San Juan 3:31 - Tz'utujil (Ja Cꞌacꞌa Chominem)

³¹ Ja Ralcꞌwalaxel ja penak chilaꞌ chicaj xa ruyon arjaꞌ ja más nim rukꞌij chiquewach canojelal. Pro ja rajoj ja rok winak ma katzꞌaton ta nak rbanic ja chilaꞌ chicaj, xa ok rxin ja rwachꞌulew, xa jariꞌ nkatzijoj ja kotakin waweꞌ chwachꞌulew. Pro ja penak chilaꞌ chicaj xa ni ruyon wiꞌ arjaꞌ ja más nim rukꞌij chiquewach canojelal.

Tz'utujil NT

³¹ Jpenak chcaj xruyon arja' nim ruk'ij chquewech conjelal wnak per ajoj ok wnak mkatz'ton ta nak rbanic chcaj, xok rxin ruch'lew, xjara' katz'ton jkutkin wawe' chuch'lew. Per jpenak chcaj xruyon ja' nim ruk'ij que chquewech conjelal wnak.

San Juan 3:31 Iomraidhean Croise

San Mateo 28:18

Peti ja Jesús in quewaꞌ xbij chique riꞌ: —Nojel ja poder xin chilaꞌ chicaj jachon pa nukꞌaꞌ rachbil nojel ja poder xin rwachꞌulew.

San Juan 1:15

Arjaꞌ yaꞌ rbixic rmal ja Juan, quewaꞌ xbij ja Juan chique ja winak riꞌ: —Jariꞌ achi xinbij chewe ja tok quewaꞌ xinbij chewe riꞌ, cꞌo na jun ja majaꞌn tumaj rsamaj, arjaꞌ más na nim rukꞌij chinwach anin. Queriꞌ nbij chewe como arjaꞌ ni cꞌo chi wiꞌ ja tok majaꞌn quinalaxi masqui anin in nabey winak chwach, xincheꞌ chewe, neꞌe ja Juan.

San Juan 1:27

Anin xa rbixic nyaꞌ ja samaj xin Dios ja xtumaj rbanic arjaꞌ como más chi na nim rukꞌij arjaꞌ chinwach anin, nixtacꞌa yatal ta chwij xquintiloc ta ruqꞌuin chi rquiric ja rcꞌamal rxajab. Queriꞌ xbij chique.

San Juan 1:30

Ja cꞌalaꞌ ja nbin chic chewe chi nurbanaꞌ na ja samaj xin Dios in más chi na nim rukꞌij arjaꞌ chinwach anin. Anin in nabey winak chwach pro arjaꞌ ni cꞌo chi wiꞌ triꞌ ja tok majaꞌn quinalaxi. Queriꞌ nbin chewe.

San Juan 3:30

Ja rjawaxic camic chi ni xtimajtajel wiꞌ ryaꞌic rukꞌij ja Jesús chijutij cumal ja winak, ja cꞌa chwe anin rjawaxic chi xtiban chwe caniꞌ ma incꞌo ta chwach ja Jesús.

San Juan 6:33

Queriꞌ nbij chewe como ja way ja nuyaꞌ ja Dios jariꞌ ja penak chilaꞌ chicaj jariꞌ ja nuyaꞌ utzlaj cꞌaslemal chique ja winak pro canojelal, xecheꞌxi.

San Juan 6:51

Ja way ja nyowi cꞌacꞌa cꞌaslemal, ja way ja kajnakto chilaꞌ chicaj, anin cꞌariꞌ. Jawaꞌ way ja cꞌa xinbij kaj chewe riꞌ, xa nak ta xtitijo rxin jariꞌ ncꞌaseꞌe pro ni chijutij. Cꞌoli way ja xtinyaꞌ chique ja winak waweꞌ chwachꞌulew utzcꞌa chi cꞌo jun cꞌacꞌa cꞌaslemal nyataj chique. Ja way xtinyaꞌ jariꞌ ncuerpo anin. Queriꞌ xbij ja Jesús chique.

San Juan 8:23

Ja cꞌa Jesús xbij chic jutij chique: —Ixix xa ix xin waweꞌ, ja cꞌa ranin in xin chilaꞌ chicaj, xa ix xin rwachꞌulew pro ja chwe anin ma in queriꞌ ta.

Hechos 10:36

Xutakto ja Jesucristo ja kajaw kanojelal ja rok winak, kuqꞌuin ajoj xutakto wiꞌ ja rok aj Israel chi xuryaꞌaꞌ rbixic ja utzlaj tzij chake ja rcꞌamonto quicotemal.

Romanos 9:5

Makanaꞌ maquita e quijaꞌtzul can ja rAbraham ja rIsaac in Jacob, makanaꞌ maquita cach aj Israel ja Cristo tok xoc kach winak waweꞌ chwachꞌulew. Ja Cristo arjaꞌ Dios in majun ja maquita cꞌo rukꞌaꞌ tre, kas ta xtiyaꞌ rukꞌij camic, chwak in chijutij. Amén.

Hebreos 9:1

Pro ja nabey chominem bien banon rbanic. Ja winak cꞌoli mandamiento ja bin chique ja nqueban jeꞌe chi nquiyabej rukꞌij ja Dios. Cꞌoli chakajaꞌ jun rochoch ja Dios pro xa xin rwachꞌulew.

1 Pedro 3:22

Arjaꞌ cꞌastaji, joteꞌ chilaꞌ chicaj in camic cꞌo pa riquikꞌaꞌ ja Dios. Arjaꞌ cꞌo rukꞌaꞌ chique ja ángel, cꞌo rukꞌaꞌ chique espíritu, majun kꞌetbaltzij ja maquita cꞌo rukꞌaꞌ tre.

1 Juan 4:5

Como ejeꞌeꞌ xa ruqꞌuin rwachꞌulew yukul wiꞌ quecꞌuꞌx rmalariꞌ tok xa jaꞌ nquinataj ja xin rwachꞌulew. Ja cꞌa juleꞌ chic winak ja yukul quecꞌuꞌx ruqꞌuin ja rwachꞌulew ejeꞌeꞌ nel quecꞌuꞌx chi rcꞌaxaxic ja nbix chique cumal.

Apocalipsis 19:16

Ja tziak rcojon cꞌo jun biꞌaj tzꞌibtal trij in bien kꞌalaj ja bar tzꞌibtal wiꞌ, quewaꞌ nbij ja biꞌaj riꞌ, Rey quixin nimak tak rey, Jefe quixin nimak tak jefe.