San Juan 3:7 - Tz'utujil (Ja Cꞌacꞌa Chominem)

⁷ Maxta junwiꞌ tacꞌwaxaj ja xinbij chawe chi rjawaxic chi natalax chic jutij.

Tz'utujil NT

⁷ Mex junwa' xawc'axaj jxenbij chawa je nc'atzina ncatalex chic jmul.

San Juan 3:7 Iomraidhean Croise

San Juan 3:12

Anin nmajon rchꞌobic jeꞌe chawach ja nbantaji waweꞌ chwachꞌulew pro wi matanimaj pior cꞌa ja tok xtinchꞌob chic jeꞌe chawach ja nbantaji chilaꞌ chicaj ¿nak moda cꞌariꞌ xtanimaj chakajaꞌ?

San Juan 3:3

Ja cꞌa Jesús xbij tre: —Ni katzij wiꞌ ja xtinbij chawe riꞌ, ja winak rjawaxic chique chi neꞌalax chic jutij nowi maqueꞌalax chic jutij jariꞌ ni matichꞌobtaj wiꞌ cumal nak rbanic ja natoc chipan ja gobierno xin Dios, neꞌ tre.

San Juan 3:6

Ja cꞌaslemal ja yatajnak chique ja winak cumal ja quitataꞌ queteꞌ jariꞌ xa ni junan wiꞌ ruqꞌuin ja caniꞌ quixin ja quitataꞌ queteꞌ. Ja cꞌa cꞌaslemal ja nyataj chawe rmal ja rEspíritu Santo jariꞌ ni junan wiꞌ ruqꞌuin ja caniꞌ rcꞌaslemal ja rEspíritu Santo.

San Juan 3:8

Caniꞌ tre ikꞌ caniꞌ tre xcomel xa bar ta triꞌ nbe wiꞌ nsamaji in nacꞌwaxaj ja nuban pro ma awotak ta bar penak wiꞌ in nixtacꞌa bar nbe wiꞌ chakajaꞌ. Queriꞌ cꞌa chique canojel ja winak ja neꞌalax rmal ja rEspíritu Santo como nsamaji ja rEspíritu Santo in rmal arjaꞌ tok neꞌalax chic jutij, neꞌe ja Jesús tre.

San Juan 5:28

Maxta junwiꞌ tecꞌwaxaj ja cꞌa xinbij kaj chewe riꞌ como nerilaꞌ na jun kꞌij chi canojelal ja remukun pa tak comsanto nquicꞌaxaj na rukul ja Ralcꞌwalaxel

Colosenses 1:12

Ni ta nemaltioxij wiꞌ tre ja katataꞌ Dios como arjaꞌ ryaꞌon chake chi ajoj jun cꞌo kakꞌaꞌ tre ja herencia ja nuyaꞌ chake ja rok rtinamit, ryaꞌon chake chi nokqꞌuejeꞌ chipan jun gobierno ja bar nchꞌaꞌan wiꞌ ja gloria xin Dios.

Hebreos 12:14

Techꞌoboꞌ rij rwach nak neban chi matecꞌam rkan jeꞌe chꞌaꞌoj cuqꞌuin ja winak xa nak ta chi winakil pro ja quicotemal ja tariꞌ nqꞌuejeꞌ checojol cuqꞌuin. Techꞌoboꞌ rij rwach nak neban chi nixcowini newcꞌaj jun chꞌajchꞌojlaj anma. Mta jun nak ta ja xtertzꞌataꞌ ta rwach ja kajaw Dios ja wi ma rcꞌan ta jun chꞌajchꞌojlaj anma.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

Apocalipsis 21:27

Pro ni majun nak ta ja xta itzel xtoc ta chipan. Ja banol tak itzelal e cachbil ja tzꞌakol tak tzij ni majun chique xqueꞌoc ta chipan. Ja neꞌoc chipan xa queyon ja cꞌo quebiꞌ tzꞌibtal chipan ja libro rxin ja Carnelo, jariꞌ libro ja bar tzꞌibtal wiꞌ quebiꞌ ja nyataj chique ja utzlaj cꞌaslemal ja mta qꞌuisic trij.