San Juan 5:39 - Tz'utujil (Ja Cꞌacꞌa Chominem)

³⁹ Ja rixix congana nesiqꞌuij ja rtzobal Dios: —Chipan ja rtzobal Dios nkawil wiꞌ ja utzlaj cꞌaslemal ja ni mta wiꞌ qꞌuisic trij, nixcheꞌ kaj. Pro ja rtzobal Dios, anin ja ninrtzijoj, ja rtzobal Dios jariꞌ nkꞌalasani nak inocnak wiꞌ.

Tz'utujil NT

³⁹ Bien tetz'ta' chpam rtzojbal Dios. Com ixix nech'ob che chpam rtzojbal Dios newil wa' utzlaj c'aslemal rxin Dios je rxin junlic. Per rtzojbal Dios anen quenrbij, ja' rtzojbal Dios nk'alsana nak nbanic anen.

San Juan 5:39 Iomraidhean Croise

San Mateo 22:29

—Jalaꞌ ja nebij leꞌ ma rubey ta como ixix xa ma chꞌobtajnak ta emwal nak ja kas mero nucꞌut ja rtzobal Dios in nixtacꞌa chꞌobtajnak ta emwal chakajaꞌ nak rbanic ja poder rxin Dios.

Marcos 10:3

—¿Nak nbij ja mandamiento ja yaꞌon can chewe rmal ja Moisés? xecheꞌxi rmal ja Jesús.

Marcos 12:10

¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil.

San Lucas 16:29

In bix chic tre rmal ja rAbraham: —Pro cꞌo waꞌan cuqꞌuin ja rtzobal Dios ja tzꞌibtal can rmal ja Moisés in cumal ja juleꞌ chic profeta, tiquiyaꞌaꞌ cꞌa quixquin tre ja quitzꞌiban can ejeꞌeꞌ, neꞌxi.

San Lucas 16:31

Ja cꞌa rAbraham quewaꞌ xbij chic tre riꞌ: —Ja wi matiqueyaꞌ quixquin tre ja rtzobal Dios ja tzꞌibtal can rmal ja Moisés in cumal ja juleꞌ chic profeta jariꞌ ni maqueniman wiꞌ chakajaꞌ masqui cꞌo jun camnak xticꞌastaj chiquicojol ja camnakiꞌ, neꞌ tre. Queriꞌ ja cꞌambal tzij ja xbij ja Jesús chique.

San Lucas 24:25

Ja cꞌa Jesús quewaꞌ xbij chique riꞌ: —Ixix xa matichꞌobtaj emwal nojel ja quibin can ja rojer tak profeta xin Dios, ma nojel ta ecꞌuꞌx ma nojel ta ewanma eniman nojel ja tzꞌibtal can cumal chipan ja rtzobal Dios.

San Lucas 24:27

Cꞌacꞌariꞌ xumaj rchꞌobic chiquewach nojel ja tzꞌibtal can tre chipan ja rtzobal Dios, xumajto rchꞌobic chiquewach ja tzꞌibtal can rmal ja Moisés cꞌacꞌariꞌ xuchꞌob chic chiquewach ja tzꞌibtal can cumal ja juleꞌ chic profeta.

San Lucas 24:44

Cꞌacꞌariꞌ xbij chique: —Camic bantaj cumplir ja tzij ja xinbij chewe tokoriꞌ tok majaꞌn quincami como ja xinbij chewe chi puersa nbantaj na cumplir nojel ja tzꞌibtal can chwe chipan ja rtzobal Dios caniꞌ tre ja tzꞌibtal can rmal ja Moisés in cumal ja juleꞌ chic profeta xin Dios in chakajaꞌ ja tzꞌibtal can chwe chipan ja libro xin salmo, neꞌ chique.

San Juan 1:45

Be ja Felipe ruqꞌuin ja Natanael in quewaꞌ xbij tre riꞌ: —Camic kawilon chic ja Toꞌonel ja tzꞌibtal can chi npi na, ja tzꞌibtal can chipan ja ley xin Dios rmal ja Moisés in tzꞌibtal can chakajaꞌ cumal ja juleꞌ chic profeta. Ja waꞌan ariꞌ ja Jesús ja raj Nazaret ja rcꞌajol ja José, neꞌ tre.

San Juan 5:32

Pro cꞌo chi na jun ja rocnak testigo chwij in bien wotak chi ni katzij wiꞌ ja testigoꞌil nuyaꞌ.

San Juan 5:36

Pro cꞌo chi na jun nyoꞌ testigoꞌil chwij in ja testigoꞌil nuyaꞌ arjaꞌ más chi na nim rukꞌij chwach ja xuyaꞌ ja Juan. Ja samaj ja nmajon rbanic jariꞌ ocnak testigoꞌil chwij, jariꞌ samaj yatajnak chwe rmal ja Tatixel chi nban in jariꞌ samaj ncꞌutuwi chi ja Tatixel intakyonto.

San Juan 5:40

Pro ja rixix ni majun egana xtiyukeꞌ ta ecꞌuꞌx wqꞌuin, xa nechꞌaꞌ ja utzlaj cꞌaslemal ja ntzujuj chewe ja ni mta wiꞌ qꞌuisic trij.

