San Juan 6:27 - Tz'utujil (Ja Cꞌacꞌa Chominem)

²⁷ Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

Tz'utujil NT

²⁷ Ixix congan nquixsmaja che rconxic eway per je' way jxe nq'uisa ruk'ij. Per mxer tc'a wa' samaj neban, per quixesmaj c'a chka' che rconxic way jmajo'n nq'uis ta ruk'ij y rec'mon ta utzlaj c'aslemal rxin Dios je rxin junlic. Je Rlec'walxel jxoca alxic cuq'uin wnak jara' nsipana chewa jway jxenbij kaja chewa com Dios je Ttixel arja' rk'alsan chic chja' takyon ta Rlec'walxel, cara' xbixa chca wnak rmal Jesús.

San Juan 6:27 Iomraidhean Croise

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 25:46

Ejeꞌeꞌ riꞌ nebe na chipan ja nimlaj rpokonal ja mta qꞌuisic trij pro ja utz netzꞌa̱t rmal ja Dios ejeꞌeꞌ nebe na chipan ja utzlaj cꞌaslemal ja mta qꞌuisic trij. Queriꞌ xbij ja Jesús chique ja rdiscípulo.

San Mateo 3:17

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, neꞌe ja kulaj xin Dios.

San Mateo 6:19

Maxta xa jaꞌ tibe ecꞌuꞌx ruqꞌuin ja qꞌuiyirsan mebaꞌil waweꞌ chwachꞌulew como ja mebaꞌil xin rwachꞌulew xa ma cꞌayew ta nti̱j cumal chicop owi nkꞌuxari in ma cꞌayew ta chakajaꞌ ja ralakꞌomaꞌ nquejokꞌ chiꞌjay in nquilakꞌajel.

San Mateo 8:20

In bix tre rmal ja Jesús: —Ja rutiwaꞌ cꞌo quicꞌolibal ja bar newar wiꞌ in chakajaꞌ ja tak tzꞌiquin cꞌo quesoc pro ja chwe anin ja rin Alcꞌwalaxel ja xinoc alaxic cuqꞌuin ja winak mta wochoch ja ni ta wxin wiꞌ anin ninwar wiꞌ, neꞌxi.

Marcos 1:11

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Atat ja rat chakꞌlaj Walcꞌwal, congana ninquicot chawij, neꞌe ja Dios tre ja Jesús.

Marcos 9:7

Chaka jalal tok cꞌo juleꞌ sutzꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, teyaꞌaꞌ ewxquin tre nak ja nbij arjaꞌ chewe, neꞌe.

San Lucas 3:22

in kajto ja rEspíritu Santo ruqꞌuin. Ja cꞌa rEspíritu Santo caniꞌ jun ajsakaxicꞌ ja tok kajto ruqꞌuin. Cꞌacꞌariꞌ cꞌo jun kulaj penak chilaꞌ chicaj cꞌaxaxi, quewaꞌ xbij tre ja Jesús riꞌ: —Atat ja rat chakꞌlaj Walcꞌwal, congana ninquicot chawij, neꞌe ja kulaj xin Dios tre.

San Lucas 9:35

Cꞌo cꞌa jun kulaj tzijonto chipan ja sutzꞌ, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, teyaꞌaꞌ ewxquin tre nak ja nbij arjaꞌ chewe, neꞌe.

San Juan 10:28

Anin nyaꞌ chique ja utzlaj cꞌaslemal ja mta qꞌuisic trij, ni maquebe wiꞌ chipan ja nimlaj rpokonal in majun nak ta xquelasan ta pa nukꞌaꞌ.

San Juan 11:42

Pro anin bien wotak chi ni nacꞌwaxaj wiꞌ ja ncꞌutuj chawe xarwariꞌ quewaꞌ nbij chawe camic utzcꞌa ja winak ja quimolon quiꞌ riꞌ ejeꞌeꞌ nquicꞌaxaj ja nintajini nbij chawe in nquinimaj chi atat attakyonpi wxin, neꞌ tre ja Tatixel.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 15:24

Ja wixta maquita xinban ja nimak tak milagro chiquewach, pro juleꞌ milagro ja ni majun nak chi ta banyon, jariꞌ mta nechapbexi pro jariꞌ quetzꞌat in camic xa itzel ninquetzꞌat in xa itzel nquetzꞌat ja Nataꞌ chakajaꞌ.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 3:15

Queriꞌ nba̱n na tre utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj jun utzlaj cꞌaslemal chique pro jun cꞌaslemal ja ni mta wiꞌ qꞌuisic trij.

