San Juan 5:41 - Tz'utujil (Ja Cꞌacꞌa Chominem)

⁴¹ Ma ja ta nwajoꞌ ja xtiyaꞌ ta nukꞌij cumal winak

Tz'utujil NT

⁴¹ Mjara' ta quenwajo' anen xtya' ta nuk'ij cmal wnak.

San Juan 5:41 Iomraidhean Croise

San Juan 12:43

Queriꞌ queban como más na nqueyaꞌ caso tre ja nbix chique cumal ja winak chwach ja nbix chique rmal ja Dios.

San Juan 5:34

Pro anin ma rjawaxic ta chwe chi cꞌo ta jun winak xtoc ta testigo chwij xarwariꞌ nnataj chewe ja testigoꞌil xuyaꞌ ja Juan chwij utzcꞌa chi ixix newil ja totajem xin Dios rmal.

San Juan 5:40

Pro ja rixix ni majun egana xtiyukeꞌ ta ecꞌuꞌx wqꞌuin, xa nechꞌaꞌ ja utzlaj cꞌaslemal ja ntzujuj chewe ja ni mta wiꞌ qꞌuisic trij.

San Juan 5:42

pro xarwariꞌ bien wotak chi mta ja rajoben riꞌil xin Dios pa tak ewanma.

San Juan 5:44

Ja newajoꞌ ixix xa neyaꞌ ekꞌij chibil tak ewiꞌ pro ni majun nbij ecꞌuꞌx tre ja xteban ta ja rutzil xin Dios ja ni xarwariꞌ jun chi Dios. Ja tok xa queriꞌ neban jariꞌ congana cꞌayew ja xtiyukeꞌ ta ecꞌuꞌx wqꞌuin.

San Juan 6:15

Ja cꞌa Jesús bien chꞌobtaj rmal chi ncajoꞌ nqueban puersa tre chi arjaꞌ noc rey pa quewiꞌ rmalcꞌariꞌ xelel chipan ja lugar, joteꞌ chic jutij chwach jun jayuꞌ ruyon in xuwil jun lugar ja bar qꞌuejeꞌ wiꞌ.

San Juan 7:18

Ja wi cꞌo jun achi nuyaꞌ jun tijonem in wi xa arjaꞌ winakarsyon nojoj ruyon jariꞌ bien kꞌalaj chi nrajoꞌ nya̱ꞌ rukꞌij cumal ja winak pro wi cꞌo jun nrajoꞌ chi nya̱ꞌ rukꞌij ja takyonpi rxin jariꞌ kꞌalaj chi ni katzij wiꞌ ja nbij in ni majun engaño nuban.

San Juan 8:50

Pro anin ma ja ta ncanoj chi nya̱ꞌ nukꞌij cumal winak pro ja Nataꞌ arjaꞌ ntajini nchomarsaj nak nuban chi nya̱ꞌ nukꞌij cumal ja winak, arjaꞌ cꞌa xtibini bar cꞌo wiꞌ ja kas katzij, wi wqꞌuin anin owi ewqꞌuin ixix.

San Juan 8:54

Ja cꞌa Jesús xbij chique: —Ja ranin wixta xa nyaꞌ nojoj nukꞌij nuyon jariꞌ mta noc wiꞌ pro ja Nataꞌ arjaꞌ nyoꞌ nukꞌij in ixix nebij tre ja Nataꞌ chi arjaꞌ Dios ewxin.

1 Tesalonicenses 2:6

Ajoj tok xokqꞌuejeꞌ checojol ma xkacanoj ta chi neyaꞌ kakꞌij nixtacꞌa cumal chi ta juleꞌ winak. Ma ja tariꞌ kajoꞌ ta chewe masqui yatal chake chi neyaꞌ kakꞌij como ajoj okocnak apóstol rxin ja Cristo, arjaꞌ takyon kaxin.

1 Pedro 2:21

Xcꞌa rmalariꞌ tok xixsiqꞌuix rmal ja Dios chi neban ja rutzil in necochꞌ ja rpokonal como queriꞌ xuban ja Cristo chakajaꞌ, arjaꞌ xutij ja rpokonal pan ecuenta. Queriꞌ xuban, xuyaꞌ can jun ejemplo chi queriꞌ neban ixix ja caniꞌ xuban arjaꞌ.

2 Pedro 1:17

Ajoj katzꞌat ja Jesús ja tok kꞌalasax rmal ja Tatixel chi congana nim rukꞌij in tok rucꞌaj ja gloria xin Dios. Tokoriꞌ bantaji ja tok kacꞌaxaj rukul ja nimlaj Dios, quewaꞌ xbij tre ja Jesús riꞌ: —Jawaꞌ wariꞌ Walcꞌwal, congana nwajoꞌ in congana ninquicot trij, neꞌe.