San Juan 4:6 - Tz'utujil (Ja Cꞌacꞌa Chominem)

⁶ In triꞌ cꞌo wiꞌ jun yaꞌ cꞌoton rxin ja Jacob ojer chakajaꞌ. Congana cosnak ja Jesús rmal ja binem xa chewiꞌ tok tzꞌabeꞌ chuchiꞌ ja jul xin yaꞌ. Pa tak ncꞌajkꞌij chi lariꞌ ja tok xekaj triꞌ.

Tz'utujil NT

⁶ Tzra' c'o wa' jun ya' c'ton rmal Jacob ojer. Jesús congan cosnak rmal binem, xetz'be'a chuchi' poz rxin ya'. Jara' hor ptak nc'ajk'ij tak xekaja tzra'.

San Juan 4:6 Iomraidhean Croise

San Mateo 27:45

Ja pa ncꞌajkꞌij cꞌo jun nimlaj kꞌekuꞌm xoqui nojel chwachꞌulew, cꞌa a las tres xin takakꞌij sakar chic jutij.

San Mateo 4:2

Caꞌwinak kꞌij caꞌwinak akꞌaꞌ ma xwaꞌ ta. Ja cꞌa tok tzꞌakati ja caꞌwinak kꞌij caꞌwinak akꞌaꞌ majtaj rmal rkꞌakꞌanil rupan.

San Mateo 8:24

In chaka jalal tok jaktajto jun nimlaj ikꞌ chiquij. Ja cꞌa lancha lawuloꞌ nba̱n tre rmal ja nimak tak baloj pro ja cꞌa Jesús kajnak chi waram.

San Lucas 2:7

Triꞌ cꞌa xalax wiꞌ ja ti ral talaꞌ, ti nabey winak. Xubar pa tziak. Ja cꞌa tok bartaj rmal cꞌo jun quiwabal chicop xcanoj in xcotzꞌbaꞌ chipan. Queriꞌ cꞌa xuban, pa quicꞌolibal chicop xeqꞌuejeꞌ na wiꞌ como enojnak chic ja winak chipan ja posada.

San Lucas 9:58

In bix tre rmal ja Jesús: —Ja rutiwaꞌ cꞌo quicꞌolibal ja bar newar wiꞌ in chakajaꞌ ja tak tzꞌiquin cꞌo quesoc pro ja chwe anin ja rin Alcꞌwalaxel ja xinoc alaxic cuqꞌuin ja winak mta wochoch ja ni ta wxin wiꞌ anin ninwar wiꞌ, neꞌxi.

San Juan 11:9

Ja cꞌa Jesús xcꞌambej jun tzij chiquewach, quewaꞌ xbij chique riꞌ: —¿La mta cꞌa cablajuj hora ncaꞌyi ja kꞌij chipan jun kꞌij? Ja wi pa kꞌij natbini jariꞌ matachokꞌ awakan como ja kꞌij nsakirsan abey chawach.

San Juan 4:12

Ja kamamaꞌ Jacob arjaꞌ yoyon can chake awaꞌ ja yaꞌ riꞌ ojer, jawaꞌ xutij arjaꞌ in quetij ralcꞌwal in quetij rwacax chakajaꞌ. ¿La atat laꞌan ja más na nim akꞌij chwach arjaꞌ? neꞌe ja rixok.

San Juan 4:5

Queriꞌ xuban be, xekaj chipan jun lugar ja cꞌo chinakaj ja tinamit rbinaꞌan Sicar cꞌo pa rcuenta Samaria. Ja tinamit Sicar chinakaj jun ulew cꞌo wiꞌ ja rxin Jacob ojer, jun ulew ja xuyaꞌ can ja Jacob tre ja José ja rcꞌajol.

San Juan 4:7

Cꞌo cꞌa jun ixok aj Samaria pulul yaꞌ xurkaji ja bar tzꞌubul wiꞌ ja Jesús. Ja cꞌa Jesús xbij tre ja rixok: —Tasipaj jutzꞌit nuyaꞌ, neꞌ tre.

2 Corintios 8:9

Como ixix bien ewotak chi ja kajaw Jesucristo congana samaji ja rutzil xin Dios pa ranma. Como arjaꞌ masqui congana biyom nabey pro ma xpokonaj ta xuyaꞌ can ja rbiyomal, ma xpokonaj ta xoc mebaꞌ pro emwal ixix tok xuban queriꞌ. Arjaꞌ xoc mebaꞌ utzcꞌa chi xa rmal ja rpobreꞌil tok nyataj ixix chewe ja biyomal xin Dios.

Hebreos 2:17

Rmalcꞌariꞌ tok rjawaxic chi arjaꞌ xoc kach winak, ni junan kabanic ruqꞌuin ja rok rchꞌalal. Chewiꞌ cꞌa tok ncowini nokrucoj chwach ja Dios. Chewiꞌ tok xoc jun lokꞌlaj sacerdote, ncowini npokonaj kawach in ni nuban wiꞌ cumplir ja samaj xin Dios. Queriꞌ xuban utzcꞌa chi cowini xchomij ja kil kamac chwach ja Dios.

Hebreos 4:15

Ja lokꞌlaj sacerdote kaxin arjaꞌ bien rotak chi xok way xok yaꞌ, rotak npokonaj kawach como arjaꞌ bien xunaꞌ janiꞌ ja natcꞌambajax chipan ja prueba. Nojel ja prueba ja rokkꞌaxnak ajoj chipan ni majun ja maquita kꞌaxnak arjaꞌ chipan chakajaꞌ xarwariꞌ ni majun ril rumac.