San Juan 5:37 - Tz'utujil (Ja Cꞌacꞌa Chominem)

³⁷ In jun chic, ja mismo Tatixel ja takyonto wxin arjaꞌ ni ryaꞌonto wiꞌ testigoꞌil chwij chakajaꞌ. Pro ixix ni majutij eyaꞌon ta ewxquin tre ja nbix chewe rmal ja Dios nixtacꞌa eyaꞌon ta caso tre ja tok arjaꞌ xkꞌalasaj jeꞌe riꞌ chewach.

Tz'utujil NT

³⁷ Y jun chic, ja' mism Ttixel jtakyon ta wxin rey-on ta testig-il chwij chka'. Per ixix next wjic ey-on ta ewexquin tzrij je nbixa chewa rmal Dios, majo'n ey-on ta cas tak arja' xk'alsaj ri' chewech.

San Juan 5:37 Iomraidhean Croise

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 3:17

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, neꞌe ja kulaj xin Dios.

Marcos 1:11

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Atat ja rat chakꞌlaj Walcꞌwal, congana ninquicot chawij, neꞌe ja Dios tre ja Jesús.

San Lucas 24:27

Cꞌacꞌariꞌ xumaj rchꞌobic chiquewach nojel ja tzꞌibtal can tre chipan ja rtzobal Dios, xumajto rchꞌobic chiquewach ja tzꞌibtal can rmal ja Moisés cꞌacꞌariꞌ xuchꞌob chic chiquewach ja tzꞌibtal can cumal ja juleꞌ chic profeta.

San Lucas 3:22

in kajto ja rEspíritu Santo ruqꞌuin. Ja cꞌa rEspíritu Santo caniꞌ jun ajsakaxicꞌ ja tok kajto ruqꞌuin. Cꞌacꞌariꞌ cꞌo jun kulaj penak chilaꞌ chicaj cꞌaxaxi, quewaꞌ xbij tre ja Jesús riꞌ: —Atat ja rat chakꞌlaj Walcꞌwal, congana ninquicot chawij, neꞌe ja kulaj xin Dios tre.

San Juan 1:18

Ni majutij cꞌo ta jun winak tzꞌatyon ta rwach ja Dios pro ja Ralcꞌwal Dios ja ni xarwariꞌ jun arjaꞌ cꞌo pa ranma ja Tatixel, xa jun quibanon ruqꞌuin in arjaꞌ rkꞌalasan chikawach janiꞌ rnaꞌoj ja Dios.

San Juan 14:9

Ja cꞌa Jesús xbij tre: —Felipe ¿nak tre tok nabij queriꞌ chwe chi anin ncꞌut chewach ja Tatixel pro tuban waꞌan qꞌuiylaj tiempo incꞌol ewqꞌuin, la majaꞌn cꞌa tichꞌobtaj amwal ariꞌ nak nbanic? pro ja reꞌotakyon nwach jariꞌ cotak cꞌa rwach ariꞌ ja Tatixel.

San Juan 15:24

Ja wixta maquita xinban ja nimak tak milagro chiquewach, pro juleꞌ milagro ja ni majun nak chi ta banyon, jariꞌ mta nechapbexi pro jariꞌ quetzꞌat in camic xa itzel ninquetzꞌat in xa itzel nquetzꞌat ja Nataꞌ chakajaꞌ.

San Juan 5:32

Pro cꞌo chi na jun ja rocnak testigo chwij in bien wotak chi ni katzij wiꞌ ja testigoꞌil nuyaꞌ.

San Juan 6:27

Ixix congana samaj neban chi rcanoxic ja reway pro juleꞌ way ja xa nocꞌowi pro ma xar tawaꞌ samaj teban. Pro ja neban, congana ta nixsamaji chi rcanoxic ja way ja ni mta wiꞌ ocꞌowem nuban, juleꞌ way ja rcꞌamonto ja utzlaj cꞌaslemal ja mta qꞌuisic trij. Ja Ralcꞌwalaxel ja xoc alaxic cuqꞌuin ja winak arjaꞌ nsipan chewe ja way ja cꞌa xinbij chewe riꞌ. Como Dios ja Tatixel arjaꞌ bien rkꞌalasan chic chi arjaꞌ takyonto rxin ja Ralcꞌwalaxel, xecheꞌxi ja winak rmal ja Jesús.

San Juan 8:18

Queriꞌ cꞌa chwe anin chakajaꞌ, anin jun in testigo chwij nak ja rinocnak wiꞌ in ja Tatixel ja takyonpi wxin arjaꞌ jun chakajaꞌ. Queriꞌ xbij chique.

1 Timoteo 1:17

Rmalariꞌ tok nbij chewe, ni ta nkaban wiꞌ respetar ja Dios in ni ta nkayaꞌ wiꞌ rukꞌij camic, chwak in chijutij. Ja Dios arjaꞌ nimlaj Rey chijutij, mta camíc trij, matitzꞌattaji, ruyon arjaꞌ Dios mchita jun queriꞌ ta, mchita jun nkꞌiꞌowi ja rnaꞌoj. Amén.

1 Timoteo 6:16

Ruyon arjaꞌ mta camíc trij, ni pa sakil wiꞌ cꞌo wiꞌ, majun nak ta ncowini ntiloc ruqꞌuin. Ni majun nak ta tzꞌatyon ta rxin in ni mta wiꞌ ntzꞌato rxin. Ni ta xtiyaꞌ wiꞌ rukꞌij in ni ta xtinatax wiꞌ ja nimlaj poder ja cꞌo pa rukꞌaꞌ. Ni ta quirwariꞌ xtiban tre camic, chwak in chijutij. Amén.

1 Juan 4:12

Ja Dios majun nak ta tzꞌatyon rxin pro wi nkajoꞌ kiꞌ jariꞌ nqꞌuejeꞌ pa tak kanma ja Dios in chakajaꞌ nqꞌuiyi nwachini pa tak kanma ja rajoben riꞌil rxin.

1 Juan 4:20

Ja wi cꞌo jun nbij: —Anin nwajoꞌ ja Dios, wi neꞌe, pro wi xa itzel nutzꞌat jun rchꞌalal jariꞌ xa tzꞌakol tzij. Ja rawachꞌalal cꞌoloc chawach, natzꞌat rwach pro wi matawajoꞌ ¿nak ta cꞌa moda ariꞌ natcowini nawajoꞌ ja Dios ja matitzꞌattaji?

1 Juan 5:9

Como nekanimaj winak tok nqueyaꞌ testigoꞌil rmalcꞌariꞌ tok más na rjawaxic chi nkanimaj ja testigo xin Dios. Ja Dios rcojon ja testigo chi rkꞌalasaxic chi ja Jesús arjaꞌ ja Ralcꞌwal. Ja testigoꞌil nuyaꞌ ja Dios más na nim rukꞌij chwach ja nqueyaꞌ winak.