San Juan 4:22 - Tz'utujil (Ja Cꞌacꞌa Chominem)

²² Ixix ja rix aj Samaria neyaꞌ rukꞌij jun Dios pro ma chꞌobtajnak ta emwal nak rbanic. Pro ja rajoj ja rok aj Israel nkayaꞌ rukꞌij ja Dios in bien chꞌobtajnak kumal nak rbanic como ja totajem xin Dios jariꞌ chipan ja tinamit Israel nwinakar wiꞌ.

Tz'utujil NT

²² Ixix ix aj Samaria neya' ruk'ij jun Dios per mch'obtanak ta ewmal nak rbanic. Per ajoj ok aj Israel nkaya' ruk'ij Dios y ch'obtanak kmal nak rbanic com ja' To'onel nta'k ta rmal Dios y chkacjol ajoj nwanker wa'.

San Juan 4:22 Iomraidhean Croise

San Lucas 24:47

In tzꞌibtal can chakajaꞌ chi pa rubiꞌ ja Cristo nekaj na rbixic cuqꞌuin canojel ja winak ja recꞌo pa tak nación jeꞌe chi rjawaxic chi nqueqꞌuex ja quinaꞌoj in nqueyaꞌ can ja ritzelal utzcꞌa chi ncuytaji ja quil quemac, jariꞌ pa Jerusalén nmajtajel wiꞌ rbixic.

Hechos 17:23

Queriꞌ nbij chewe como anin tok xinkꞌax pa tak lugar ja bar neyaꞌ wiꞌ quekꞌij ja redios cꞌo jun altar xinwil in cꞌoli tzꞌibtal chwach, quewaꞌ nbij riꞌ: —Cꞌo jun dios ja ma kotak ta rwach, rxin arjaꞌ awaꞌ ja raltar riꞌ, queriꞌ ja tzꞌibtal chwach ja raltar. Neyaꞌ rukꞌij jun Dios ja ma ewotak ta rwach pro ja cꞌariꞌ ja Dios ja xtinyaꞌ rbixic chewe camic riꞌ.

Hechos 17:30

Ja chipan ja rojer tak tiempo ja kꞌaxnak can ja winak ma cotak ta janiꞌ ja Dios pro ja Dios arjaꞌ xucochꞌ. Pro ja cꞌa camic neruban mandar chi nqueqꞌuex ja quinaꞌoj in nqueyaꞌ can ja ritzelal. Queriꞌ nuban chique canojelal xa bar ta triꞌ ecꞌo wiꞌ.

Hechos 3:26

Ja Dios xutakto ja Jesús ja Ralcꞌwal in ewqꞌuin ixix ja rix kach tak aj Israel xutak wiꞌ nabey. Queriꞌ xuban como arjaꞌ nrajoꞌ nuyaꞌ ja rutzil chewe utzcꞌa chi neyaꞌ can ja ritzelal chejujunal. Queriꞌ xbij ja Pedro chique.

Romanos 11:18

Pro maxta tenaꞌ kaj chi más na nimak ekꞌij ixix chiquewach ja tinamit Israel ja xeya̱ꞌ can rmal ja Dios. Ja cꞌa wi neyaꞌ ekꞌij kas turkaj chewe chi xa ix tak rukꞌaꞌ ja cheꞌ, bien techꞌoboꞌ chi jun cheꞌ ma ja ta rukꞌaꞌ ntzuku rxin ja rcꞌamal pro ja rcꞌamal jariꞌ ntzuku rxin ja tak rukꞌaꞌ.