San Juan 7:37 - Tz'utujil (Ja Cꞌacꞌa Chominem)

³⁷ Ja tok xerilaꞌ ja qꞌuisbal kꞌij rxin ja nmakꞌij jariꞌ kꞌij ja más nim rukꞌij, peꞌi ja Jesús chiquewach ja winak in quewaꞌ xbij chique riꞌ: —Ja wi cꞌo jun chewe nunaꞌ chakichiꞌ tipeti wqꞌuin camic, turtijaꞌ ja yaꞌ ja cꞌo wqꞌuin.

Tz'utujil NT

³⁷ Tak xerla' q'uisbal k'ij rxin nimk'ij, jara' k'ij jmás nim ruk'ij, xpe'a Jesús chquewech wnak y cawra xbij: —Wc'ola jun chewa congan chkichi' majyona tpeta wq'uin y tertja' ya' jc'ola wq'uin.

San Juan 7:37 Iomraidhean Croise

San Mateo 11:28

Ewanojel ja congana nixel cꞌay chi rbanic cumplir ja rereligión ja wi caniꞌ cosnak chic ja rewíꞌ ewanma chuxeꞌ jun nimlaj ijkaꞌm nenaꞌ kaj, ja wi queriꞌ ebanon mejor ja neban, quixajoꞌ in tiyukeꞌ ecꞌuꞌx wqꞌuin. Ja wi nyukeꞌ ecꞌuꞌx wqꞌuin, anin nyaꞌ chewe chi nxulaꞌni ja rewíꞌ ewanma.

San Mateo 3:3

Ja Juan jariꞌ ja bitajnak can ojer chi npi na, quewaꞌ bitajnak can tre rmal ja profeta Isaías riꞌ: —Cꞌo jun kulaj ncꞌaxax chipan ja lugar ja kas talani, quewaꞌ nbij riꞌ: —Techomarsaj chi utz ja rubey ja kajaw Dios, jic teyaꞌaꞌ. Queriꞌ ja tzꞌibtal can tre ja Juan.

San Mateo 5:6

Congana quiꞌil chique ja winak ja congana nquiyarij nquetzuk ja canma tre ja rutzil xin Dios, congana quiꞌil chique como ja rutzil nquiyarij jariꞌ xtinoj na pa tak canma.

San Juan 1:23

Ja cꞌa Juan xbij chique: —Ja nbanic anin jariꞌ rtzꞌiban can ja profeta Isaías ojer quewariꞌ: —Cꞌo jun achi nurak na ruchiꞌ pa jun lugar ja bar kas talan wiꞌ in quewaꞌ nbij chique ja winak riꞌ: —Techomarsaj ja recꞌaslemal chi raybexic ja kajaw Dios, neꞌ chique. Jawaꞌ ja tzꞌibtajnak can, anin cꞌariꞌ ja nrak nuchiꞌ, neꞌe ja Juan chique.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 4:10

Ja cꞌa Jesús xbij chic tre: —Ja wixta chꞌobtajnak amwal nak rbanic ja cochinem ja nsipaj ja Dios chawe, wixta chꞌobtajnak amwal nak inocnak wiꞌ anin ja nintajini nintzijon awqꞌuin camic riꞌ ja nmajon rcꞌutuxic nuyaꞌ chawe, atat xacꞌutuj ta yaꞌ ariꞌ chwe chakajaꞌ in xinyaꞌ ta jun yaꞌ chawe pro jun yaꞌ ja rcꞌamonto jun cꞌacꞌa cꞌaslemal chawe, neꞌ tre.

San Juan 4:11

—Pro mta napulbej ja yaꞌ in congana pos rpan ja jul ¿bar cꞌa cꞌo wariꞌ ja yaꞌ ja cꞌa xabij chwe?

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

San Juan 5:40

Pro ja rixix ni majun egana xtiyukeꞌ ta ecꞌuꞌx wqꞌuin, xa nechꞌaꞌ ja utzlaj cꞌaslemal ja ntzujuj chewe ja ni mta wiꞌ qꞌuisic trij.

San Juan 6:35

—Anin cꞌariꞌ ja rin way, anin ninyowi ja utzlaj cꞌaslemal ja mta qꞌuisic trij. Ja winak ja nyukeꞌ quecꞌuꞌx wqꞌuin jariꞌ ni mchita wiꞌ waꞌal xtiquetij ta nixtacꞌa chakichiꞌ ta chakajaꞌ.

San Juan 6:37

Canojel ja winak ja neyataj chwe rmal ja Tatixel ejeꞌeꞌ neꞌurkaj wqꞌuin in tok neꞌurkaji mta ariꞌ ja maquita nenucꞌul canojelal.

