San Juan 4:38 - Tz'utujil (Ja Cꞌacꞌa Chominem)

³⁸ Anin xixnutakel cuqꞌuin ja winak chi neꞌebanaꞌ cosechar pro ma ixix ta ja rixtijyonto rpokonal chi rbanic ja samaj pro ecꞌo juleꞌ chic ja retijyonto rpokonal chi rbanic ja samaj in ixix camic nixtajini neban cosechar ja quiticonto ejeꞌeꞌ. Queriꞌ xbij ja Jesús chique ja rdiscípulo.

Tz'utujil NT

³⁸ Anen xixnutak ela cuq'uin wnak che nque'ebna' cosechar per me ixix ta xixtjowa pen che rbanic samaj, per ixix camic nquixtajina neban cosechar jquetcon ta j-e', cara' xbij Jesús chca rdiscípulo.

San Juan 4:38 Iomraidhean Croise

San Mateo 4:23

Ja cꞌa Jesús arjaꞌ be nat nakaj chipan ja departamento Galilea, nertijoj ja winak pa tak jay xin molbal riꞌil ja bar nquemol wiꞌ quiꞌ chi rcꞌaxaxic ja rtzobal Dios, nuyaꞌ rbixic chique ja utzlaj tzij tre ja gobierno xin chilaꞌ chicaj in chakajaꞌ ecꞌoli ja yawaꞌiꞌ nertzursaj xa nak ta ntiꞌon chique.

San Juan 1:7

Ja samaj ja yataj tre ja Juan chi nuyaꞌ rbixic nak rbanic ja Ralcꞌwalaxel ja nsakirsan quebey ja winak utzcꞌa chi canojel ja winak tok xtiquicꞌaxaj nyukeꞌ quecꞌuꞌx ruqꞌuin ja Ralcꞌwalaxel.

San Juan 17:18

Caniꞌ abanon chwe xinatakto waweꞌ chwachꞌulew queriꞌ cꞌa nban anin chique chakajaꞌ nchomarsan chic chi nenutakel chwach ja rwachꞌulew chi nequibanaꞌ ja rasamaj.

San Juan 4:37

Queriꞌ rbanic caniꞌ nbij ja jun tzij kacꞌaxan quewariꞌ: —Cꞌoli nticowi ja rijaꞌtz in cꞌoli ja nbano cosechar rwach, queriꞌ nbij.

San Juan 4:39

Ja raj Samaria tok quicꞌaxaj ja bix chique rmal ja rixok ja cach aj tinamit chi ja Jesús xbij tre nojelal ja rbanon chipan ja rcꞌaslemal e qꞌuiy chique yukeꞌ quecꞌuꞌx ruqꞌuin ja Jesús rmal.

Hechos 2:41

Ja winak ja utz quicꞌaxaj ja xbij ja Pedro ejeꞌeꞌ xeba̱n bautizar in jariꞌ mismo kꞌij ecꞌo la oxiꞌ mil ja xeꞌoc cachbil ja kachꞌalal.

Hechos 4:32

Ja kachꞌalal ejeꞌeꞌ quicꞌamon quiꞌ, xa jun quibanon canojelal. Ja quimebaꞌil xa jun quibanon tre. Mta jun chique nbij ta: —Xa nuyon wxin anin, neꞌ ta tre ja rmebaꞌil.

Hechos 4:4

Pro ja winak ja xecꞌaxani rtzobal Dios e qꞌuiy chique yukeꞌ quecꞌuꞌx ruqꞌuin ja Jesús. Ecꞌo chi la joꞌoꞌ mil canojelal ja yukul chic quecꞌuꞌx ruqꞌuin ja Jesús ja xa queyon achiꞌiꞌ.

Hechos 5:14

Más chi na e qꞌuiy ja winak yukeꞌ quecꞌuꞌx ruqꞌuin ja Jesucristo tanto chique achiꞌiꞌ in chique ixokiꞌ chakajaꞌ in xeꞌoc cachbil ja kachꞌalal.

Hechos 6:7

Ja cꞌa rtzobal Dios xa janiꞌ be más pa nim in congana xeqꞌuiyir más ja kachꞌalal pa Jerusalén. Congana e qꞌuiy chique ja sacerdote quinimaj ja rtzobal Dios chakajaꞌ in yukeꞌ quecꞌuꞌx ruqꞌuin ja Jesucristo.

2 Corintios 10:15

Ajoj mta moda xtikaban ta ja caniꞌ nqueban ja juleꞌ xtikayaꞌ ta kakꞌij rmal jun samaj ja ma kaxin ta ja ma ajoj ta okbanyon. Pro ja kas kayben chi nqꞌuiy más ja yukulbal ecꞌuꞌx ruqꞌuin ja Jesucristo in noketoꞌ utzcꞌa chi nokbe nojel nat nakaj chi nkayaꞌ más rbixic ja Jesucristo pro xarwariꞌ nokbe pa tak lugar ja bar nokrutakel wiꞌ ja Dios chi nokbe.