San Juan 8:15 - Tz'utujil (Ja Cꞌacꞌa Chominem)

¹⁵ Xa enaꞌoj ixix necoj ja nekꞌetbej tzij chwij, ma xin Dios ta, pro ja chwe anin ni majun nak ta nkꞌet ta tzij trij.

Tz'utujil NT

¹⁵ Ixix xe ena'oj necsaj jnek'atbej tzij chwij y me rxin ta Dios, per chwa anen majo'n nak quenk'at ta tzij tzrij.

San Juan 8:15 Iomraidhean Croise

San Lucas 12:14

—Achi ¿la in juez laꞌan chewiꞌ ja tok anin xquinchomin ewxin tre ja herencia? neꞌxi rmal ja Jesús.

San Juan 12:47

Anin inpenak waweꞌ chwachꞌulew ma rmal ta chi nkꞌet ta tzij chiquij ja winak pro inpenak chi quitoꞌic. Rmalcꞌariꞌ nbij chewe, ja wi ecꞌoli winak ja necꞌaxani ja nbij chique pro wi matiquinimaj jariꞌ ma anin ta ninkꞌeto tzij chiquij.

San Juan 18:36

Ja cꞌa Jesús quewaꞌ xbij chic tre riꞌ: —Anin cꞌo jun gobierno pa nukꞌaꞌ pro jariꞌ ma xin rwachꞌulew ta. Ja wixta xin rwachꞌulew neyictaj ta cꞌariꞌ ja rajsamajelaꞌ ja recꞌo pa ncuenta utzcꞌa chi maquinjach pa quekꞌaꞌ ja raj Israel. Pro ma xin rwachꞌulew ta ja ngobierno anin, neꞌ tre.

San Juan 3:17

Queriꞌ nbij como ja Dios tok xutakto ja Ralcꞌwal waweꞌ chwachꞌulew ma rmal ta chi xquerutakel ta ja winak chipan ja rpokonal. Pro jariꞌ xutakto utzcꞌa chi rmal ja Ralcꞌwal nquewil na ja totajem xin Dios canojelal.

San Juan 7:24

Maxta tebilaꞌ ril jun winak ja tok ma ewotak ta bien ja wi ril ja xuban owi ma ril ta. Bien techꞌoboꞌ rij rwach nabey ja wi katzij chi ril ja xuban. Queriꞌ xbij ja Jesús chique.

San Juan 8:11

—Ni majun, neꞌe ja rixok. —In nixtacꞌa anin ta xtinkꞌet ta tzij chawij. Camic jat xarwariꞌ macatmacun chi ta, neꞌxi rmal ja Jesús.

Romanos 2:1

Como yatal camíc chiquij ja nebanowi ja ritzelal rmalcꞌariꞌ tok mta nquitobej quiꞌ ja winak ja tok neꞌoqui e caniꞌ kꞌetol tak tzij trij jun winak. Mta como ejeꞌeꞌ tok nquekꞌet tzij trij jariꞌ xa nquekꞌet kaj tzij chiquij ejeꞌeꞌ queyon. Queriꞌ cꞌa rbanic como ejeꞌeꞌ nquekꞌet tzij trij pro ejeꞌeꞌ jun nebanowi ja ritzelal chakajaꞌ.

1 Corintios 2:15

Pro ja tok nkayaꞌ lugar tre ja rEspíritu Santo chi arjaꞌ nbano mandar pa tak kanma jariꞌ bien nchꞌobtaj kumal nojel ja ncꞌu̱t jeꞌe chikawach rmal pro ja winak ja matiqueyaꞌ lugar tre ejeꞌeꞌ ni majun chique xticowin ta xtuchꞌob ta janiꞌ ja kanaꞌoj ajoj.

2 Corintios 5:16

Rmalcꞌariꞌ nbij chewe, ja camic chic tok nkamaj rchꞌobic janiꞌ rcꞌaslemal jun winak, xa nak ta chi winakil, ma queriꞌ chi ta nkachꞌob trij ja caniꞌ nquechꞌob ja winak ja cꞌa eꞌucꞌan na rmal ja tzabuklaj tak naꞌoj xin rwachꞌulew. Masqui queriꞌ kachꞌob trij ja Cristo nabey ja caniꞌ nquechꞌob ja winak ja reꞌucꞌan rmal ja tzabuklaj tak naꞌoj pro ma queriꞌ chi ta nkachꞌob ajoj trij camic.

Santiago 2:4

Ja wi queriꞌ neban jariꞌ ni kꞌalaj wiꞌ chi jun utz netzꞌat in jun itzel. Ja queriꞌ ix caniꞌ juleꞌ kꞌetol tak tzij ja xa itzel tak kꞌetoj tzij ja nqueban.