San Juan 4:24 - Tz'utujil (Ja Cꞌacꞌa Chominem)

²⁴ Ja Dios arjaꞌ Espíritu, matitzꞌattaji chewiꞌ tok rjawaxic chi ja winak pa tak canma nwinakar wiꞌ ja nquiyabej rukꞌij in rjawaxic chakajaꞌ chi ni katzij wiꞌ ja nqueban, ma chaka ta costumbre. Queriꞌ xbij ja Jesús tre ja rixok.

Tz'utujil NT

²⁴ Dios arja' Espíritu, majo'n ntz'ettaj ta. J-e' wnak nc'atzina chca ne pcanm nalex wa' jnecyabej ruk'ij. Chka' nc'atzina chca che ne ktzitzij wa' nqueya' ruk'ij y mcostumbre ta nqueban, cara' xbij Jesús tzra ixak.

San Juan 4:24 Iomraidhean Croise

San Juan 4:23

Pro xa nnakajinto ja tiempo tok ja winak pa tak canma xtiwinakar wiꞌ ja nquiyabej rukꞌij ja Tatixel in ni katzij wiꞌ ja xtiqueban tre, ma chaka ta costumbre. Queriꞌ xtiqueban ja winak ja ni katzij wiꞌ chi nqueyaꞌ rukꞌij como queriꞌ nrajoꞌ ja Tatixel chi nba̱n tre in arjaꞌ rmajon quicanoxic ja nebano queriꞌ tre. In ja camic ecꞌo jujun ja queriꞌ chic nqueban tre.

2 Corintios 1:12

Como ajoj wachꞌalal congana nokquicoti ja mta nak ta kabanon ja xtitiꞌon ta kaconciencia rmal, chꞌajchꞌoj rij rwach ja kabanon, ni majun nak ta kawawan ta pa tak kanma. Ni quirwariꞌ ja kabanon chiquewach ja winak in pior cꞌa chewach ixix. Ma kanaꞌoj ta ajoj nkacoj pro ja rutzil ja nsipaj ja Dios chake jariꞌ nsamaji pa tak kanma chi rbanic nojel ja nkaban.

2 Corintios 3:17

In camic nbij chewe, ja kajaw Jesucristo arjaꞌ xa jun quibanon ruqꞌuin ja rEspíritu, in wi cꞌol awqꞌuin ja rEspíritu rxin ja kajaw Jesucristo jariꞌ atwasanel chic libre.

Filipenses 3:3

Pro ajoj ja kas katzij chi okbanon circuncidar, ma ejeꞌeꞌ ta. Queriꞌ nbij chewe como ajoj nkayaꞌ lugar tre ja rEspíritu Santo chi arjaꞌ nsamaji pa tak kanma in ruqꞌuin kanma nkaban ja samaj xin Dios. Ajoj nkayaꞌ rukꞌij ja Cristo Jesús in ma kuqꞌuin ta ajoj yukul kaj wiꞌ kacꞌuꞌx kayon.

1 Timoteo 1:17

Rmalariꞌ tok nbij chewe, ni ta nkaban wiꞌ respetar ja Dios in ni ta nkayaꞌ wiꞌ rukꞌij camic, chwak in chijutij. Ja Dios arjaꞌ nimlaj Rey chijutij, mta camíc trij, matitzꞌattaji, ruyon arjaꞌ Dios mchita jun queriꞌ ta, mchita jun nkꞌiꞌowi ja rnaꞌoj. Amén.