San Juan 6:66 - Tz'utujil (Ja Cꞌacꞌa Chominem)

⁶⁶ Ja cꞌa rdiscípulo ja Jesús tok quicꞌaxaj ja tijonem xuyaꞌ e qꞌuiy chique xemeloj can chiquij rmal, ma xetreꞌ chi ta trij.

Tz'utujil NT

⁶⁶ J-e' c'a rdiscípulo tak xecc'axaj jtijonem xuya' e q'uiy chca xemloja chquij, majo'n chic xetre' ta tzrij.

San Juan 6:66 Iomraidhean Croise

San Mateo 19:22

Ja tok xcꞌaxaj chi queriꞌ bix tre meloji, congana nbisoni. Queriꞌ xuban como congana jun nimlaj mebaꞌil ja cꞌo ruqꞌuin.

San Lucas 9:62

—Jun ajchonlaꞌ ma utz ta neli ja banoj chenoj rmal ja wi xa trij ncaꞌy can wiꞌ in queriꞌ cꞌa tre jun winak chakajaꞌ xa nak ta chi winakil ja wi xa trij ncaꞌy can wiꞌ jariꞌ ma yatal ta tre chi nsamaj pa rcuenta ja gobierno xin Dios, neꞌxi ja rachi rmal ja Jesús.

San Juan 2:2

In chakajaꞌ banon invitar ja Jesús e rachbil ja rdiscípulo.

San Juan 6:60

Ja cꞌa rdiscípulo ja Jesús ejeꞌeꞌ tok quicꞌaxaj ja xbij e qꞌuiy chique quewaꞌ quibij riꞌ: —Congana takaꞌan cꞌayew ja nbij leꞌ ¿nak ta wiꞌ xtel rucꞌuꞌx chi rcꞌaxaxic? xecheꞌe.

San Juan 6:64

Pro ecꞌoli chewe ja mta yukulbal quecꞌuꞌx wqꞌuin. Queriꞌ xbij ja Jesús como arjaꞌ ni rotakinto wiꞌ echinatak ja matiyukeꞌ quecꞌuꞌx ruqꞌuin in ni rotakinto wiꞌ chakajaꞌ nak xtijacho rxin pa quekꞌaꞌ ja winak ja netzelan rxin.

San Juan 7:3

Rmalcꞌariꞌ tok quewaꞌ bix tre ja Jesús cumal ja rchꞌalal riꞌ: —¿Nak tre tok macatel waweꞌ in natbe pa Judea utzcꞌa chi ja radiscípulo ja recꞌo chilaꞌ ejeꞌeꞌ necowini nquetzꞌat nojel ja ramajon rbanic waweꞌ?

San Juan 8:31

Cꞌacꞌariꞌ xumaj tzij cuqꞌuin ja raj Israel ja yukeꞌ quecꞌuꞌx ruqꞌuin, quewaꞌ xbij chique riꞌ: —Ja wi xajutij nixqꞌuejeꞌ chipan ja ntzobal jariꞌ ni katzij wiꞌ chi ix ndiscípulo.

2 Timoteo 1:15

Atat awotak chi canojel ja recꞌo pa rcuenta ja departamento Asia ejeꞌeꞌ ma xinquetoꞌ chi ta pro xinqueyaꞌ can caniꞌ chique Figelo in Hermógenes.

2 Timoteo 4:10

como ja Demas arjaꞌ be chipan ja tinamit Tesalónica, xinruyaꞌ can xa rmal ja congana nel rucꞌuꞌx trij ja quicotemal xin rwachꞌulew. Ja Crescente jariꞌ xintak pa tak tinamit ja cꞌo pa rcuenta Galacia in xintak ja Tito chakajaꞌ pa tak tinamit ja cꞌo pa rcuenta Dalmacia.

Hebreos 10:38

Ja cꞌa winak ja rencꞌulun ni rjawaxic wiꞌ tre ja quicꞌaslemal chi ni nyukeꞌ wiꞌ quecꞌuꞌx wqꞌuin. Pro wi ecꞌoli chique ja xquemeloj can chic jutij chiquij ejeꞌeꞌ riꞌ ni majun ngana cuqꞌuin. Queriꞌ rbin can ja Dios.

1 Juan 2:19

Ejeꞌeꞌ riꞌ winak ja xeꞌelel chikacojol in xokqueyaꞌ can, bien kꞌalaj chi ma e kachbil ta. Ja wixta e kachbil maquita xokqueyaꞌ can ariꞌ. Ma chaka ta xeꞌeli, triꞌ ntzꞌa̱t wiꞌ chi ni majun chique kachbil ta.