San Juan 4:1 - Tz'utujil (Ja Cꞌacꞌa Chominem)

¹ Ja cꞌa fariseo xekaj rbixic ja Jesús cuqꞌuin quewariꞌ: —Ja Jesús más na e qꞌuiy ja winak netajini neꞌoc rdiscípulo chwach ja neꞌoc ruqꞌuin ja Juan in más na e qꞌuiy neruban bautizar chakajaꞌ, xecheꞌxi.

Tz'utujil NT

¹ J-e' fariseo xekaja rbixic cuq'uin cawrara: —Jesús congan e q'uiy wnak e'ocnak rdiscípulo que chwech Juan y congan e q'uiy nqueruban bautizar chka', cara' xbixa chca.

San Juan 4:1 Iomraidhean Croise

San Lucas 1:76

—Ncꞌajol, atat xtibinaꞌax chawe chi at profeta rxin ja nimlaj Dios como atat natnabeyaj na chwach ja Cristo ja kajaw utzcꞌa chi nachomarsaj na rubey chwach ja tok xajalal majaꞌn tumaj ja rsamaj.

San Lucas 19:31

Ja wi cꞌoli nak xtibin chewe: —¿Nak tre tok nequir ja ti bur? wi xticheꞌ chewe, quewaꞌ xtebij tre riꞌ: —Ja kajaw ncꞌatzin tre, quixcheꞌ tre. Queriꞌ xbijel ja Jesús chique.

San Lucas 19:34

—Ja kajaw ncꞌatzin tre, xecheꞌ chique.

San Lucas 2:11

Quewaꞌ ja utzlaj tzij ja ncꞌamonto chewe riꞌ, ja camic cꞌo jun Toꞌonel ewxin cꞌa xalaxi, pa Belén xalax wiꞌ ja bar xalax wiꞌ ja rojer rey David. Ja cꞌa Toꞌonel arjaꞌ ja Cristo ja kajaw.

San Lucas 7:13

Ja cꞌa kajaw Jesús tok xutzꞌat ja rixok congana xpokonaj rwach: —Ma catokꞌ ta, neꞌ tre.

San Lucas 7:19

Ja cꞌa Juan Bautista arjaꞌ ecꞌo caꞌiꞌ chique ja rdiscípulo xersiqꞌuij, xerutakel ruqꞌuin ja Jesús in quewaꞌ xbijel chique riꞌ chi nequicꞌaxaj tre: —¿La atat ja rat Cristo ja bitajnak can chi natpi na owi nkaybej chi na jun? neꞌel chique.

San Juan 3:22

Cꞌacꞌariꞌ ja Jesús xerachbilajel ja rdiscípulo xebe chipan jun lugar ja cꞌo pa rcuenta Judea. Ja cꞌa tok xekaji, triꞌ qꞌuejeꞌ wiꞌ in ecꞌoli winak neruban bautizar.

San Juan 3:26

Ja cꞌa discípulo rxin ja Juan xebe ruqꞌuin in quewaꞌ xequibij tre riꞌ: —Rabí, pakasariꞌ ja rachi ja xaban bautizar chajuparaj binelyaꞌ Jordán ja xayaꞌ rbixic chi arjaꞌ ja Toꞌonel ja takonto rmal ja Dios, camic arjaꞌ ntajini neruban bautizar ja winak in canojel ja winak nebe ruqꞌuin, xecheꞌ tre.

Hechos 10:36

Xutakto ja Jesucristo ja kajaw kanojelal ja rok winak, kuqꞌuin ajoj xutakto wiꞌ ja rok aj Israel chi xuryaꞌaꞌ rbixic ja utzlaj tzij chake ja rcꞌamonto quicotemal.

1 Corintios 1:17

Maltiox chi Dios como ja Cristo arjaꞌ xinrutakel cuqꞌuin winak pro ma rmal ta chi nenuban bautizar pro jariꞌ xinrutakel cuqꞌuin utzcꞌa chi nenyaꞌaꞌ rbixic chique ja utzlaj tzij xin Jesucristo ja nucꞌut chikawach nak rbanic ja totajem xin Dios. In chakajaꞌ ma nimak tak tzij ta ncojon ta chi rbixic ja utzlaj tzij. Ja wixta xa juleꞌ nimak tak tzij ncoj chi rbixic maquita nchꞌobtaj ariꞌ cumal ja winak ja nbij chique, maquita nchꞌobtaj ariꞌ cumal chi ja rcamic ja Cristo chwach cruz congana jun nimlaj poder rcꞌamonto chake ja rok winak.

1 Corintios 15:47

Ja rAdán arjaꞌ waweꞌ chwachꞌulew winakarto wiꞌ, ulew ocnak in ruqꞌuin arjaꞌ winakarnakto wiꞌ ja nabey cꞌaslemal ja xin waweꞌ chwachꞌulew. Ja kajaw Jesucristo arjaꞌ chilaꞌ chicaj pi wiꞌ in ruqꞌuin arjaꞌ winakarnakto wiꞌ ja jun chic cꞌaslemal cꞌacꞌa ja xin chilaꞌ chicaj.

1 Corintios 2:8

Pro jawaꞌ nimak tak naꞌoj xin Dios riꞌ ma xchꞌobtaj ta cumal ja kꞌetol tak tzij ja nebano mandar waweꞌ chwachꞌulew, ni majun chique chꞌobtaj ta rmal. Ja cꞌa wixta chꞌobtaj cumal maquita cꞌa querip ariꞌ chwach cruz ja kajaw Jesucristo ja ni rxin wiꞌ chi cꞌaslemal xin Dios rcꞌan.

2 Corintios 4:5

Como ni ja wiꞌ ja Jesucristo nkanataj tok nkayaꞌ rbixic ja utzlaj tzij, arjaꞌ Rajaw nojelal, nokcheꞌ tre, ma ajoj ta nkanataj kaj ta kiꞌ kayon. Ja cꞌa rajoj ok ilinelaꞌ ewxin pro rumac ja Jesús ja tok kabanon queriꞌ.

Santiago 2:1

Wachꞌalal, janila nim rukꞌij ja kajaw Jesucristo in como yukul kacꞌuꞌx ruqꞌuin chewiꞌ maxta jun utz tetzꞌat in jun itzel.

Apocalipsis 19:16

Ja tziak rcojon cꞌo jun biꞌaj tzꞌibtal trij in bien kꞌalaj ja bar tzꞌibtal wiꞌ, quewaꞌ nbij ja biꞌaj riꞌ, Rey quixin nimak tak rey, Jefe quixin nimak tak jefe.