San Juan 6:5 - Tz'utujil (Ja Cꞌacꞌa Chominem)

⁵ Ja Jesús tok xutzꞌat chi congana winak xeꞌekaj ruqꞌuin xbij tre ja Felipe: —¿Bar nekalokꞌoꞌ wiꞌ queway ja winak leꞌ? neꞌ tre.

Tz'utujil NT

⁵ Ja' Jesús tak xutz'et che congan wnak xe'ekaja ruq'uin xbij tzra Felipe: —¿Abar nkalok' wa' queway j-e' la' wnak?

San Juan 6:5 Iomraidhean Croise

San Mateo 15:33

Ja cꞌa rdiscípulo ejeꞌeꞌ quibij tre: —Jawaꞌ lugar ja rokcꞌo wiꞌ riꞌ congana talani ¿bar cꞌa nekacꞌamaꞌ wiꞌ ja xtiquetij ja winak leꞌ? como congana e qꞌuiy, xecheꞌ tre.

Marcos 6:32

Cꞌacꞌariꞌ xeꞌoquel pa jun lancha, xequiyonaj quiꞌ chipan ja lugar kas talani ja bar ma ecꞌo ta wiꞌ winak.

San Lucas 9:10

Ja cꞌa cablajuj apóstol tok xemelojto quechol chwach ja Jesús nojel ja xequibanaꞌ. Ja cꞌa Jesús xerucꞌamel, xequiyonaj quiꞌ pa jun lugar ja kas talani ja bar ma ecꞌo ta wiꞌ winak. Jariꞌ lugar pa rcuenta ja tinamit Betsaida cꞌo wiꞌ.

San Juan 1:43

Ja cꞌa chi rcab kꞌij chic ja Jesús nuchꞌob chi nbe chipan ja departamento Galilea. Cꞌacꞌariꞌ be ruqꞌuin ja Felipe in xbij tre: —Joꞌ, cattreꞌel chwij, neꞌ tre.

San Juan 1:44

Ja Felipe arjaꞌ aj Betsaida. Ja Betsaida jariꞌ quitinamit ja rAndrés in Pedro, pa rcuenta Galilea cꞌo wiꞌ.

San Juan 1:45

Be ja Felipe ruqꞌuin ja Natanael in quewaꞌ xbij tre riꞌ: —Camic kawilon chic ja Toꞌonel ja tzꞌibtal can chi npi na, ja tzꞌibtal can chipan ja ley xin Dios rmal ja Moisés in tzꞌibtal can chakajaꞌ cumal ja juleꞌ chic profeta. Ja waꞌan ariꞌ ja Jesús ja raj Nazaret ja rcꞌajol ja José, neꞌ tre.

San Juan 1:46

Ja cꞌa Natanael arjaꞌ xbij: —¿La cꞌol ek jun achi nwinakar na triꞌ pa Nazaret ja congana buena? neꞌe. —Joꞌ mpeꞌ, tekatzataꞌ, neꞌxi rmal ja Felipe in xebe.

San Juan 1:48

Ja cꞌa Natanael tok xcꞌaxaj ja bix tre rmal ja Jesús quewaꞌ xbij tre riꞌ: —¿Nak tre awotak takaꞌan nwach? neꞌ tre. —Atat tok majaꞌn catesiqꞌuixto rmal ja Felipe tokoriꞌ xatnutzꞌat chi at tzꞌubul chuxeꞌ jun cheꞌ higuera, neꞌxi rmal ja Jesús.

San Juan 4:35

Ja nebij ixix cꞌa chi quijiꞌ icꞌ nelto wiꞌ ja cosecha, nixcheꞌe. Pro anin nbij chewe, queꞌetzꞌataꞌ mpeꞌ ja winak leꞌ epenak, ejeꞌeꞌ e caniꞌ juleꞌ tijcoꞌm ja kꞌen chic, utz chic nba̱n cosechar.