San Juan 5:22 - Tz'utujil (Ja Cꞌacꞌa Chominem)

²² Ja Tatixel ma arjaꞌ ta xtikꞌeto tzij chiquij ja winak como pa rukꞌaꞌ ja Ralcꞌwalaxel rjachon wiꞌ chi jaꞌ Ralcꞌwalaxel xtikꞌeto tzij chiquij ja winak canojelal.

Tz'utujil NT

²² Ja' Ttixel majo'n xtuk'at ta tzij tzrij jun per jrebnon, rejchon pruk'a' Rlec'walxel chja' nek'towa njelal je' tzij.

San Juan 5:22 Iomraidhean Croise

San Mateo 11:27

In xbij chic chique: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ.

San Mateo 16:27

Queriꞌ nbij chewe como anin ja rin Alcꞌwalaxel ja xinoc alaxic cuqꞌuin ja winak ninpi chi na jutij e wachbil ja ángel wxin, tokoriꞌ ja gloria xin Dios congana nchꞌaꞌan chwij in ja winak nunyaꞌaꞌ na rtojbalil chique chiquijujunal ja queban waweꞌ chwachꞌulew.

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 3:35

Ja Ralcꞌwalaxel janila najoꞌx rmal ja Tatixel in ni majun nak ta ja maquita jachon pa rukꞌaꞌ rmal.

San Juan 5:27

in rjachon pa rukꞌaꞌ chi arjaꞌ xtikꞌeto tzij chiquij ja winak. Queriꞌ rbanon tre como arjaꞌ ja Ralcꞌwalaxel ja xoc alaxic cuqꞌuin ja winak.

San Juan 9:39

—Anin inpenak waweꞌ chwachꞌulew utzcꞌa chi bien nkꞌalajin na nak quibanic ja winak. Inpenak utzcꞌa ja moyaꞌ njaktaj quewach utzcꞌa chakajaꞌ ja winak ja nebini chi necaꞌyi ejeꞌeꞌ nekꞌalajin na chi xa e moyaꞌ, neꞌe.

Hechos 10:42

Cꞌacꞌariꞌ xokrutakel cuqꞌuin ja winak utzcꞌa chi nkayaꞌ rbixic ja utzlaj tzij chique utzcꞌa chi nkabij chique chakajaꞌ chi ja Dios arjaꞌ cojyon rxin como Kꞌetol Tzij pa quewiꞌ canojelal ja winak chi ecꞌasli chi e camnakiꞌ.

Hechos 17:31

Como arjaꞌ cꞌo jun kꞌij rchomin ja nukꞌet wiꞌ tzij chiquij canojelal ja winak in nij utzlaj kꞌetoj tzij wiꞌ ja nuban. Arjaꞌ cꞌo jun achi rchaꞌon ja xtibanowi ja kꞌetoj tzij, Jesús rubiꞌ, in xuyaꞌ tre chi cꞌastaj chiquicojol camnakiꞌ jariꞌ xcꞌutbej chikawach kanojelal chi Jesús ja rchaꞌon chi noc Kꞌetol Tzij. Queriꞌ xbij ja Pablo chique.

Romanos 2:16

Ja tok xterilaꞌ ja nimlaj kꞌij xin juicio tokoriꞌ xtibantaj cumplir nojel awaꞌ ja cꞌa xinbij kaj chewe riꞌ. Ja cꞌa tok xterilaꞌ riꞌ kꞌij ja Dios arjaꞌ xtucoj ja Jesucristo chi rkꞌetic tzij chiquij ja winak, xtucoj chi rkꞌalasaxic nojel ja quichꞌobon in nojel ja quibanon ja xa quiwawan pa tak canma. Queriꞌ nucꞌut chikawach ja utzlaj tzij xin Jesucristo ja ni nmajonto wiꞌ rbixic anin.

2 Corintios 5:10

Queriꞌ nbij chewe como rjawaxic chi nokekaj na chwach ja kꞌetbaltzij rxin ja Cristo kanojelal utzcꞌa chi triꞌ nokkꞌalajin wiꞌ nak ja kabanon chipan ja cuerpo ja kucꞌan waweꞌ chwachꞌulew utzcꞌa chi nyataj chake chikajujunal ja rtojbalil ja kabanon wi utzil ja kabanon owi xa itzelal.

2 Timoteo 4:1

Congana nban recomendar chawe chi ni nayaꞌ wiꞌ rbixic ja rtzobal Dios nojel tiempo. Tachꞌaꞌaꞌ ja tijonem ja ma katzij ta, tachꞌaꞌaꞌ chique ja nqueban quil in tayukbaꞌ quecꞌuꞌx. Tiqꞌuejeꞌ apaciencia in tachꞌoboꞌ chiquewach nak rjawaxic chi nqueban. Jawaꞌ xinban recomendar chawe riꞌ Dios nutzꞌat in nutzꞌat chakajaꞌ ja kajaw Jesucristo ja xtipi chi na jutij, arjaꞌ nimlaj Rey in nukꞌet tzij chiquij chi ecꞌasli chi e camnakiꞌ.

1 Pedro 4:5

Pro nerilaꞌ na jun kꞌij ja tok xtiquejach na cuenta chwach ja Dios, arjaꞌ rchomin chic riꞌ chi nukꞌet tzij chiquij ja winak chi ecꞌasli chi e camnakiꞌ.