San Juan 4:10 - Tz'utujil (Ja Cꞌacꞌa Chominem)

¹⁰ Ja cꞌa Jesús xbij chic tre: —Ja wixta chꞌobtajnak amwal nak rbanic ja cochinem ja nsipaj ja Dios chawe, wixta chꞌobtajnak amwal nak inocnak wiꞌ anin ja nintajini nintzijon awqꞌuin camic riꞌ ja nmajon rcꞌutuxic nuyaꞌ chawe, atat xacꞌutuj ta yaꞌ ariꞌ chwe chakajaꞌ in xinyaꞌ ta jun yaꞌ chawe pro jun yaꞌ ja rcꞌamonto jun cꞌacꞌa cꞌaslemal chawe, neꞌ tre.

Tz'utujil NT

¹⁰ Jesús xbij tzra: —Per wext nch'obtaja awmal jcochinem je nsipaj Dios chawa, y wext nch'obtaj awmal nak rbanic je ntzijona awq'uin camic ra je nc'utuj ya' chawa, atet nac'utuj ta ya' tzra y ja' nuya' chawa jun ya' rec'mon ta jun c'ac'laj c'aslemal.

San Juan 4:10 Iomraidhean Croise

San Lucas 11:13

Ixix masqui ix lawuloꞌ pro ewotak neyaꞌ utzlaj tak nakun chique ja rewalcꞌwal pro pior ta cꞌa ja Tatixel ewxin ja cꞌo chilaꞌ chicaj arjaꞌ nuyaꞌ ja rEspíritu Santo chique ja necꞌutun tre. Queriꞌ xbij ja Jesús chique ja rdiscípulo tre ja banoj oración.

San Juan 16:3

Queriꞌ xtiqueban chewe como ejeꞌeꞌ xa ma cotak ta janiꞌ rnaꞌoj ja Tatixel in nixtacꞌa cotak ta ja nnaꞌoj anin chakajaꞌ.

San Juan 17:3

Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

San Juan 4:14

Pro ja ntijowi ja yaꞌ ja nyaꞌ anin jariꞌ ni mchita wiꞌ jutij nchakij ta ruchiꞌ. Pro ja yaꞌ ja nyaꞌ anin tre jariꞌ congana npulinto pa ranma caniꞌ nuban jun tzꞌuquel yaꞌ in rcꞌamonto tre ja utzlaj cꞌaslemal pro jun cꞌaslemal ja ni mta wiꞌ qꞌuisic trij, neꞌ tre.

San Juan 6:35

—Anin cꞌariꞌ ja rin way, anin ninyowi ja utzlaj cꞌaslemal ja mta qꞌuisic trij. Ja winak ja nyukeꞌ quecꞌuꞌx wqꞌuin jariꞌ ni mchita wiꞌ waꞌal xtiquetij ta nixtacꞌa chakichiꞌ ta chakajaꞌ.

San Juan 6:51

Ja way ja nyowi cꞌacꞌa cꞌaslemal, ja way ja kajnakto chilaꞌ chicaj, anin cꞌariꞌ. Jawaꞌ way ja cꞌa xinbij kaj chewe riꞌ, xa nak ta xtitijo rxin jariꞌ ncꞌaseꞌe pro ni chijutij. Cꞌoli way ja xtinyaꞌ chique ja winak waweꞌ chwachꞌulew utzcꞌa chi cꞌo jun cꞌacꞌa cꞌaslemal nyataj chique. Ja way xtinyaꞌ jariꞌ ncuerpo anin. Queriꞌ xbij ja Jesús chique.

Hechos 9:11

—Camic jat, tacꞌamaꞌel ja bey ja cꞌo jun rubiꞌ nbix tre Derecha neꞌxi, in natbe chi rochoch ja Judas. Ja tok xcatekaji triꞌ nacanoj wiꞌ jun achi aj Tarso Saulo rubiꞌ. Ja cꞌa Saulo arjaꞌ rmajon rbanic oración camic

Romanos 8:32

Ja Dios ma xpokonaj ta xutakto ja Ralcꞌwal, xarariꞌ jun, xutakto chi xurcam kaj pa kacuenta kanojelal. Ja wi ma xpokonaj ta xutakto ja Ralcꞌwal ¿nak moda xtipokonaj xtuyaꞌ chake ja xa nak ta ncꞌatzin chake?

