ecꞌo caꞌiꞌ achiꞌiꞌ ja xa junan ja testigoꞌil nqueyaꞌ jariꞌ seguro chi ni katzij wiꞌ ja testigoꞌil nqueyaꞌ, queriꞌ tzꞌibtal can.

Tz'utujil NT

¹⁷ Chpam rley Dios jyatanak chewa cawra tz'ibtanak cana chpam: tak ec'ola e c-e' ach-i' xjunam testig nqueya' jara' ne ktzitzij wa' jnecbij, cara' tz'ibtanak cana.

San Juan 8:17 Iomraidhean Croise

San Mateo 18:16

Ja cꞌa wi matichꞌobtaj rmal tacꞌamaꞌel jun owi e caꞌiꞌ awachbil, jat chic jutij ruqꞌuin. Queriꞌ naban utzcꞌa chi nojel ja nbixi cꞌo jun owi e caꞌiꞌ testigo ja necꞌaxani.

San Juan 10:34

Ja cꞌa Jesús xbij chic chique: —¿La ma tzꞌibtal can ta cꞌa chipan ja ley xin Dios ja cꞌol ewqꞌuin chi ja Dios arjaꞌ quewaꞌ xbij chique juleꞌ winak riꞌ? —Anin xinbij chewe chi ix dios, neꞌe ja Dios chique, queriꞌ tzꞌibtal can.

San Juan 15:25

Queriꞌ nqueban utzcꞌa chi nbantaj cumplir ja tzꞌibtal can chwe chipan ja ley xin Dios ja cꞌo cuqꞌuin, quewaꞌ nbij riꞌ: —Ejeꞌeꞌ xa itzel xinquetzꞌat pro chaka queriꞌ mta wil, mta xinban chique. Queriꞌ ja tzꞌibtal can.

2 Corintios 13:1

Roxmul awaꞌ ja xquinbe ewqꞌuin riꞌ. Ja cꞌa tok xquinekaj ewqꞌuin quewaꞌ nkaban riꞌ, ja wi cꞌo jun kachꞌalal ja cꞌo ril xuban in wi ecꞌo caꞌiꞌ owi e oxiꞌ testigo ja xetzꞌatowi ja ma utz ta xuban jariꞌ ncꞌutu chikawach chi ni katzij wiꞌ chi cꞌo ril.

Gálatas 3:24

Queriꞌ cꞌa rbanic ja ley caniꞌ jun ajyukꞌ okrbanonto cuenta, xokrujach can pa rukꞌaꞌ ja Cristo chi nyukeꞌ chic kacꞌuꞌx ruqꞌuin in xa rmal ja yukulbal kacꞌuꞌx ruqꞌuin ja Cristo chewiꞌ tok Dios nokrutoꞌ, nokrwasajel libre in nuban chake caniꞌ mta kil kamac kabanon.

Gálatas 4:21

Camic cꞌoli nwajoꞌ ncꞌwaxaj chewe ixix ja cꞌol egana nixqꞌuejeꞌ pa rukꞌaꞌ ja ley ¿la ma ewotak ta cꞌa nak rbanic ja ley?

Hebreos 10:28

Ja ley xin Dios ja tzꞌibtal can rmal ja Moisés wi cꞌo jun winak ma xnimaj ta, wi xuban tre ni ma vale ta in wi ecꞌo caꞌiꞌ owi e oxiꞌ ja xeꞌoc testigo trij chi queriꞌ xuban tre jariꞌ ni majun npokonan rwach, ncamsaxi.

1 Juan 5:9

Como nekanimaj winak tok nqueyaꞌ testigoꞌil rmalcꞌariꞌ tok más na rjawaxic chi nkanimaj ja testigo xin Dios. Ja Dios rcojon ja testigo chi rkꞌalasaxic chi ja Jesús arjaꞌ ja Ralcꞌwal. Ja testigoꞌil nuyaꞌ ja Dios más na nim rukꞌij chwach ja nqueyaꞌ winak.

Apocalipsis 11:3

Ja cꞌa ranin ecꞌo caꞌiꞌ testigo wxin nyaꞌ na chique chi nqueyaꞌ rbixic ja ntzobal, jun mil doscientos sesenta kꞌij ja nqueyaꞌ rbixic in ejeꞌeꞌ quicojon juleꞌ tziak banbal bis. Queriꞌ ja bix chwe.