San Juan 6:2 - Tz'utujil (Ja Cꞌacꞌa Chominem)

² Congana e qꞌuiy ja winak xetreꞌ trij rmal ja nimak tak milagro xuban chiquewach como ecꞌoli ja yawaꞌiꞌ xertzursaj.

Tz'utujil NT

² Congan e q'uiy wnak xetre'a tzrij rmal nmak tak milagro jxuban chquewech com ec'ola je' yuw-i' xerchumsaj.

San Juan 6:2 Iomraidhean Croise

San Mateo 12:15

Ja cꞌa Jesús arjaꞌ rotak chi ncajoꞌ nquicamsaj, xelel chipan ja lugar in be. E qꞌuiy ja winak xetreꞌel trij. Arjaꞌ xertzursaj canojelal

San Mateo 13:2

Congana e qꞌuiy ja winak xequimoloꞌ quiꞌ ruqꞌuin rmalcꞌariꞌ tok arjaꞌ xoc chipan jun lancha in tzꞌabeꞌ chipan. Ja cꞌa winak xepeꞌe can chiyaꞌ canojelal.

San Mateo 14:14

Ja cꞌa Jesús tok xelto chipan ja lancha xerutzꞌat ja winak chi congana e qꞌuiy. Arjaꞌ xpokonaj quewach in xertzursaj ja yawaꞌiꞌ chique.

San Mateo 8:1

Ja cꞌa Jesús xuleꞌto chwach ja jayuꞌ, ja cꞌa tok kajto congana e qꞌuiy ja winak xetreꞌ trij.

Marcos 1:45

Pro ja rachi tok be ma xuban ta ja caniꞌ bix tre rmal ja Jesús, congana xlasaj rbixic chi Jesús ja tzursan rxin. Rmalcꞌariꞌ ja Jesús congana cꞌayew chic tre ja ni ta chiquewach winak noc chic chipan ja tinamit pro ja xuban, be in triꞌ qꞌuejeꞌ wiꞌ ja bar ma ecꞌo ta wiꞌ winak, in nij ecꞌo wiꞌ winak ja neꞌekaj ruqꞌuin, nojel tinamit epenak wiꞌ.

Marcos 6:33

Pro ja tok xebe e qꞌuiy ja winak xetzꞌatoꞌel quixin, bien chꞌobtaj cumal chi Jesús ja be. Xeꞌelel ja winak pa tak quitinamit pro nojel tinamit, xebe chi cakan cꞌamcꞌol canim, ejeꞌeꞌ xeꞌekaji nabey ja bar xqueꞌekaj wiꞌ ja Jesús in triꞌ quemol wiꞌ quiꞌ chi rcꞌulic.

San Juan 11:47

Ja cꞌa jefe quixin sacerdote e cachbil ja fariseo ejeꞌeꞌ xequemol ja juleꞌ chic cach kꞌetol tak tzij in quewaꞌ quibij chique riꞌ: —¿Nak nkaban cꞌawaꞌ? Congana takaꞌan milagro nuban ja Jesús.

San Juan 12:18

Rmalcꞌariꞌ tok xepeti ja winak chi rcꞌulic ja Jesús como quicꞌaxaj ja milagro xuban tre ja Lázaro.

San Juan 12:37

Ja Jesús masqui congana qꞌuiy ja milagro rbanon chic ja rcꞌutben chiquewach nak ja rocnak wiꞌ pro ejeꞌeꞌ ni ma xyukeꞌ ta wiꞌ quecꞌuꞌx ruqꞌuin.

San Juan 2:11

Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

San Juan 2:23

Ja cꞌa tok majtaji ja waꞌim rxin ja nmakꞌij pascua chipan ja tinamit Jerusalén triꞌ qꞌuejeꞌ wiꞌ ja Jesús in e qꞌuiy chique ja winak yukeꞌ quecꞌuꞌx ruqꞌuin rmal ja milagro ja xuban jeꞌe chiquewach.

San Juan 20:30

Ja Jesús cꞌo chi na juleꞌ milagro ja xuban ja xkꞌalasbej riꞌ chiquewach ja rdiscípulo pro jariꞌ ma xintzꞌibaj ta chipan awaꞌ jun libro riꞌ.

San Juan 3:2

Xuban cꞌa jutij xekaji ja Nicodemo ruqꞌuin ja Jesús chakꞌaꞌ in xumaj tzij ruqꞌuin, quewaꞌ xbij tre riꞌ: —Rabí, ajoj kotak chi atat at jun tijonel attakonto rmal ja Dios como anin wotak chi majun winak xticowin ta xtuban ta ja nimak tak milagro ja ramajon rbanic atat ja wi mta ja Dios ruqꞌuin, neꞌ tre.

San Juan 6:14

Ja winak tok quetzꞌat ja milagro ja xuban ja Jesús chiquewach quewaꞌ quibij riꞌ: —Jalaꞌ jun achi leꞌ ni katzij wiꞌ chi arjaꞌ ja profeta xin Dios ja tzꞌibtal can chi npi na, xecheꞌe.

San Juan 6:22

Ja cꞌa chi rcab kꞌij ecꞌo can ja winak chiꞌ mar. Quetzꞌat chi ma xoquel ta ja Jesús pa lancha cuqꞌuin ja rdiscípulo tok xebe pa Capernaum, xa queyon xebe in mchita jun ja lancha, xa ni xarwariꞌ jun.

San Juan 6:26

Ja cꞌa Jesús xbij chique: —Ixix ninecanoj pro ma rmal ta chi chꞌobtaj emwal nak ja kas mero rcꞌamonto ja juleꞌ milagro ja xinban chewach. Ninecanoj pro xa rmal chi xixnutzuk tre ja caxlanway in xixnoji chi utz.

San Juan 6:30

In quibij chic tre: —¿Nak cꞌa chi milagroꞌil naban ja nacꞌutbej chikawach chi ni katzij wiꞌ chi Dios attakyonto? ¿Nak cꞌa nacꞌut chikawach utzcꞌa chi nkatzꞌat in rmalariꞌ xcatkanimaj? ¿Nak cꞌa chi samajil naban atat chewiꞌ?