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

1 Corintios 10:4

Quetij ja yaꞌ xin Dios pro ni canojelal in xa jun rwach quetij chakajaꞌ. Como cꞌoli yaꞌ quetij ja pan abaj xelto wiꞌ in ja rabaj jariꞌ retal chi ja Cristo ni tran wiꞌ chiquij ja tok xekꞌax pa tak lugar jeꞌe.

2 Corintios 9:15

Congana nmaltioxij tre ja Dios como arjaꞌ cꞌo jun sipanem kacochin tre ja ni maticanoy wiꞌ tzij kumal chi rbixic como janila nim rukꞌij.

Efesios 2:8

Queriꞌ nbij chewe como xa rmal ja rutzil ja nsipaj ja Dios chake ja tok ewilon chic ja totajem xin Dios in ja yukulbal ecꞌuꞌx ruqꞌuin ja Jesucristo jariꞌ ecꞌamben jawaꞌ totajem riꞌ. Pro jawaꞌ ni majun nak ta xeban ja xechꞌecbej ta, puro cochinem xin Dios.

Hebreos 6:4

Ja cꞌa winak ja nqueyaꞌ can ja Jesucristo mta moda xtiyataj chi ta chique chi xtiqueqꞌuex chi ta jutij ja quinaꞌoj. Ja nabey kꞌalasax chiquewach janiꞌ ja katataꞌ Dios chi ja rbanic caniꞌ jun nimlaj luz nsakirsaj ja quebey chiquewach. Quenaꞌ chakajaꞌ janiꞌ rquiꞌil ja rutzil ja quicochij tre ja Dios. Chakajaꞌ yataj chique chi qꞌuejeꞌe ja rEspíritu Santo pa tak canma.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.

Apocalipsis 21:6

In xbij chic chwe: —Bantajnak chic nojelal. Anin nij incꞌo chi wiꞌ ja tok tzꞌucarto ja rwachꞌulew in nij incꞌo wiꞌ ja tok xteqꞌuisi ja rwachꞌulew chakajaꞌ. Ja winak ja remajtajnak rmal chakichiꞌ cꞌo juleꞌ yaꞌ ja nyaꞌ chique pro matiquetoj, xa nsipaj chique. Jariꞌ yaꞌ penak ruqꞌuin ja tzꞌuquelyaꞌ ja rcꞌamonto ja utzlaj cꞌaslemal ja mta qꞌuisic trij.

Apocalipsis 22:17

Ja rEspíritu Santo rachbil ja rxjayil ja Carnelo ejeꞌeꞌ quewaꞌ nquibij riꞌ: —Catpeti Jesús, necheꞌe. In chakajaꞌ ja necꞌaxani quirtawaꞌ xtiquibij riꞌ: —Catpeti Jesús, xquecheꞌ ta. Ja winak ja nquenaꞌ chakichiꞌ quepi cꞌa in xa nak ta ja cꞌo rgana npeti tipeti, turtijaꞌ ja yaꞌ ja rcꞌamonto ja utzlaj cꞌaslemal ja mta qꞌuisic trij in xa sipan ja yaꞌ.

Apocalipsis 7:17

Queriꞌ xtiqueban como ja Carnelo ja cꞌo mero pa nicꞌaj ja bar cꞌo wiꞌ ja trono arjaꞌ xtiyukꞌun quixin. Arjaꞌ xquerucꞌaj ja bar cꞌo wiꞌ tzꞌuquel tak yaꞌ pro jariꞌ yaꞌ rcꞌamonto ja utzlaj cꞌaslemal. Ja cꞌa Dios arjaꞌ xtisuꞌuwi ja riyaꞌl quewach pro ni nojelal in ni mchita wiꞌ okꞌej xtiqueban. Queriꞌ xbij chwe ja ranciano.