San Juan 7:33 - Tz'utujil (Ja Cꞌacꞌa Chominem)

³³ Ja cꞌa Jesús arjaꞌ tzijon más cuqꞌuin ja winak, quewaꞌ xbij chic chique riꞌ: —Anin xa jun ti tiempo chic ninqꞌuejeꞌ checojol como ninmeloj ruqꞌuin ja rintakyonto.

Tz'utujil NT

³³ Y ja' Jesús remjon más tzij cuq'uin je' wnak, cawra xbij chic chca: —Anen xjurmaj quenc'je'a checjol com xquenmloja ruq'uin jtakyon pa wxin.

San Juan 7:33 Iomraidhean Croise

Marcos 16:19

Ja cꞌa kajaw Jesús tok tzuri tzij rmal cuqꞌuin ja rdiscípulo arjaꞌ cꞌamarel chilaꞌ chicaj, xetzꞌabeꞌ pa riquikꞌaꞌ ja Dios.

San Juan 13:1

Xerilaꞌ ja pispra rxin ja nmakꞌij pascua. Ja cꞌa Jesús arjaꞌ rotak chi xurwilaꞌ ja hora chi nuyaꞌ can ja rwachꞌulew in nmeloj ruqꞌuin ja Tatixel. Caniꞌ rbanonto chique ja rdiscípulo waweꞌ chwachꞌulew nij erajoꞌonto wiꞌ in niquirwariꞌ xuban can chic chique, cꞌoli ja xcꞌutbej chic chiquewach chi ni nerajoꞌ wiꞌ.

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 13:33

Chakꞌlaj walcꞌwal, anin xa jun ti tiempo chic ninqꞌuejeꞌ checojol. Ninecanoj chi na pro caniꞌ xinbij chique ja juleꞌ chic aj Israel queriꞌ nbij chic chewe ixix camic quewariꞌ, ja bar xquinbe chi wiꞌ maquixcowin ixix nixekaj triꞌ.

San Juan 14:12

Ni katzij wiꞌ ja xtinbij chewe riꞌ, ja winak ja nyukeꞌ quecꞌuꞌx wqꞌuin ejeꞌeꞌ xtiyataj na chique chakajaꞌ chi nqueban ja nimak tak milagro ja caniꞌ nban anin. Xtiyataj na chique chi más chi na nimak tak milagro xtiqueban chwach ja caniꞌ nbanon anin. Queriꞌ nbij chewe como anin ninbe ruqꞌuin ja Tatixel rmalcꞌariꞌ tok xtiyataj na chique chi queriꞌ nqueban.

San Juan 14:19

Xajalal majaꞌn quinbe. Ja cꞌa tok xquinbe maquinquetzꞌat chic ja winak ja xa ruqꞌuin rwachꞌulew yukul wiꞌ quecꞌuꞌx pro ja rixix ninetzꞌat chi na. Como anin wcꞌan ja utzlaj cꞌaslemal ja mta qꞌuisic trij rmalariꞌ newcꞌaj na ixix chakajaꞌ ja utzlaj cꞌaslemal ja mta qꞌuisic trij.

San Juan 14:28

Ixix xecꞌwaxaj ja tok quewaꞌ xinbij chewe riꞌ: —Anin ninbe pro ninmelojpi chi na jutij ewqꞌuin. Ruqꞌuin ja Nataꞌ ninbe wiꞌ, xincheꞌ chewe. Ja wixta congana ninewajoꞌ xixquicot ta cꞌariꞌ ja tok xinbij chewe chi ruqꞌuin ja Nataꞌ ninbe wiꞌ como ja Nataꞌ arjaꞌ más na nim rukꞌij chinwach anin.

San Juan 16:28

Ruqꞌuin ja Tatixel inelnakto wiꞌ, inpenak waweꞌ chwachꞌulew in camic nyaꞌ can ja rwachꞌulew, ninmeloj chic jutij ruqꞌuin ja Tatixel. Queriꞌ xbij ja Jesús chique.

San Juan 16:5

Pro ja camic como ninbe chewiꞌ tok nbij can chewe. Camic ninmeloj ruqꞌuin ja takyonto wxin pro ni majun chewe ncꞌwaxaj ta chwe: —¿Bar cꞌa natbe wiꞌ? neꞌ ta chwe.

San Juan 17:11

Padre Santo, camic maquinqꞌuejeꞌ chic más waweꞌ chwachꞌulew pro ja rejeꞌeꞌ neqꞌuejeꞌ na pro ja ranin ninmeloj chic jutij awqꞌuin. Pan abiꞌ atat queꞌachajij can queꞌawaraj can ja reꞌayaꞌon chwe utzcꞌa xta jun xtiqueban ja caniꞌ kabanon ajoj awqꞌuin xa jun kabanon.

San Juan 17:13

Pro ja camic anin ninmeloj awqꞌuin in nojel awaꞌ ja nintajini nbij chawe camic riꞌ ni chiquewach ejeꞌeꞌ nbij can wiꞌ waweꞌ chwachꞌulew utzcꞌa chi xtinoj ta pa tak canma ja quicotemal ja cꞌo wqꞌuin.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

San Juan 9:4

Ja tok cꞌa incꞌo na waweꞌ chwachꞌulew rjawaxic chi nban ja rsamaj ja takyonpi wxin. Caniꞌ tre ja tok noc akꞌaꞌ macatcowini natsamaj chic.