San Juan 7:12 - Tz'utujil (Ja Cꞌacꞌa Chominem)

¹² E qꞌuiy ja winak chipan ja nmakꞌij quimajon tzij tre ja Jesús pro kas pan ekal netzijoni. Ecꞌoli chique quewaꞌ nquibij riꞌ: —Congana utzlaj achi ja Jesús, necheꞌe, pro junwiꞌ chi na nquibij juleꞌ chic chique: —Xa neruyoj ja winak, xa neruban engañar, necheꞌe.

Tz'utujil NT

¹² E q'uiy je' wnak chpam nimk'ij quemjon je' tzij tzrij Jesús per kas pnejkal nquetzijona, ec'ola nic'aj cawra necbij: —Kas congan utzlaj acha ja' Jesús, y nic'aj chic wnak jun chwa' necbij: —Xe nqueruyoj wnak, xtz'koj tzij nuban chca.

San Juan 7:12 Iomraidhean Croise

San Mateo 10:25

Ja cꞌa nuban ja discípulo mejor, queqꞌuejeꞌ conforme chi nba̱n chique ja caniꞌ nba̱n tre ja quimaestro, in ja rajsamajelaꞌ chakajaꞌ mejor, queqꞌuejeꞌ conforme chi nba̱n chique ja caniꞌ nba̱n tre ja quipatrón. Anin in Epatrón in como quibij chwe chi anin in jefe quixin ja demonio pior cꞌa ja chewe ixix, congana nixquitzelaj na chakajaꞌ ja rix ajsamajelaꞌ wxin.

San Mateo 21:46

Laj quechap chi nquecoj preso pro xa nquixbej quiꞌ chiquewach ja winak como ja nquibij ja winak chi ja Jesús arjaꞌ jun profeta xin Dios.

San Mateo 27:63

in quewaꞌ quibij tre riꞌ: —Señor gobernador, ajoj bien nurkaj chake, ja rachi Jesús ja banol engaño, ja tok cꞌa cꞌas na cꞌo jun tzij xbij can quewariꞌ: —Pro ja chi rox kꞌij ncꞌastaj nwach. Queriꞌ ja xbij can.

San Lucas 18:19

—¿Nak tre tok nabij chwe chi in utzlaj achi? Xa jun ja utz, jariꞌ Dios.

San Lucas 23:47

Cꞌo cꞌa jun capitán paꞌl triꞌ, arjaꞌ tok xutzꞌat ja bantaji xumaj ryaꞌic rukꞌij ja Dios, quewaꞌ xbij riꞌ: —Jalaꞌ jun achi leꞌ ni katzij wiꞌ chi mta ril rbanon, neꞌe.

San Lucas 23:50

Cꞌo cꞌa jun achi José rubiꞌ, arjaꞌ aj Arimatea ja cꞌo pa rcuenta Judea. Ja cꞌa José arjaꞌ jun chique ja kꞌetol tak tzij quixin ja tinamit Israel pro jun utzlaj achi rbanon utz chwach Dios. Arjaꞌ nojel rucꞌuꞌx rayben ja kꞌij ja tok xtoqui ja gobierno xin Dios. Ma junan ta xuchꞌob cuqꞌuin ja rach tak kꞌetol tzij como xa ma utz ta xutzꞌat ja queban tre ja Jesús.

San Lucas 6:45

Jun utzlaj achi utzil ja rcꞌolon pa ranma in tok ntzijoni utzil rcꞌamonto ja nbij. Jun itzel achi xa itzelal ja rcꞌolon pa ranma in tok ntzijoni xa itzelal rcꞌamonto ja nbij. Queriꞌ nbij chewe como ja nojnak pa ranma jun winak jariꞌ nelto pa ruchiꞌ.

San Lucas 7:16

Ja cꞌa winak congana quixbej quiꞌ rmal ja bantaji pro canojelal in quemaj ryaꞌic rukꞌij ja Dios: —Jalaꞌ jun nimlaj profeta xin Dios ja winakarnak chikacojol camic. Ja Dios camic rtakonto jun Toꞌonel chikacojol ja rok tinamit rxin, xecheꞌe.

San Juan 6:14

Ja winak tok quetzꞌat ja milagro ja xuban ja Jesús chiquewach quewaꞌ quibij riꞌ: —Jalaꞌ jun achi leꞌ ni katzij wiꞌ chi arjaꞌ ja profeta xin Dios ja tzꞌibtal can chi npi na, xecheꞌe.

San Juan 7:32

Ja cꞌa fariseo ejeꞌeꞌ quicꞌaxaj chi ja winak kas pan ekal quimajon rbixic chi ja Jesús arjaꞌ ja Cristo. Rmalcꞌariꞌ tok quecꞌam quiꞌ cuqꞌuin ja jefe quixin sacerdote, xequetak juleꞌ soldado chi nquechap ja Jesús.

San Juan 7:47

Ja cꞌa fariseo quibij chic chique: —¿La maxta cꞌa xixban engañar ixix rmal ja rachi chakajaꞌ?

San Juan 7:52

Ja cꞌa rejeꞌeꞌ quemaj ryokꞌic ja Nicodemo in quewaꞌ quibij tre riꞌ: —¿La maxta cꞌa at aj Galilea atat chakajaꞌ? Bien tatzꞌataꞌ chipan ja rtzobal Dios chi ni mta wiꞌ jun profeta xtiwinakar ta pa Galilea, xecheꞌ tre.

San Juan 9:16

Ecꞌoli chique ja fariseo quibij: —Ja rachi rbinaꞌan Jesús ma Dios ta takyonto rxin como arjaꞌ matuban respetar ja xulaꞌnbal kꞌij como cꞌo samaj nuban chipan, xecheꞌe. Pro juleꞌ chic chique quewaꞌ quibij riꞌ: —¿Pro nak moda cꞌariꞌ jun achi wi xa il mac ja nuban in nuban jun milagro ja caniꞌ nkatzꞌat camic riꞌ? xecheꞌe. In queriꞌ queban, ma junan ta quechꞌob trij ja Jesús.

Hechos 11:24

Queriꞌ xbij ja Bernabé como arjaꞌ utzlaj achi, nojnak ja rEspíritu Santo pa ranma, congana yukul rucꞌuꞌx ruqꞌuin ja Jesucristo in e qꞌuiy ja winak yukeꞌ quecꞌuꞌx ruqꞌuin ja Kajaw rmal.

Romanos 5:7

Masqui kas jic ja racꞌaslemal pro congana cꞌayew chi cꞌo jun winak ja maquita npokonaj ncam pan acuenta. Owi congana at utzlaj winak maxla ecꞌo jujun ja neqꞌuejeꞌ conforme chi necam amwal.

Filipenses 2:14

Tebanaꞌ nojel ja yatajnak chewe chi neban pro makanaꞌ wixwotem, makanaꞌ sícꞌ chꞌaꞌoj.