San Juan 6:55

Como ja ncuerpo anin jariꞌ ja mero way in ja nquiqꞌuel jariꞌ ja mero camsbal chakichiꞌ.

San Juan 7:28

Ja cꞌa Jesús rmajon quitijoxic ja winak chipan ja nimlaj templo xin Dios in quewaꞌ xbij chique riꞌ: —Ixix ewotak nwach in ewotak chakajaꞌ ja bar inpenak wiꞌ. Pro cꞌo jun ja rintakyonto, arjaꞌ ni katzij wiꞌ chi cꞌaslic Dios pro jariꞌ ma ewotak ta rwach. Ja ranin ma chaka ta xinban mandar wiꞌ nuyon chi xinpeti.

1 Corintios 10:21

Ni majun moda xtetij ta ja vino rxin ja kajaw Jesucristo xteban ta jun ruqꞌuin in xtetij chi ta cꞌa ja vino quixin demonio xteban chi ta jun cuqꞌuin. Ni majun moda xtetij ta ja cꞌo chwach ja mesa rxin ja kajaw Jesucristo in xtetij chi ta cꞌa ja cꞌo chwach ja mesa quixin demonio.

1 Corintios 10:4

Quetij ja yaꞌ xin Dios pro ni canojelal in xa jun rwach quetij chakajaꞌ. Como cꞌoli yaꞌ quetij ja pan abaj xelto wiꞌ in ja rabaj jariꞌ retal chi ja Cristo ni tran wiꞌ chiquij ja tok xekꞌax pa tak lugar jeꞌe.

1 Corintios 11:25

Queriꞌ xuban chic tre ja jun vaso vino chakajaꞌ, ja tok colbetaji waꞌim rmal xucꞌam in quewaꞌ xbij chic chique riꞌ: —Ja vino ja cꞌo chipan ja vaso riꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja tok xtetij xa nak ta chi tiempoꞌal xtetij wiꞌ jeꞌe nijawawaꞌ xtenatbej wxin chakajaꞌ, neꞌe.

1 Corintios 12:13

Queriꞌ nbij chewe como xa jun mismo Espíritu Santo xokbanbex bautizar kanojelal, xa jun cuerpo ban chake chi ok aj Israel chi ma ok aj Israel ta, chi ok esclavo chi ok libre, xa jun mismo Espíritu Santo ja xoc pa tak kanma chi nimlaj kanojelal.

Efesios 5:18

Maxta quixnoj tre ja vino chi nixkꞌabar rmal como jariꞌ congana itzelal rcꞌamonto. Pro ja neban, ni ta xtinoj wiꞌ ja rEspíritu Santo pa tak ewanma.

Apocalipsis 21:6

In xbij chic chwe: —Bantajnak chic nojelal. Anin nij incꞌo chi wiꞌ ja tok tzꞌucarto ja rwachꞌulew in nij incꞌo wiꞌ ja tok xteqꞌuisi ja rwachꞌulew chakajaꞌ. Ja winak ja remajtajnak rmal chakichiꞌ cꞌo juleꞌ yaꞌ ja nyaꞌ chique pro matiquetoj, xa nsipaj chique. Jariꞌ yaꞌ penak ruqꞌuin ja tzꞌuquelyaꞌ ja rcꞌamonto ja utzlaj cꞌaslemal ja mta qꞌuisic trij.

Apocalipsis 22:1

Cꞌacꞌariꞌ cꞌo jun binelyaꞌ xucꞌut chinwach, jariꞌ yaꞌ ja rcꞌamonto ja utzlaj cꞌaslemal ja mta qꞌuisic trij. Ja yaꞌ congana chꞌajchꞌoj, natcowini natcaꞌy chipan, puro cristal. Ja lugar ja bar nelto wiꞌ ja rkan yaꞌ triꞌ ja bar cꞌo wiꞌ ja trono rxin ja Dios in rxin ja Carnelo.

Apocalipsis 22:17

Ja rEspíritu Santo rachbil ja rxjayil ja Carnelo ejeꞌeꞌ quewaꞌ nquibij riꞌ: —Catpeti Jesús, necheꞌe. In chakajaꞌ ja necꞌaxani quirtawaꞌ xtiquibij riꞌ: —Catpeti Jesús, xquecheꞌ ta. Ja winak ja nquenaꞌ chakichiꞌ quepi cꞌa in xa nak ta ja cꞌo rgana npeti tipeti, turtijaꞌ ja yaꞌ ja rcꞌamonto ja utzlaj cꞌaslemal ja mta qꞌuisic trij in xa sipan ja yaꞌ.