San Juan 5:25 - Tz'utujil (Ja Cꞌacꞌa Chominem)

²⁵ Bien tecꞌwaxaj ja xtinbij chewe riꞌ, cꞌo jun tiempo nnakajinto, jariꞌ tiempo ni chwach chic okcꞌo wiꞌ riꞌ in chipan ariꞌ tiempo ja winak ja recamnak chwach ja Dios ejeꞌeꞌ nquicꞌaxaj na rukul ja Ralcꞌwal Dios. Ja necꞌaxani ja rukul ejeꞌeꞌ nyataj chique ja utzlaj cꞌaslemal.

Tz'utujil NT

²⁵ Ne ktzitzij wa' je xtenbij chic chewa, je' cnomki' chwech Dios c'ola jun tiemp chumin tak xtecc'axaj rukul Rlec'wal Dios, y tiemp jara' camic je xmajtaj ela, y nak xtquec'axana rxin nquec'se' na chpam utzlaj c'aslemal je rxin junlic.

San Juan 5:25 Iomraidhean Croise

San Lucas 15:24

Queriꞌ ta cꞌa nkaban como camic xurkaji ja ncꞌajol ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel. Cꞌacꞌariꞌ quemaj rbanic ja nmakꞌij.

San Lucas 15:32

Pro ja camic mta moda ja maquita nkaban jun nmakꞌij, mta moda ja maquita nokquicoti como camic xurkaji ja rachakꞌ leꞌ ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel tre ja nabey winak. Queriꞌ ja cꞌambal tzij ja xbij ja Jesús chique ja fariseo e cachbil ja maestro.

San Lucas 9:60

—Ja camnakiꞌ chwach Dios ejeꞌeꞌ na quemuku quixin ja camnakiꞌ. Ja cꞌa ratat jat cuqꞌuin ja winak, jayaꞌaꞌ rbixic ja gobierno xin Dios chique, neꞌxi rmal ja Jesús.

San Juan 13:1

Xerilaꞌ ja pispra rxin ja nmakꞌij pascua. Ja cꞌa Jesús arjaꞌ rotak chi xurwilaꞌ ja hora chi nuyaꞌ can ja rwachꞌulew in nmeloj ruqꞌuin ja Tatixel. Caniꞌ rbanonto chique ja rdiscípulo waweꞌ chwachꞌulew nij erajoꞌonto wiꞌ in niquirwariꞌ xuban can chic chique, cꞌoli ja xcꞌutbej chic chiquewach chi ni nerajoꞌ wiꞌ.

San Juan 17:1

Ja Jesús tok bitaj rmal ja tzij riꞌ caꞌy chicaj in xumaj chic rbanic oración, quewaꞌ xbij tre ja Tatixel riꞌ: —Nataꞌ, camic xurwilaꞌ ja hora, tabanaꞌ cꞌa chwe ja nakꞌalasbej chiquewach ja winak chi congana nim nukꞌij ja rin Alcꞌwalaxel, queriꞌ ta naban chwe utzcꞌa chi anin natnkꞌalasaj chic atat chiquewach chakajaꞌ chi congana nim akꞌij.

San Juan 4:21

—Tanimaj ja xtinbij chawe camic riꞌ, xa nnakajinto ja tiempo tok ma ruyon chi ta parwiꞌ ja jun jayuꞌ leꞌ neyaꞌ wiꞌ rukꞌij ja Tatixel in ma ruyon chi ta pa Jerusalén chakajaꞌ.

San Juan 4:23

Pro xa nnakajinto ja tiempo tok ja winak pa tak canma xtiwinakar wiꞌ ja nquiyabej rukꞌij ja Tatixel in ni katzij wiꞌ ja xtiqueban tre, ma chaka ta costumbre. Queriꞌ xtiqueban ja winak ja ni katzij wiꞌ chi nqueyaꞌ rukꞌij como queriꞌ nrajoꞌ ja Tatixel chi nba̱n tre in arjaꞌ rmajon quicanoxic ja nebano queriꞌ tre. In ja camic ecꞌo jujun ja queriꞌ chic nqueban tre.

San Juan 5:21

Ja Tatixel neruyic camnakiꞌ in nuyaꞌ cꞌacꞌa cꞌaslemal chique in queriꞌ cꞌa nuban ja Ralcꞌwalaxel chakajaꞌ, arjaꞌ nuyaꞌ cꞌacꞌa cꞌaslemal chique ja winak xa nak ta chi winakil ja cꞌo rgana nuyaꞌ chique.

