San Juan 7:4 - Tz'utujil (Ja Cꞌacꞌa Chominem)

⁴ Como jun achi wi cꞌo rgana chi bien notakixi nojel ja samaj nuban mta moda xta pan awatali nsamaji. Como atat amajon rbanic waweꞌ nojel awaꞌ wariꞌ ¿nak cꞌa tre tok matacꞌut chiquewach ja juleꞌ chic winak chakajaꞌ pro ni chiquewach canojelal?

Tz'utujil NT

⁴ Com jun acha wc'ola rgan bien nutkixa njelal rsamaj m-utz ta xe pnalak' nesmaja. Com atet amjon rbanic njelal jawrara ¿nak tzra mtac'ut chquewech jle' chic wnak per ne chquewech conjelal wnak?

San Juan 7:4 Iomraidhean Croise

San Mateo 23:5

Pro xa nak ta ja nqueban xa por interés, ja kas ncajoꞌ chi utz netzꞌa̱t cumal ja winak. Caniꞌ tre ja nqueyaꞌ chi quipalaj in chi quekꞌaꞌ ja tzꞌibtali ja rtzobal Dios chwach jariꞌ más chi na nimak nqueban tre. Queriꞌ nqueban tre utzcꞌa chi nquicꞌutbej quiꞌ chiquewach winak chi más chi na e utzlaj tak winak. In jun chic nqueban, congana nqueban rbanic ja ruchiꞌ quitziak, más chi na nimak tak pleca nquecoj tre.

San Mateo 4:6

in xbij tre: —Ja wi katzij chi atat ja rat Ralcꞌwal Dios taqꞌuiakaꞌel cꞌa awiꞌ waweꞌ como ja chipan ja rtzobal Dios quewaꞌ tzꞌibtal can chawe riꞌ: —Ja Dios nerutakto ángel chi naturquichajij, ejeꞌeꞌ netzꞌamo awxin utzcꞌa chi matasoc awakan chwach abaj. Queriꞌ tzꞌibtal can, neꞌe ja diablo.

San Mateo 6:16

In jun chic, ja tok neban ayuno chi ryabexic rukꞌij ja Dios maxta teban ixix ja caniꞌ nqueban ja winak ja xa cacaꞌ quipalaj como ejeꞌeꞌ ni quigana wiꞌ nqueban nbisoni ja quipalaj, ni lawuloꞌ nqueban tre utzcꞌa chi netzꞌati cumal ja winak chi ayuno ja quimajon rbanic. Anin ni katzij wiꞌ ja xtinbij chewe riꞌ, ja tok nya̱ꞌ quekꞌij cumal ja winak tok nqueban ja rayuno ni xa ruyon wariꞌ ja rtojbalil nquechꞌec trij, mchita nak chi ta.

San Mateo 6:5

In jun chic, ja tok neban oración maxta queriꞌ teban ja caniꞌ nqueban ja winak ja xa cacaꞌ quipalaj. Queriꞌ nbij chewe como ejeꞌeꞌ congana nel quecꞌuꞌx trij ja nepeꞌe pa tak jay xin molbal riꞌil chi rbanic oración in pa tak esquina pa bey chakajaꞌ. Queriꞌ nqueban utzcꞌa chi nya̱ꞌ quekꞌij cumal ja winak ja netzꞌato quixin. Anin ni katzij wiꞌ nbij chewe, ja tok nya̱ꞌ quekꞌij cumal ja winak ni xa ruyon wariꞌ ja rtojbalil nquechꞌec trij, mchita nak chi ta.

San Lucas 6:45

Jun utzlaj achi utzil ja rcꞌolon pa ranma in tok ntzijoni utzil rcꞌamonto ja nbij. Jun itzel achi xa itzelal ja rcꞌolon pa ranma in tok ntzijoni xa itzelal rcꞌamonto ja nbij. Queriꞌ nbij chewe como ja nojnak pa ranma jun winak jariꞌ nelto pa ruchiꞌ.

San Juan 18:20

Ja cꞌa Jesús xbij tre: —Pro ma pan awatal ta waꞌan tok xinyaꞌ ja tijonem, ni chiquewach ja winak xintzijon wiꞌ. Xentijoj pa tak jay xin molbal riꞌil, xentijoj chipan ja nimlaj templo xin Dios como ni triꞌ wiꞌ nquemol wiꞌ quiꞌ ja raj Israel in ni majun nak ta ja chaka ta pan awatali xinbij chique.

San Juan 7:3

Rmalcꞌariꞌ tok quewaꞌ bix tre ja Jesús cumal ja rchꞌalal riꞌ: —¿Nak tre tok macatel waweꞌ in natbe pa Judea utzcꞌa chi ja radiscípulo ja recꞌo chilaꞌ ejeꞌeꞌ necowini nquetzꞌat nojel ja ramajon rbanic waweꞌ?

San Juan 7:5

Queriꞌ bix tre cumal ja rchꞌalal como nixtacꞌa ejeꞌeꞌ ta yukul ta quecꞌuꞌx ruqꞌuin.