San Juan 6:14 - Tz'utujil (Ja Cꞌacꞌa Chominem)

¹⁴ Ja winak tok quetzꞌat ja milagro ja xuban ja Jesús chiquewach quewaꞌ quibij riꞌ: —Jalaꞌ jun achi leꞌ ni katzij wiꞌ chi arjaꞌ ja profeta xin Dios ja tzꞌibtal can chi npi na, xecheꞌe.

Tz'utujil NT

¹⁴ J-e' wnak tak xquetz'et milagro jxuban Jesús chquewech cawrara xecbij: —Jala acha ne ktzij wa' jun profeta rxin Dios jtz'iban cana chpam rtzojbal Dios che npe na.

San Juan 6:14 Iomraidhean Croise

San Mateo 11:3

in quewaꞌ xbijel chique riꞌ chi nequicꞌaxaj tre: —¿La atat ja rat Cristo ja bitajnak can chi natpi na owi nkaybej chi na jun? neꞌel chique.

San Mateo 21:11

—Jalaꞌ Jesús ja profeta ja raj Nazaret ja cꞌo pa rcuenta Galilea, xecheꞌxi cumal ja winak.

San Lucas 24:19

—¿Nak cꞌa ja bantaji? neꞌe ja Jesús chique. Ja cꞌa rejeꞌeꞌ quewaꞌ quibij tre riꞌ: —Noktzijon tre ja Jesús ja raj Nazaret. Ja Jesús arjaꞌ jun profeta xin Dios, congana nimak tak milagro xuban in congana poder rcꞌan ja rtzobal, jariꞌ bien kꞌalaj chwach ja Dios in bien kꞌalaj chiquewach canojel ja winak chakajaꞌ.

San Lucas 7:16

Ja cꞌa winak congana quixbej quiꞌ rmal ja bantaji pro canojelal in quemaj ryaꞌic rukꞌij ja Dios: —Jalaꞌ jun nimlaj profeta xin Dios ja winakarnak chikacojol camic. Ja Dios camic rtakonto jun Toꞌonel chikacojol ja rok tinamit rxin, xecheꞌe.

San Juan 1:21

In quibij chic tre: —¿Nak cꞌa atocnak wiꞌ, la maxta cꞌa atat ja rat Elías? xecheꞌ chic tre. —Mni, neꞌe ja Juan chique. In quibij chic tre: —¿La maxta cꞌa atat ja rat profeta ja bitajnak can chake chi natpi na? xecheꞌ chic tre. —Mni, ma anin ta chakajaꞌ, neꞌ chic chique.

San Juan 11:27

—Can nnimaj Wajaw, anin nnimaj chi atat ja rat Cristo, atat ja rat Ralcꞌwal Dios ja bitajnak can ojer chi natpi na waweꞌ chwachꞌulew, neꞌe ja Marta tre.

San Juan 2:11

Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

San Juan 4:19

—Ja nchꞌob anin maxla at jun profeta xin Dios.

San Juan 4:25

—Anin wotak chi npi na ja Mesías chi nurchꞌoboꞌ chikawach nojelal nak rbanic, neꞌe ja rixok. (Mesías tibij tzij Cristo.)

San Juan 4:42

In quibij tre ja rixok: —Ja nabey yukeꞌ kacꞌuꞌx ruqꞌuin ja Jesús rmal ja xabij chake pro ja camic más chi na yukul kacꞌuꞌx ruqꞌuin como kacꞌaxaj ja xbij chake in bien kotak chi arjaꞌ ja Cristo ja Toꞌonel kaxin kanojelal ja rok winak, xecheꞌ tre.

San Juan 6:2

Congana e qꞌuiy ja winak xetreꞌ trij rmal ja nimak tak milagro xuban chiquewach como ecꞌoli ja yawaꞌiꞌ xertzursaj.

San Juan 6:26

Ja cꞌa Jesús xbij chique: —Ixix ninecanoj pro ma rmal ta chi chꞌobtaj emwal nak ja kas mero rcꞌamonto ja juleꞌ milagro ja xinban chewach. Ninecanoj pro xa rmal chi xixnutzuk tre ja caxlanway in xixnoji chi utz.

San Juan 6:30

In quibij chic tre: —¿Nak cꞌa chi milagroꞌil naban ja nacꞌutbej chikawach chi ni katzij wiꞌ chi Dios attakyonto? ¿Nak cꞌa nacꞌut chikawach utzcꞌa chi nkatzꞌat in rmalariꞌ xcatkanimaj? ¿Nak cꞌa chi samajil naban atat chewiꞌ?

San Juan 7:40

Ja winak tok quicꞌaxaj ja xbij ja Jesús ecꞌoli chique quibij: —Jalaꞌ jun achi leꞌ ni katzij wiꞌ chi jalaꞌ ja profeta xin Dios ja bitajnak can chi npi na, xecheꞌe.

Hechos 7:37

Ja mismo Moisés quewaꞌ xbij chique ja tinamit xin Dios riꞌ: —Ja kajaw Dios arjaꞌ cꞌo jun profeta ja xtutakto na chi etoꞌic ja caniꞌ xuban anin chwe tok xinrutak ewqꞌuin. Jariꞌ profeta arjaꞌ kach aj Israel in bien teyaꞌaꞌ ewxquin tre xa nak ta ja xtibij chewe. Queriꞌ xbij ja Moisés chique.