San Juan 3:35 - Tz'utujil (Ja Cꞌacꞌa Chominem)

³⁵ Ja Ralcꞌwalaxel janila najoꞌx rmal ja Tatixel in ni majun nak ta ja maquita jachon pa rukꞌaꞌ rmal.

Tz'utujil NT

³⁵ Ja' Rlec'walxel najni'la njo'xa rmal Ttixel. Chka' njelal achnak jchon pruk'a' rmal Ttixel.

San Juan 3:35 Iomraidhean Croise

San Mateo 11:27

In xbij chic chique: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ.

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

San Mateo 3:17

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, neꞌe ja kulaj xin Dios.

San Lucas 10:22

Cꞌacꞌariꞌ xbij: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ, neꞌe.

San Juan 13:3

Ja cꞌa Jesús arjaꞌ bien rotak chi jachon pa rukꞌaꞌ nojelal rmal ja Tatixel in bien rotak chakajaꞌ chi arjaꞌ ruqꞌuin ja Dios penak wiꞌ in ruqꞌuin nmeloj chi wiꞌ jutij.

San Juan 15:9

Caniꞌ rbanon anin chwe ja Tatixel arjaꞌ nij inrajoꞌon wiꞌ in queriꞌ nbanon anin chewe chakajaꞌ nij ixnwajoꞌon wiꞌ in camic nbij chewe, quixqꞌuejeꞌ chipan ja rajoben riꞌil wxin.

San Juan 17:2

Como atat ayaꞌon chwe chi cꞌo nukꞌaꞌ chique canojelal ja winak. Queriꞌ abanon chwe utzcꞌa chi anin cꞌoli ja utzlaj cꞌaslemal nyaꞌ chique canojel ja winak ja reꞌayaꞌon chwe pro jun utzlaj cꞌaslemal ja mta qꞌuisic trij.

San Juan 17:23

Quewaꞌ neli riꞌ, anin xa jun nban cuqꞌuin in atat chakajaꞌ xa jun naban wqꞌuin utzcꞌa tok xtiqꞌuiswani mta ariꞌ ja maquita jun nqueban. Queriꞌ nwajoꞌ utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xticotakij na chi atat attakyonto wxin utzcꞌa chi xticotakij na chakajaꞌ chi congana neꞌawajoꞌ ja winak ja xa jun quibanon wqꞌuin ja caniꞌ abanon chwe como congana ninawajoꞌ.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 5:20

Ja Tatixel como arjaꞌ nrajoꞌ ja Ralcꞌwalaxel chewiꞌ tok nucꞌut chwach nojel rwach ja samaj ja nuban. In cꞌa cꞌo na juleꞌ chic ja samaj ja majaꞌn tucꞌut chwach ja más chi na nimak tak samaj chwach ja caniꞌ emajon rtzꞌatic camic riꞌ. Queriꞌ cꞌa xtuban utzcꞌa chi ixix kas xticꞌascꞌoꞌi xtetzꞌat.

San Juan 5:22

Ja Tatixel ma arjaꞌ ta xtikꞌeto tzij chiquij ja winak como pa rukꞌaꞌ ja Ralcꞌwalaxel rjachon wiꞌ chi jaꞌ Ralcꞌwalaxel xtikꞌeto tzij chiquij ja winak canojelal.

1 Corintios 15:27

Queriꞌ cꞌa rbanic como ja Tatixel quewaꞌ xbij tre riꞌ: —Ni majun nak ta ja maquita ncoj pan akꞌaꞌ, neꞌ tre. Pro matibij tzij ariꞌ chi noqui ja Tatixel pa rukꞌaꞌ chakajaꞌ, jariꞌ bien kꞌalaj como jaꞌ Tatixel ncojowi nojelal pa rukꞌaꞌ.

Efesios 1:22

Ja Dios mta nak ta ja maquita rcojon xeꞌ rukꞌaꞌ rkan ja Cristo. Jawaꞌ Cristo riꞌ arjaꞌ chaꞌon rmal ja Dios chi nokruban cuenta ja rok iglesia pro jun Cristo ja paꞌl trij nojelal.

Hebreos 1:2

Pro ja rbanon ja Dios camic chipan awaꞌ qꞌuisbal tak kꞌij rxin ja tiempo ja rokcꞌo wiꞌ riꞌ xucoj ja Ralcꞌwal chi arjaꞌ kꞌalasan chikawach ajoj janiꞌ ja rnaꞌoj. Xuyaꞌ tre ja Ralcꞌwal chi mta nak ta ja maquita noc na pa rukꞌaꞌ in xucoj ja Ralcꞌwal chakajaꞌ chi arjaꞌ winakarsani ja caj in rwachꞌulew.

1 Pedro 3:22

Arjaꞌ cꞌastaji, joteꞌ chilaꞌ chicaj in camic cꞌo pa riquikꞌaꞌ ja Dios. Arjaꞌ cꞌo rukꞌaꞌ chique ja ángel, cꞌo rukꞌaꞌ chique espíritu, majun kꞌetbaltzij ja maquita cꞌo rukꞌaꞌ tre.