San Juan 3:33

Ja cꞌa nenimani ja nbij quewaꞌ nquibij riꞌ: —Ja Dios ni katzij wiꞌ nojelal ja nbij, necheꞌe.

San Juan 6:40

Ja Tatixel ja takyonpi wxin quewaꞌ rvoluntad riꞌ, chi canojel ja winak ja ncotakij rwach ja Ralcꞌwalaxel in nyukeꞌ quecꞌuꞌx ruqꞌuin ejeꞌeꞌ nyataj chique ja utzlaj cꞌaslemal ja mta qꞌuisic trij. Ja cꞌa tok xterilaꞌ ja qꞌuisbal tiempo anin ninyico quixin chipan ja camíc. Queriꞌ xbij ja Jesús chique.

San Juan 6:47

Ni katzij wiꞌ ja xtinbij chic chewe riꞌ, ja winak ja cꞌo yukulbal quecꞌuꞌx wqꞌuin ejeꞌeꞌ cucꞌan chic ja utzlaj cꞌaslemal ja mta qꞌuisic trij.

San Juan 6:51

Ja way ja nyowi cꞌacꞌa cꞌaslemal, ja way ja kajnakto chilaꞌ chicaj, anin cꞌariꞌ. Jawaꞌ way ja cꞌa xinbij kaj chewe riꞌ, xa nak ta xtitijo rxin jariꞌ ncꞌaseꞌe pro ni chijutij. Cꞌoli way ja xtinyaꞌ chique ja winak waweꞌ chwachꞌulew utzcꞌa chi cꞌo jun cꞌacꞌa cꞌaslemal nyataj chique. Ja way xtinyaꞌ jariꞌ ncuerpo anin. Queriꞌ xbij ja Jesús chique.

San Juan 6:53

Ja cꞌa Jesús xbij chic chique: —Ni katzij wiꞌ ja xtinbij chic chewe riꞌ, ja wi matetij ja cuerpo rxin ja Ralcꞌwalaxel ja xoc alaxic cuqꞌuin ja winak in wi matetij ja rquiqꞌuel chakajaꞌ jariꞌ ma ewcꞌan ta ja utzlaj cꞌaslemal ja mta qꞌuisic trij.

San Juan 6:54

Pro xa nak ta netijowi ja ncuerpo rachbil ja nquiqꞌuel jariꞌ cucꞌan chic ja utzlaj cꞌaslemal ja mta qꞌuisic trij in tok xterilaꞌ ja qꞌuisbal tiempo anin ninyico quixin chipan ja camíc.

San Juan 6:58

Ja way ja nmajon rbixic chewe camic riꞌ jariꞌ ja kajnakto chilaꞌ chicaj, ma junan ta ruqꞌuin ja maná ja tij cumal ewatiꞌt emamaꞌ ojer pro ma xerutoꞌ ta chipan ja camíc. Jawaꞌ way ja nmajon rbixic chewe riꞌ xa nak ta netijowi necꞌaseꞌ na pro ni chijutij. Queriꞌ xbij ja Jesús chique.

San Juan 6:62

Pro ja Ralcꞌwalaxel ja xoc alaxic cuqꞌuin ja winak wi nerilaꞌ na jun kꞌij tok xtetzꞌat chi arjaꞌ njoteꞌ chilaꞌ chicaj ja bar cꞌo wiꞌ nabey ¿nak cꞌa nechꞌob chic ariꞌ trij?

San Juan 6:68

Ja cꞌa Simón Pedro quewaꞌ xbij tre riꞌ: —Wajaw ¿bar cꞌa nokbe chi wiꞌ? como xa ayon atat natyowi ja tijonem ja rcꞌamonto ja utzlaj cꞌaslemal ja mta qꞌuisic trij

San Juan 8:18

Queriꞌ cꞌa chwe anin chakajaꞌ, anin jun in testigo chwij nak ja rinocnak wiꞌ in ja Tatixel ja takyonpi wxin arjaꞌ jun chakajaꞌ. Queriꞌ xbij chique.