San Juan 5:46

Ja wixta katzij chi xenimaj ja Moisés xinenimaj ta cꞌa anin ariꞌ chakajaꞌ como ja rtzꞌiban can ja Moisés, chwe anin rtzꞌiban can wiꞌ chi bien nkꞌalajini nak inocnak wiꞌ.

San Juan 7:52

Ja cꞌa rejeꞌeꞌ quemaj ryokꞌic ja Nicodemo in quewaꞌ quibij tre riꞌ: —¿La maxta cꞌa at aj Galilea atat chakajaꞌ? Bien tatzꞌataꞌ chipan ja rtzobal Dios chi ni mta wiꞌ jun profeta xtiwinakar ta pa Galilea, xecheꞌ tre.

Hechos 13:27

Como ja winak ja recꞌo pa Jerusalén e cachbil ja kꞌetol tak tzij ja nebano mandar quixin, ejeꞌeꞌ ma xchꞌobtaj ta cumal chi ja Jesús arjaꞌ ja Toꞌonel ja takonto rmal ja Dios nixtacꞌa chꞌobtaj ta cumal chakajaꞌ nak rbanic ja rtzobal Dios ja tzꞌibtal can ojer cumal ja profeta ja nsiqꞌuix pa tak quixquin pa tak xulaꞌnbal kꞌij. Quicꞌutuj rcamic ja Jesús in triꞌ bantaj wiꞌ cumplir ja tzꞌibtal can ojer cumal ja profeta.

Hechos 17:11

Ja raj Israel ja recꞌo triꞌ pa Berea más na e utzlaj tak winak chiquewach ja recꞌo pa Tesalónica como ejeꞌeꞌ congana queyaꞌ quixquin tre ja rtzobal Dios. Kꞌij kꞌij ni nquisiqꞌuij wiꞌ ja rtzobal Dios utzcꞌa chi nquetzꞌat wi nucꞌam riꞌ ruqꞌuin ja nbix chique cumal ja Pablo.

Hechos 26:27

Cꞌacꞌariꞌ xbij tre ja rey: —Rey Agripa ¿la nanimaj ja quibin can ja profeta ojer? Anin wotak chi nanimaj, neꞌ tre.

Romanos 1:2

Jawaꞌ utzlaj tzij ja rtakonto camic ojer tzujun can. Tzujux can rmal ja Dios in tzꞌibax can chipan ja santilaj tzobal rxin cumal ja rojer tak profeta ja xesamaj pa rcuenta.

Romanos 3:2

Jariꞌ cꞌoli, congana qꞌuiy rcꞌamonto chake. Nabey, pa kakꞌaꞌ ajoj ja rok aj Israel ban wiꞌ recomendar ja rtzobal Dios chi nkaban cuenta.

Colosenses 3:16

Kas ta xtinoji chi utz ja utzlaj tzij xin Cristo pa tak ewiꞌ pa tak ewanma. Tetijoj ewiꞌ in tepaxbaj ewiꞌ pro ruqꞌuin ta ja naꞌoj xin Dios. Tebanaꞌ salmo, tebanaꞌ himno, tebixaj ja bix ja nwinakarsax pa tak ewanma rmal ja rEspíritu Santo pro ruqꞌuin ta ewanma nebixaj rubiꞌ ja kajaw Jesucristo in nemaltioxij tre ja Dios.

Hebreos 11:16

Pro ja mero quitinamit ja kas nel quecꞌuꞌx trij jariꞌ más utz chi na, jariꞌ ja tinamit ja xin chilaꞌ chicaj. Ja cꞌa Dios ma junwiꞌ ta nunaꞌ nbij chi arjaꞌ Dios quixin como cꞌo jun quitinamit ja rchomarsan ja mero tinamit quixin.

Hebreos 11:35

Ecꞌo jeꞌe ixokiꞌ chakajaꞌ, rmal ja yukulbal quecꞌuꞌx ruqꞌuin ja Dios tok yataj jeꞌe chique chi xecꞌastaji camnakiꞌ cuqꞌuin. Ecꞌo juleꞌ chic ja winak, rmal ja yukulbal quecꞌuꞌx tok xechapi, más kꞌaxnak chi na ja rpokonal ban chique in bix chique chi nesokpixel pro wi nqueyaꞌ can ja Dios. Pro ejeꞌeꞌ ma xeniman ta: —Mejor nokcamsaxi, xecheꞌe. Queriꞌ queban utzcꞌa chi nquewil ja cꞌaslemal ja más utz chi na.

Apocalipsis 19:10

Ja cꞌa ranin xinxuqueꞌ chwach ja ángel, laj xinyaꞌ rukꞌij pro arjaꞌ quewaꞌ xbij chwe riꞌ: —Ma taban ta quelaꞌ como ja ranin xa ok junan awqꞌuin, xa ok ajsamajelaꞌ rxin ja Dios e kachbil ja rawachꞌalal ja nqueyaꞌ testigoꞌil trij ja Jesús. Ja más mejor naban, Dios ja tayaꞌaꞌ rukꞌij. Queriꞌ nbij chawe como ja tok nkayaꞌ testigoꞌil trij ja Jesús jariꞌ tibij tzij chi ja mismo Espíritu Santo cꞌayon kaxin chi rbixic ja kꞌalasan jeꞌe rmal ja Dios.