San Juan 5:28

Maxta junwiꞌ tecꞌwaxaj ja cꞌa xinbij kaj chewe riꞌ como nerilaꞌ na jun kꞌij chi canojelal ja remukun pa tak comsanto nquicꞌaxaj na rukul ja Ralcꞌwalaxel

San Juan 6:60

Ja cꞌa rdiscípulo ja Jesús ejeꞌeꞌ tok quicꞌaxaj ja xbij e qꞌuiy chique quewaꞌ quibij riꞌ: —Congana takaꞌan cꞌayew ja nbij leꞌ ¿nak ta wiꞌ xtel rucꞌuꞌx chi rcꞌaxaxic? xecheꞌe.

San Juan 8:43

¿Nak cꞌa tre tok matichꞌobtaj emwal ja nbij chewe? Matichꞌobtaji como ja ntzobal mta egana necꞌwaxaj.

San Juan 8:47

Ja ralcꞌwal Dios ejeꞌeꞌ nqueyaꞌ quixquin tre ja nbix chique rmal ja Dios pro ja rixix mateyaꞌ ewxquin tre ja nbix chewe rmal como ma ix ralcꞌwal Dios ta chewiꞌ. Queriꞌ xbij ja Jesús chique.

San Juan 9:27

—Pro jariꞌ nbin chi waꞌan chewe pro ixix mta egana necꞌwaxaj. ¿Nak cꞌa tre tok necꞌwaxaj chic jutij chwe? ¿La maxta cꞌa newajoꞌ ixix chakajaꞌ nixoc rdiscípulo? neꞌ chique.

Romanos 6:4

Nucꞌut chikawach chi ajoj jun xokmuk ruqꞌuin, xa jun kaban ruqꞌuin xokkaj kaj chipan ja camíc. Queriꞌ cꞌa kaban utzcꞌa chi nqꞌuejeꞌ can ja tzabuklaj cꞌaslemal kucꞌan in nkucꞌaj chic jun cꞌacꞌa cꞌaslemal. Caniꞌ xuban ja Cristo chakajaꞌ arjaꞌ cꞌastaji chiquicojol ja camnakiꞌ como congana samaji ja nimlaj poder rxin ja katataꞌ Dios.

Efesios 2:1

Ja cꞌa rixix nabey ixcamnak chipan ja rewil emac pro arjaꞌ xuyaꞌ jun cꞌacꞌa cꞌaslemal chewe.

Efesios 2:5

Masqui okcamnak chipan ja kil kamac nabey pro ja tok xuyic ja Cristo chipan ja camíc tokoriꞌ xuyaꞌ ajoj chake chi nkachbilaj ja Cristo chipan jun cꞌacꞌa cꞌaslemal. Pro jawaꞌ wariꞌ puro cochinem xin Dios como xa rmal ja rutzil ja xecochij tre chewiꞌ tok ewilon ja totajem xin Dios camic.

Efesios 5:14

Xa chewiꞌ tok quewaꞌ rbin can ja Dios riꞌ: —Atat ja ratwarnak chipan ja kꞌekumal catcꞌasoji, catyictaj chipan ja camíc in ja Cristo arjaꞌ nsakirsaj ja rawanma, neꞌe.

Colosenses 2:13

Ja cꞌa rixix ixcamnak nabey chipan ja rewil emac, ma ixbanon ta circuncidar triꞌ pro cꞌa ewcꞌan na ja ritzelal, pro ja Dios arjaꞌ xuyaꞌ jun cꞌacꞌa cꞌaslemal chewe tokoriꞌ tok xucꞌas ja Cristo chiquicojol camnakiꞌ in xucuy ja rewil emac ewanojelal.

Apocalipsis 3:1

In xbij chic chwe: —Ja ángel ja nchajin rxin ja riglesia ja cꞌo Sardis quewaꞌ natzꞌibajel tre riꞌ: —Ja Jesucristo ja recꞌo wukuꞌ espíritu xin Dios ruqꞌuin ja recꞌo wukuꞌ chꞌumil pa rukꞌaꞌ quewaꞌ nbij tre ja riglesia riꞌ: —Anin bien wotak ja rebanon, ja nixtzꞌati ix jun iglesia ixcꞌasli pro ja chwach Dios ix jun iglesia ixcamnak.