San Juan 5:28 - Tz'utujil (Ja Cꞌacꞌa Chominem)

²⁸ Maxta junwiꞌ tecꞌwaxaj ja cꞌa xinbij kaj chewe riꞌ como nerilaꞌ na jun kꞌij chi canojelal ja remukun pa tak comsanto nquicꞌaxaj na rukul ja Ralcꞌwalaxel

Tz'utujil NT

²⁸ Mex junwa' xewc'axaj jxenbij chewa com nerla' na jun k'ij tak conjelal cnomki' jemkun necc'axaj na rukul Rlec'walxel.

San Juan 5:28 Iomraidhean Croise

San Juan 3:7

Maxta junwiꞌ tacꞌwaxaj ja xinbij chawe chi rjawaxic chi natalax chic jutij.

San Juan 4:21

—Tanimaj ja xtinbij chawe camic riꞌ, xa nnakajinto ja tiempo tok ma ruyon chi ta parwiꞌ ja jun jayuꞌ leꞌ neyaꞌ wiꞌ rukꞌij ja Tatixel in ma ruyon chi ta pa Jerusalén chakajaꞌ.

San Juan 4:23

Pro xa nnakajinto ja tiempo tok ja winak pa tak canma xtiwinakar wiꞌ ja nquiyabej rukꞌij ja Tatixel in ni katzij wiꞌ ja xtiqueban tre, ma chaka ta costumbre. Queriꞌ xtiqueban ja winak ja ni katzij wiꞌ chi nqueyaꞌ rukꞌij como queriꞌ nrajoꞌ ja Tatixel chi nba̱n tre in arjaꞌ rmajon quicanoxic ja nebano queriꞌ tre. In ja camic ecꞌo jujun ja queriꞌ chic nqueban tre.

San Juan 5:20

Ja Tatixel como arjaꞌ nrajoꞌ ja Ralcꞌwalaxel chewiꞌ tok nucꞌut chwach nojel rwach ja samaj ja nuban. In cꞌa cꞌo na juleꞌ chic ja samaj ja majaꞌn tucꞌut chwach ja más chi na nimak tak samaj chwach ja caniꞌ emajon rtzꞌatic camic riꞌ. Queriꞌ cꞌa xtuban utzcꞌa chi ixix kas xticꞌascꞌoꞌi xtetzꞌat.

San Juan 5:25

Bien tecꞌwaxaj ja xtinbij chewe riꞌ, cꞌo jun tiempo nnakajinto, jariꞌ tiempo ni chwach chic okcꞌo wiꞌ riꞌ in chipan ariꞌ tiempo ja winak ja recamnak chwach ja Dios ejeꞌeꞌ nquicꞌaxaj na rukul ja Ralcꞌwal Dios. Ja necꞌaxani ja rukul ejeꞌeꞌ nyataj chique ja utzlaj cꞌaslemal.

Hechos 24:15

Anin nnimaj chi nerilaꞌ na jun kꞌij ja tok Dios nuyaꞌ chique ja camnakiꞌ chi necꞌastaji chi e utz chi ma e utz ta in queriꞌ nquinimaj ja wach tak aj Israel leꞌ chakajaꞌ.

Hechos 3:12

Ja cꞌa Pedro tok xerutzꞌat quewaꞌ xbij chique riꞌ: —Achiꞌiꞌ ja rix kach tak aj Israel ¿nak tre ja tok matichꞌobtaj emwal ja bantaji riꞌ? ¿Nak tre ja tok kas emajon katzꞌelwachixic? ¿La ajoj xoktzursani ja rachi nechꞌob ixix? Ja rachi arjaꞌ ncowin chic nbini pro ma rmal ta jun poder kaxin ta ajoj xa chewiꞌ tok tzuri in ma rmal ta chakajaꞌ chi ajoj ok utzlaj tak winak.

1 Corintios 15:22

Queriꞌ nbij chewe como rumac ja rAdán tok nokcami kanojelal in queriꞌ cꞌa tre ja Cristo chakajaꞌ, rumac arjaꞌ tok ncꞌastaj na kawach kanojelal.

Filipenses 3:21

Ajoj xok way xok yaꞌ pro ja Jesucristo nerilaꞌ na jun kꞌij tok xtuqꞌuex na ja kacuerpo. Caniꞌ xuban arjaꞌ tok qꞌuextaji ja rcuerpo congana chic ruchꞌaꞌ queriꞌ cꞌa xtuban tre ja kacuerpo ajoj chakajaꞌ. Jariꞌ bien ncowini nuban como ja rchokꞌakꞌ congana nim rmalariꞌ noc na pa rukꞌaꞌ nojelal.

Apocalipsis 20:12

Cꞌacꞌariꞌ xenutzꞌat ja camnakiꞌ chi nimak quekꞌij chi ma nimak ta quekꞌij, ejeꞌeꞌ epaꞌloc chwach ja Dios in cꞌo cꞌa juleꞌ libro jaktaji. In cꞌo chi na jun ja libro jaktaji chakajaꞌ, jariꞌ libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij. Ja cꞌa camnakiꞌ ejeꞌeꞌ kꞌet tzij chiquij in ja kꞌetbex tzij chiquij jariꞌ ja tzꞌibtal chipan ja juleꞌ chic libro nak ja quibanon chipan ja quicꞌaslemal.