San Juan 7:1 - Tz'utujil (Ja Cꞌacꞌa Chominem)

¹ Cꞌacꞌariꞌ be ja Jesús chipan juleꞌ chic lugar ja cꞌo chipan ja departamento Galilea, matirajoꞌ nbe pa tak lugar ja cꞌo chipan ja departamento Judea como triꞌ ecꞌo wiꞌ juleꞌ aj Israel quimajon rchꞌobic nak nqueban tre chi nquicamsaj.

Tz'utujil NT

¹ C'jara' xba Jesús chpam jle' chic lwar jc'ola precwent departamento Galilea, mtrajo' nba ptak tnamet rxin departamento Judea com tzra' ec'ol wa' jle' aj Israel quemjon rch'obic nak nqueban tzra che neccamsaj.

San Juan 7:1 Iomraidhean Croise

San Mateo 10:23

Ja cꞌa tok nba̱n pokon chewe chipan jun tinamit quixanmaji, jix chic cha jun chic tinamit. Queriꞌ nbij chewe como ni katzij wiꞌ ja xtinbij chewe riꞌ, ja tok majaꞌn quixkꞌax chipan nojel ja tinamit ja cꞌo pa rcuenta Israel can ninpi chic jutij, anin ja rin Alcꞌwalaxel ja xinoc alaxic cuqꞌuin ja winak.

San Mateo 21:38

Pro ja rajchonlaꞌiꞌ ja tok xekaji ja ralcꞌwalaxel cuqꞌuin quewaꞌ quibij chibil tak quiꞌ riꞌ: —Jalaꞌ ja rachi leꞌ noc na pa rukꞌaꞌ ja rulew riꞌ como herencia. Camic kacamsaj in noc pa kakꞌaꞌ ajoj ja herencia rxin, xecheꞌe.

Marcos 11:18

Ja cꞌa maestro ja netijon quixin ja winak tre ja ley xin Dios e cachbil ja jefe quixin sacerdote ejeꞌeꞌ tok xekaj rbixic cuqꞌuin ja xbij ja Jesús congana quixbej quiꞌ rmal in rmalariꞌ quemaj rcanoxic rij rwach nak nqueban tre chi nquicamsaj. Ejeꞌeꞌ quixbej quiꞌ como ja tijonem ja ntajini nuyaꞌ ja Jesús kas cꞌascꞌoꞌi nquicꞌaxaj canojel ja winak in nqueyaꞌ quixquin tre.

San Juan 1:19

Ja Juan arjaꞌ xeta̱kel juleꞌ achiꞌiꞌ ruqꞌuin cumal ja raj Israel chi necꞌaxax tre nak ja rocnak wiꞌ. Pa Jerusalén xeꞌelel wiꞌ ja rachiꞌiꞌ, juleꞌ chique e sacerdote in juleꞌ chic chique e levita. Ja tok xeꞌekaj ruqꞌuin ja Juan quewaꞌ quibij tre riꞌ: —¿Nak chi at achiꞌal? xecheꞌ tre.

San Juan 4:3

Ja kajaw Jesús tok xcꞌaxaj chi xekaj rbixic ja tzij cuqꞌuin ja fariseo cꞌacꞌariꞌ xel chipan ja departamento Judea, be chic chipan ja departamento Galilea.

San Juan 4:54

Quircꞌawaꞌ xuban ja Jesús tok xelpi chic ja pa Judea in tok xekaj chic pa Galilea, ja cꞌawaꞌ rcab milagro xuban.

San Juan 6:1

Cꞌacꞌariꞌ be chic ja Jesús chajuparaj mar xin Galilea ja cꞌo chic jun rubiꞌ mar xin Tiberias neꞌxi.

San Juan 7:11

Pro ja cꞌa raj Israel ejeꞌeꞌ quimajon rcanoxic ja Jesús chipan ja nmakꞌij ja ntajini nbani: —¿Bar cꞌa cꞌo wiꞌ? necheꞌe.

San Juan 7:13

Pro como ni majun chique ja maquita nxbej riꞌ chiquewach ja cach tak aj Israel ja nimak quekꞌij chewiꞌ tok kas pan ekal netzijoni.

San Juan 7:19

Ja rixix ¿la ma yatajnak ta cꞌa chewe ja ley xin Dios rmal ja Moisés chi nenimaj? pro ja ley ni majun chewe rmajon ta rnimaxic ja nbij. Queriꞌ nbij chewe como nixtajini necanoj wij nwach nak neban chwe chi ncamsaxic. Queriꞌ xbij chique.

San Juan 7:25

Ecꞌo cꞌa juleꞌ chique ja winak ja raj Jerusalén tok quicꞌaxaj quewaꞌ quibij riꞌ: —¿La ma ja ta cꞌalaꞌ ja rachi leꞌ ja majtajnak rcanoxic rij rwach chi ncamsaxi?

San Juan 7:35

Ja cꞌa raj Israel ejeꞌeꞌ quemaj chic tzij tre ja cꞌa bix chique rmal ja Jesús: —¿Bar cꞌa xtibe wiꞌ ja rachi leꞌ in makocowini nkawil chic? ¿La nbe cuqꞌuin ja kach tak aj Israel ja recꞌo pa tak tinamit quixin ja winak ja ma e aj Israel ta, la triꞌ nbe wiꞌ chi neꞌertijoj ja ma e aj Israel ta?

San Juan 8:37

Anin wotak chi ix riy rumam can ja rAbraham pro masqui ix riy rumam can pro emajon rcanoxic wij nwach nak neban chwe chi ninecamsaj. Queriꞌ cꞌa neban como mateyaꞌ lugar tre ja ntzobal chi nqꞌuiy más pa tak ewanma.

San Juan 8:40

Anin nojel ja nbin chewe jariꞌ ni katzij wiꞌ como ja Dios arjaꞌ biyon chwe pro masqui queriꞌ rbanic pro ixix necanoj wij nwach nak neban chwe chi ninecamsaj pro ja rAbraham ma queriꞌ ta xuban ja caniꞌ nixtajini neban ixix chwe camic.

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.