San Juan 6:33 - Tz'utujil (Ja Cꞌacꞌa Chominem)

³³ Queriꞌ nbij chewe como ja way ja nuyaꞌ ja Dios jariꞌ ja penak chilaꞌ chicaj jariꞌ ja nuyaꞌ utzlaj cꞌaslemal chique ja winak pro canojelal, xecheꞌxi.

Tz'utujil NT

³³ Cawra quenbij chewa perc jway jnuya' Nedta' Dios jara' jxutak ta chcaj y nuya' utzlaj c'aslemal je rxin junlic chca wnak wawe' chwech ruch'lew.

San Juan 6:33 Iomraidhean Croise

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 16:28

Ruqꞌuin ja Tatixel inelnakto wiꞌ, inpenak waweꞌ chwachꞌulew in camic nyaꞌ can ja rwachꞌulew, ninmeloj chic jutij ruqꞌuin ja Tatixel. Queriꞌ xbij ja Jesús chique.

San Juan 17:8

Como anin nbin chic chique nojel ja rabin chwe. Ejeꞌeꞌ quiniman chic ja nbin chique in camic bien cotak chi awqꞌuin atat inpenak wiꞌ, nquinimaj chi atat attakyonto wxin.

San Juan 3:13

Ni majun nak ta ekajnak ta chilaꞌ chicaj rtzꞌaton ta nak rbanic ja chilaꞌ chicaj, xa jun ja tzꞌatyon nak rbanic, arjaꞌ ja Ralcꞌwalaxel ja kajto chilaꞌ chicaj ja xoc alaxic cuqꞌuin ja winak, arjaꞌ ja cꞌo pa ranma ja Tatixel chilaꞌ chicaj.

San Juan 6:32

Bix chic chique rmal ja Jesús: —Ni katzij wiꞌ ja xtinbij chic chewe riꞌ, ja way ja pi chicaj ma ja ta Moisés yowi, ja nataꞌ Dios arjaꞌ yowi in ja way xin chilaꞌ chicaj ja ni katzij wiꞌ chi way ni ja wiꞌ nataꞌ Dios nyowi chakajaꞌ.

San Juan 6:38

Anin xinkajto chilaꞌ chicaj, inpenak chi rbanic ja rvoluntad ja rintakyonto, ma nvoluntad ta anin nunbanaꞌ kaj ta nuyon.

San Juan 6:41

Ja cꞌa raj Israel ejeꞌeꞌ quemaj rtzijoxic ja Jesús como mta quigana ruqꞌuin ja xbij chique chi arjaꞌ ja way kajnakto chilaꞌ chicaj.

San Juan 6:48

Anin ja rin way, anin ninyowi ja utzlaj cꞌaslemal ja mta qꞌuisic trij.

San Juan 6:50

Pro ja way ja nmajon rbixic anin chewe camic riꞌ jariꞌ ja kajnakto chilaꞌ chicaj utzcꞌa chi nak xtitijo rxin jariꞌ maticami.

San Juan 6:58

Ja way ja nmajon rbixic chewe camic riꞌ jariꞌ ja kajnakto chilaꞌ chicaj, ma junan ta ruqꞌuin ja maná ja tij cumal ewatiꞌt emamaꞌ ojer pro ma xerutoꞌ ta chipan ja camíc. Jawaꞌ way ja nmajon rbixic chewe riꞌ xa nak ta netijowi necꞌaseꞌ na pro ni chijutij. Queriꞌ xbij ja Jesús chique.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

1 Timoteo 1:15

Ja Cristo Jesús arjaꞌ pi waweꞌ chwachꞌulew chi katoꞌic ja rok ajꞌil ja rok ajmaquiꞌ. Jariꞌ tzij ni katzij wiꞌ in yatal chique canojelal ja winak chi nquinimaj. In anin más na nim ja wil numac chiquewach canojelal.