Hechos 10:38

Bien ewotak nak xuban ja Jesús ja raj Nazaret chi Dios chaꞌo rxin, xutakto ja rEspíritu Santo ruqꞌuin in congana poder xuyaꞌ tre. Bien ewotak chi be nat nakaj ja Jesús cuqꞌuin ja winak, solo utzil nuban chique in nertzursaj ja quitijon pokon pa rukꞌaꞌ ja diablo. Queriꞌ xuban como ja Dios cꞌo ruqꞌuin.

Hechos 2:22

In xbij chic chique: —Achiꞌiꞌ ja rix wach tak aj Israel, tecꞌwaxaj ja xtinbij chic chewe riꞌ. Ja Dios arjaꞌ xuyaꞌ tre ja Jesús ja raj Nazaret chi xuban jun nimlaj samaj checojol in bien ewotak ja juleꞌ milagro ja xuban chewach. Triꞌ cꞌa nkatzꞌat wiꞌ chi ja Jesús arjaꞌ jun achi utz tzꞌat rmal ja Dios.

Romanos 4:11

Cꞌa después na ja tok ban circuncidar. Ja circuncisión jariꞌ jun retal cꞌa xoc na tre, jun retal ja ncꞌutuwi chi ja rAbraham utz tzꞌat rmal ja Dios rumac ja yukulbal rucꞌuꞌx ruqꞌuin. Pro utz tzꞌat rmal ja Dios nabey in cꞌa después na ja tok ban circuncidar. Queriꞌ cꞌa rbanic ja xchomarsaj ja Dios utzcꞌa chi xtibinaꞌax tre ja rAbraham chi arjaꞌ tatixel quixin canojel ja xtiyukeꞌ na quecꞌuꞌx ruqꞌuin ja Dios ja ma ebanon ta circuncidar utzcꞌa chi ejeꞌeꞌ utz xquetzꞌa̱t rmal ja Dios chakajaꞌ in ja Dios nuban chique caniꞌ mta quil quemac quibanon pro rumac ja yukulbal quecꞌuꞌx ruqꞌuin.

Romanos 6:23

Queriꞌ nbij chewe como ja tok naban ja il mac jariꞌ camíc nattojbexi pro ja tok nacꞌam ja totajem ja nsipaj ja Dios chake jariꞌ nyataj chawe ja utzlaj cꞌaslemal ja ni mta wiꞌ qꞌuisic trij. Jariꞌ nyataj chawe ja tok xa jun naban ruqꞌuin ja kajaw Jesucristo.

1 Corintios 6:13

Ja tre kaway ni ja wiꞌ rsamaj chi nnojsaj kapan in tre kapan chakajaꞌ ni ja wiꞌ rsamaj chi nsamajij ja way ja nkatij pro jariꞌ nerilaꞌ na jun kꞌij tok mchita way mchita kapan como ja Dios nuqꞌuis na chi caꞌiꞌ. Pro ja tre kacuerpo ma ja ta rsamaj ja xkoꞌoc ta cuqꞌuin ixokiꞌ ja wi ma kixjayilal ta, jariꞌ ma rubey ta. Pro ja rsamaj ja kacuerpo jariꞌ chi noqui jun samajbal rxin ja kajaw Jesucristo in chakajaꞌ ja kajaw Jesucristo arjaꞌ nuban cuenta ja kacuerpo.

1 Corintios 9:2

Masqui ecꞌoli ja nebini chi ma in apóstol ta pro ja chewe ixix bien ewotak chi in apóstol. Ewotak como ixix mismo ixocnak retal chi in apóstol, ix retal como xenimaj ja kajaw Jesucristo ja tok xinyaꞌ rbixic chewe.

