San Juan 3:30 - Tz'utujil (Ja Cꞌacꞌa Chominem)

³⁰ Ja rjawaxic camic chi ni xtimajtajel wiꞌ ryaꞌic rukꞌij ja Jesús chijutij cumal ja winak, ja cꞌa chwe anin rjawaxic chi xtiban chwe caniꞌ ma incꞌo ta chwach ja Jesús.

Tz'utujil NT

³⁰ Yatanak tzra Jesús che nya' na ruk'ij más cmal wnak, y anen yatanak chwa com ajni' en majo'n.

San Juan 3:30 Iomraidhean Croise

San Juan 3:29

Ja Jesús yatal trij chi nebe ja winak ruqꞌuin chi ncachbilaj. Caniꞌ tre jun alaꞌ tok ncꞌuleꞌe yatal trij chi ja rxjayil nrachbilaj. No anin xa in caniꞌ ramigo jun alaꞌ tok ncꞌuleꞌe. Pro ja ramigo paꞌloc pa rxquin ja ralaꞌ ja ncꞌuleꞌe in rmajon rcꞌaxaxic ja nbij in congana nquicoti chi rcꞌaxaxic. Queriꞌ cꞌa chwe anin camic chakajaꞌ ninquicoti, nojnak ja quicotemal pa wanma.

San Juan 3:31

Ja Ralcꞌwalaxel ja penak chilaꞌ chicaj xa ruyon arjaꞌ ja más nim rukꞌij chiquewach canojelal. Pro ja rajoj ja rok winak ma katzꞌaton ta nak rbanic ja chilaꞌ chicaj, xa ok rxin ja rwachꞌulew, xa jariꞌ nkatzijoj ja kotakin waweꞌ chwachꞌulew. Pro ja penak chilaꞌ chicaj xa ni ruyon wiꞌ arjaꞌ ja más nim rukꞌij chiquewach canojelal.

1 Corintios 3:5

¿Nak cꞌa ocnak wiꞌ ja rApolos nechꞌob ixix in nak cꞌa inocnak wiꞌ anin chakajaꞌ? Ajoj xa ok moso rxin ja kajaw Jesucristo. Ja cꞌa tok yukeꞌ ecꞌuꞌx ruqꞌuin ja Jesucristo kumal jariꞌ Dios banowi, ma ajoj ta. Ajoj xa rbanic kaban ja samaj ja xuyaꞌ chake ja Dios chi ok caꞌiꞌ.

Colosenses 1:18

Arjaꞌ nbano mandar kaxin ja rok iglesia caniꞌ nuban jun wiꞌaj nuban mandar ja cuerpo. Ruqꞌuin arjaꞌ winakarto wiꞌ ja cꞌacꞌa cꞌaslemal kucꞌan como arjaꞌ ja kas nabey cꞌastaji chijutij chiquicojol camnakiꞌ. Queriꞌ rbanic utzcꞌa chi nij arjaꞌ wiꞌ nnabeyaji utzcꞌa chi mchita jun nak chi ta nim ta rukꞌij chwach arjaꞌ.

Apocalipsis 11:15

Jun chic ángel xulaj ja rtrompeta. Ja cꞌa tok xultaj rmal cꞌo juleꞌ nimak tak kulaj cꞌaxaxi chilaꞌ chicaj, quewaꞌ nbij riꞌ: —Ja gobierno jeꞌe ja cꞌo chwachꞌulew, camic ocnak pa rukꞌaꞌ ja kajaw Dios in pa rukꞌaꞌ ja Cristo ja rchaꞌon. Camic arjaꞌ nbano mandar como Rey in ni nuban wiꞌ mandar camic, chwak in chijutij, neꞌe.