San Juan 8:12 - Tz'utujil (Ja Cꞌacꞌa Chominem)

¹² Cꞌacꞌariꞌ tzijon chic jutij ja Jesús cuqꞌuin ja winak in xbij chique: —Anin ja rin luz, nenuyaꞌ pa sakil canojelal ja winak ja recꞌo chwachꞌulew. Canojel ja winak ja nyukeꞌ quecꞌuꞌx wqꞌuin ejeꞌeꞌ maqueqꞌuejeꞌ chipan ja kꞌekumal, nyataj chique ja sakil pro jun sakil ja nuyaꞌ chique ja utzlaj cꞌaslemal ja mta qꞌuisic trij. Queriꞌ xbij chique.

Tz'utujil NT

¹² C'jara' Jesús xtzijon chic cuq'uin je' wnak y cawra xbij chca: —Anen c'ara' en luz y je' wnak jec'ola chwech ruch'lew quenuya' psak. Conjelal wnak jneyke'a quec'u'x wq'uin j-e' c'ara' majo'n nquec'je' ta chpam k'ejku'm per psak nquec'je' wa', y jara' sak nuya' chca utzlaj c'aslemal je rxin junlic, cara' xbij chca.

San Juan 8:12 Iomraidhean Croise

San Mateo 5:14

Ja rixix ix caniꞌ luz, nesakirsaj quebey ja winak chiquewach waweꞌ chwachꞌulew. Caniꞌ tre jun tinamit parwiꞌ jayuꞌ cꞌo wiꞌ mta moda ja maquita ntzꞌattaji.

San Lucas 2:32

jun Toꞌonel ja racojon como jun luz ja nsakirsan quebey ja winak ja ma e aj Israel ta in chakajaꞌ acojon como yaꞌbal kakꞌij ajoj ja rok aj Israel ja rok tinamit awxin. Queriꞌ xbij ja Simeón.

San Juan 12:35

Ja cꞌa Jesús xbij chic chique: —Ja nsakirsan ebey camic arjaꞌ xa jun caꞌiꞌ kꞌij nqꞌuejeꞌ chi na checojol rmalcꞌariꞌ nbij chewe, como cꞌa cꞌo na ja luz checojol teyaꞌaꞌ lugar tre chi noc pa tak ewanma utzcꞌa chi matoqui ja kꞌekumal pa tak ewanma. Ja winak ja xa pa kꞌekumal nebin wiꞌ ejeꞌeꞌ ma cotak ta bar xqueꞌekaj wiꞌ.

San Juan 12:36

Como majaꞌn tel checojol ja nsakirsan ebey chewiꞌ tok nbij chewe, tiyukeꞌ ecꞌuꞌx ruqꞌuin camic utzcꞌa chi ni ja wiꞌ ja sakil nucꞌan ewxin, neꞌe ja Jesús chique. Ja tok bitaj awaꞌ tzij rmal riꞌ cꞌacꞌariꞌ be, rawaj riꞌ chiquewach.

San Juan 12:46

Anin inpenak waweꞌ chwachꞌulew chi nsakirsaj quebey ja winak chiquewach utzcꞌa xa nak ta chi winakil ja xtiyukeꞌ quecꞌuꞌx wqꞌuin ejeꞌeꞌ maqueqꞌuejeꞌ más chipan ja kꞌekumal.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 3:19

Como ejeꞌeꞌ mta quigana ruqꞌuin ja luz ja penak chilaꞌ chicaj ja nsakirsan quebey chiquewach xa chewiꞌ tok kꞌeton chic tzij chiquij. Como ja Ralcꞌwal Dios arjaꞌ caniꞌ jun luz peti waweꞌ chwachꞌulew pro ja winak más na xel quecꞌuꞌx trij ja kꞌekumal. Queriꞌ queban como xa itzelal ja quimajon rbanic.

San Juan 7:17

Ja winak ja cꞌo quigana nqueban ja rvoluntad Dios ejeꞌeꞌ bien ncotakij na ja wi Dios winakarsyon ja tijonem nyaꞌ owi chaka ngana anin nwinakarsan nojoj nuyon.

San Juan 9:5

Jaruꞌ pa tiempo xquinqꞌuejeꞌ waweꞌ chwachꞌulew anin inocnak in caniꞌ kꞌij rxin ja rwachꞌulew, neꞌ chique.

Hechos 13:47

Como queriꞌ bin chake rmal ja Dios chi nkaban caniꞌ tzꞌibtal can chipan ja rtzobal Dios quewariꞌ: —At ncojon como jun luz ja nsakirsan quebey ja winak ja ma e aj Israel ta utzcꞌa chi nayaꞌ rbixic ja totajem xin Dios chique ja winak nojel nat nakaj chwach ja rwachꞌulew. Queriꞌ nbij ja Dios, neꞌe ja Pablo chique.

Hechos 26:23

ja Cristo rjawaxic chi nutij na rpokonal in arjaꞌ ja kas ncꞌastaj na nabey chiquicojol ja camnakiꞌ in rmal ja rtzobal arjaꞌ ja tok neqꞌuejeꞌ na pa sakil ja winak chi aj Israel chi ma aj Israel ta. Queriꞌ quibin can, neꞌe ja Pablo.

2 Pedro 2:17

Ejeꞌeꞌ riꞌ winak xa e junan ruqꞌuin jun tzꞌuquel yaꞌ ja chakijnak, xa mta neꞌoc wiꞌ, xa e caniꞌ juleꞌ sutzꞌ ja xa ncꞌamarel rmal ikꞌ. Ejeꞌeꞌ chomin chic jun lugar quixin ja congana kꞌekuꞌm, triꞌ neꞌeqꞌuejeꞌ wiꞌ chijutij.

2 Pedro 2:4

Caniꞌ xuban ja Dios ojer chique ja ángel ja xemacun chwach ma xpokonaj ta quewach, xerutakel chipan ja rpokonal pa jun lugar kꞌekumal, ebacꞌon pa cadena chi raybexic ja nimlaj kꞌij xin juicio.

1 Juan 1:6

Ja wi nkabij chi xa jun kabanon ruqꞌuin ja Dios pro wi kꞌekumal cꞌayon kaxin jariꞌ xa ok tzꞌakol tak tzij in ni kꞌalaj wiꞌ chi matikanimaj ja utzlaj tzij xin Jesucristo.

Judas 1:13

Ja nqueban ejeꞌeꞌ xa qꞌuixbal rbanic, xa e queriꞌ caniꞌ nuban nimak tak baloj pa mar congana tzꞌil nuyaꞌ can chuchiꞌ ja mar. Ejeꞌeꞌ xa e caniꞌ juleꞌ chꞌumil ja quiyaꞌon can ja mero quebey in cꞌo jun lugar chomin chic quixin congana kꞌekuꞌm in triꞌ neqꞌuejeꞌ wiꞌ chijutij.

Judas 1:6

In nwajoꞌ nnataj chewe chakajaꞌ ja queban ja ritzel tak ángel ja xa quichꞌakij can ja nimlaj privilegio ja yataj chique rmal ja Dios in queyaꞌ can ja chilaꞌ chicaj ja mero quilugar. Ejeꞌeꞌ ecojon preso rmal ja Dios chipan ja lugar ja bar cꞌo wiꞌ ja nimlaj kꞌekumal, ebacꞌon pa cadena chijutij chi raybexic ja nimlaj kꞌij xin juicio.

Apocalipsis 21:24

Ja luz rxin ja tinamit jariꞌ nsakirsan quebey ja winak ja recꞌo pa tak nación jeꞌe ja quiwilon ja totajem xin Dios. Ja cꞌa rey rxin ja rwachꞌulew ejeꞌeꞌ nojel ja yaben quekꞌij in nojel ja nimak tak mebaꞌil ja cꞌo cuqꞌuin jariꞌ nquemol chipan ja tinamit.