2 Corintios 4:18

Queriꞌ cꞌa xtikaban ja wi ma ruqꞌuin ta ja xin rwachꞌulew tzꞌel wiꞌ kawach ja xa cꞌo tzꞌattajic trij, queriꞌ cꞌa xtikaban ja wi kas tzꞌel kawach trij ja mta tzꞌattajic trij. Queriꞌ rbanic como ja ntzꞌattaji ruqꞌuin kawach jariꞌ xa nocꞌowi pro ja matitzꞌattaji ruqꞌuin kawach jariꞌ ni mta wiꞌ qꞌuisic trij.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Filipenses 2:13

Queriꞌ nbij chewe como ja katataꞌ Dios arjaꞌ nsamaji pa tak ewanma chi rbanic ja rvoluntad, arjaꞌ nyoꞌ chewe chi npit egana ruqꞌuin ja rutzil ja najoꞌx chewe rmal chi neban in nuyaꞌ ja rewachokꞌakꞌ chakajaꞌ chi nixcowini neban cumplir ja rvoluntad.

Colosenses 1:29

Rmalcꞌariꞌ tok nmajon jun nimlaj lucha, congana ntij nukꞌij pro ja nyoꞌ wachokꞌakꞌ jariꞌ Jesucristo como arjaꞌ congana nsamaji pa ncꞌaslemal chi rbanic jawaꞌ samaj ja nmajon rbanic riꞌ.

Colosenses 2:22

Pro ma queꞌenimaj ta como jawaꞌ nakun riꞌ xa nqꞌuisi ja tok natij, mta nuban chawe. Jawaꞌ winak riꞌ xa quinaꞌoj ejeꞌeꞌ ja nquecoj, xa tijonem quixin winak ja nqueyaꞌ.

Colosenses 3:2

Ruqꞌuin ta ja xin chilaꞌ chicaj nqꞌuejeꞌ wiꞌ ja repensar in maquita ruqꞌuin ja xin rwachꞌulew.

1 Tesalonicenses 1:3

Ja tok nkaban orar ruqꞌuin ja katataꞌ Dios ni nurkaj wiꞌ chake nojel ja samaj ja rebanon rmal ja yukulbal ecꞌuꞌx ruqꞌuin ja Jesucristo. Bien nurkaj chake nojel ja rutzil ja rebanon rmal ja rajoben riꞌil xin Dios ja cꞌo pa tak ewanma in bien nurkaj chake chakajaꞌ nojel ja recochꞌon rmal ja congana nixquicoti chi raybexic ja kajaw Jesucristo.

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

Hebreos 12:16

Maxta cꞌo jun chewe toc ruqꞌuin jun chic ja wi ma rxjayil ta owi ma rchajil ta. Ja ntzujuj ja Dios chake maxta cꞌo jun chewe tuban tre ni ma vale ta chwach. Caniꞌ tre ja rEsaú ojer, ja nabey rwinakil xuban tre ni ma vale ta chwach, xa xcꞌayij pon, xa jutzꞌit ti rway xcꞌutuj pa rqꞌuexwach.

Hebreos 4:11

Katijaꞌ cꞌa kakꞌij, xkoꞌoc ta jutzꞌit chipan ariꞌ ja xulaꞌnbal lugar. Maxta cꞌo jun chake tibano queriꞌ ja caniꞌ queban ja juleꞌ chic winak, ejeꞌeꞌ ma xquinimaj ta ja Dios in rmalariꞌ tok ma xeꞌoc ta chipan ja xulaꞌnbal lugar ja chomin rmal.

Santiago 1:11

Ja tok congana rwakꞌij nchakiji ja kꞌayis in ntiltoꞌi ja rusiꞌj, queriꞌ nuban, ba la noc wiꞌ ja rcoloril. Queriꞌ cꞌa quibanic ja biyomaꞌ chakajaꞌ, ejeꞌeꞌ quimajon rbanic ja quinegocio tok chaka jalal necami.

1 Pedro 1:24

Caniꞌ tzꞌibtal can quewariꞌ: —Ja quicꞌaslemal ja winak xa caniꞌ kꞌayis nchakiji, ja nyabex jeꞌe quekꞌij xa caniꞌ rusiꞌj kꞌayis tok nocꞌo rukꞌij ntiltoꞌi.

2 Pedro 1:17

Ajoj katzꞌat ja Jesús ja tok kꞌalasax rmal ja Tatixel chi congana nim rukꞌij in tok rucꞌaj ja gloria xin Dios. Tokoriꞌ bantaji ja tok kacꞌaxaj rukul ja nimlaj Dios, quewaꞌ xbij tre ja Jesús riꞌ: —Jawaꞌ wariꞌ Walcꞌwal, congana nwajoꞌ in congana ninquicot trij, neꞌe.