San Juan 3:3 - Tz'utujil (Ja Cꞌacꞌa Chominem)

³ Ja cꞌa Jesús xbij tre: —Ni katzij wiꞌ ja xtinbij chawe riꞌ, ja winak rjawaxic chique chi neꞌalax chic jutij nowi maqueꞌalax chic jutij jariꞌ ni matichꞌobtaj wiꞌ cumal nak rbanic ja natoc chipan ja gobierno xin Dios, neꞌ tre.

Tz'utujil NT

³ Jesús xbij tzra: —Ne ktzij wa' quenbij chawa, je' wnak nc'atzina chca che nque'alexa wjic chic, o wxmajo'n xtque'alax ta majo'n nquecwina nquetzu' rgobierno Dios, cara' xbij.

San Juan 3:3 Iomraidhean Croise

San Mateo 16:17

Ja cꞌa Jesús arjaꞌ xbij tre: —Congana quiꞌil chawe Simón ja rat rcꞌajol Jonás como ja cꞌa xabij kaj chwe ma winak ta xekꞌalasan ta chawach, ja Nataꞌ ja cꞌo chilaꞌ chicaj arjaꞌ kꞌalasan chawach.

San Mateo 19:24

In jun chic nbij chewe riꞌ, ja camello arjaꞌ nimlaj chicop in congana cꞌayew chi nocꞌo pa rchak jun bak disoꞌmbal pro jariꞌ ma cꞌayew ta chwach ja noqui jun biyom chipan ja gobierno xin Dios, neꞌ chique.

San Mateo 21:31

Camic tebij cꞌa chwe ¿nak chique ja re caꞌiꞌ alcꞌwalaxelaꞌ ja banowi ja rvoluntad ja rtataꞌ? neꞌe ja Jesús chique. —Jariꞌ ja tzijon wiꞌ nabey, xecheꞌ tre. In bix chic chique rmal ja Jesús: —Ni katzij wiꞌ ja xtinbij chewe riꞌ, ja molol tak impuesto e cachbil ja rixokiꞌ ja xa itzel quicꞌaslemal ejeꞌeꞌ neꞌoc chipan ja gobierno xin Dios nabey chewach ixix.

San Mateo 5:18

Queriꞌ nbij chewe como jariꞌ ley ni nbantaj wiꞌ cumplir nojelal, nixtacꞌa cꞌo ta jutzꞌit tre ja maquita nbantaj cumplir. Ni katzij wiꞌ ja xtinbij chewe riꞌ, ma cꞌayew ta nqꞌuisi caj nqꞌuisi rwachꞌulew chwach ja cꞌo jun ti punto tre ja ley ja maquita nbantaj cumplir.

Marcos 10:14

Pro ja Jesús arjaꞌ pokon xunaꞌ ja queban ja rdiscípulo in quewaꞌ xbij chique riꞌ: —Teyaꞌaꞌ lugar chique ja tak acꞌalaꞌ quepi na wqꞌuin, maxta ma teyaꞌ ta lugar chique como ja winak ja reꞌocnak e caniꞌ tak acꞌalaꞌ quixin cꞌa ejeꞌeꞌ ariꞌ ja gobierno xin Dios.

Marcos 9:47

In jun chic, wi cꞌo jun panewach xa nixrtakchiꞌij in nixrkajsaj chipan ja il mac mejor ja neban, tecꞌotoꞌel. Como más na utz ja xa jun panewach nixoc chipan ja gobierno xin Dios chwach ja caꞌiꞌ panewach nixbe pa kꞌakꞌ.

San Juan 1:13

xuyaꞌ chake chi xokalax chic jutij pro ja cꞌacꞌa cꞌaslemal ja yatajnak chic chake jariꞌ ma cꞌamonpi ta chake cumal ja katiꞌt kamamaꞌ, ma xyataj ta chake cumal ja katataꞌ kateꞌ, ni majun winak yoꞌ ta chake, solo Dios yowi.

San Juan 1:5

in camic rmajon rsakirsaxic quewiꞌ canma ja winak chipan ja kꞌekumal in ni ma cowinnak ta wiꞌ ja kꞌekumal trij ja luz chi rchupun ta.

San Juan 1:51

Cꞌacꞌariꞌ xbij chic chique: —Ni katzij wiꞌ ja xtinbij chewe riꞌ, netzꞌat na ja caj jakali, neꞌetzꞌat na ja ángel xin Dios chi nejoteꞌe in nexuleꞌto pro mwal anin nyataj chique chi nqueban queriꞌ, mwal anin ja rin Alcꞌwalaxel ja xinoc alaxic cuqꞌuin ja winak, queriꞌ xbij chique.

San Juan 12:40

—Ja xuban ja Dios chique caniꞌ xermoyirsaj in xcowirsaj ja canma. Queriꞌ xuban chique utzcꞌa chi matiquetzꞌat ja ncꞌu̱t chiquewach chi matichꞌobtaj cumal ja nbix chique in matiqueqꞌuex quinaꞌoj chi netzuri.

San Juan 3:4

—Pro ¿nak moda jun achi riꞌj chic in nalax chic jutij? ¿La cꞌo cꞌa moda ariꞌ nqꞌuejeꞌ chic jutij pa gracia in nalax chic jutij? neꞌe ja Nicodemo tre.

2 Corintios 4:4

Matichꞌobtaj cumal como ja diablo ja rcojon riꞌ como dios waweꞌ chwachꞌulew arjaꞌ rmoyirsan ja quewiꞌ canma. Queriꞌ nuban ja diablo chique ja winak ja matiyukeꞌ quecꞌuꞌx ruqꞌuin ja Jesucristo utzcꞌa ja luz xin Dios matekaji pa tak canma. Jariꞌ luz jariꞌ ja utzlaj tzij xin Dios ja ncꞌutuwi chi janila nim rukꞌij ja Cristo. Ja cꞌa Cristo arjaꞌ ni junan quinaꞌoj ruqꞌuin ja Dios.

2 Corintios 5:17

Queriꞌ cꞌa rbanic, ja wi xa jun abanon ruqꞌuin ja Cristo jariꞌ at cꞌacꞌa winak chic, ja tzabuklaj tak naꞌoj awcