San Juan 7:41 - Tz'utujil (Ja Cꞌacꞌa Chominem)

⁴¹ Juleꞌ chic chique quibij: —Jalaꞌ ja Cristo ja Rey ja tzujunto ojer rmal ja Dios, xecheꞌe. Pro juleꞌ chic chique quewaꞌ quibij riꞌ: —¿La pa Galilea laꞌan npi wiꞌ ja Cristo chewiꞌ?

Tz'utujil NT

⁴¹ Y jle' chic chca cawra xecbij: —Jala' Cristo Rey jtzujun cana ojer chka rmal Dios, cara' xecbij. Y nic'aj chic wnak cawra xecbij: —¿Le chpam Galilea c'a npe wa' Cristo?

San Juan 7:41 Iomraidhean Croise

San Juan 1:41

Be chanim ja rAndrés ruqꞌuin ja Simón ja rchꞌalal in quewaꞌ xbij tre riꞌ: —Camic kawil ja Mesías, neꞌ tre. (Mesías tibij tzij Cristo.)

San Juan 1:46

Ja cꞌa Natanael arjaꞌ xbij: —¿La cꞌol ek jun achi nwinakar na triꞌ pa Nazaret ja congana buena? neꞌe. —Joꞌ mpeꞌ, tekatzataꞌ, neꞌxi rmal ja Felipe in xebe.

San Juan 1:49

—Rabí, camic bien chꞌobtaj mwal chi atat ja rat Ralcꞌwal Dios, atat ja rat Rey kaxin ja rok aj Israel, neꞌe ja Natanael tre.

San Juan 4:25

—Anin wotak chi npi na ja Mesías chi nurchꞌoboꞌ chikawach nojelal nak rbanic, neꞌe ja rixok. (Mesías tibij tzij Cristo.)

San Juan 4:29

—Cꞌo jun achi xoktzijon ruqꞌuin, arjaꞌ xbij chwe nojel ja nbanon chipan ja ncꞌaslemal. Joꞌ mpeꞌ, tekatzꞌataꞌ, maxla arjaꞌ ja Cristo, neꞌ chique.

San Juan 4:42

In quibij tre ja rixok: —Ja nabey yukeꞌ kacꞌuꞌx ruqꞌuin ja Jesús rmal ja xabij chake pro ja camic más chi na yukul kacꞌuꞌx ruqꞌuin como kacꞌaxaj ja xbij chake in bien kotak chi arjaꞌ ja Cristo ja Toꞌonel kaxin kanojelal ja rok winak, xecheꞌ tre.

San Juan 6:69

como ja rajoj yukul kacꞌuꞌx awqꞌuin in kotak chi atat ja rat Cristo, kotak chi at Ralcꞌwal ja cꞌaslic Dios, neꞌ tre.

San Juan 7:27

Pro jalaꞌ ja rachi leꞌ kotak ja bar penak wiꞌ pro ja Cristo ja tok xtipeti jariꞌ majun otakyon bar xtipi wiꞌ. Queriꞌ quibij.

San Juan 7:31

Pro e qꞌuiy ja winak yukeꞌ quecꞌuꞌx ruqꞌuin, quewaꞌ quibij riꞌ: —¿La ma Cristo ta cꞌawaꞌ wariꞌ, la cꞌo chi ta na cꞌa jun ja majaꞌn tipeti ja más chi na nimak tak milagro nuban chwach awaꞌ wariꞌ? xecheꞌe.

San Juan 7:52

Ja cꞌa rejeꞌeꞌ quemaj ryokꞌic ja Nicodemo in quewaꞌ quibij tre riꞌ: —¿La maxta cꞌa at aj Galilea atat chakajaꞌ? Bien tatzꞌataꞌ chipan ja rtzobal Dios chi ni mta wiꞌ jun profeta xtiwinakar ta pa Galilea, xecheꞌ tre.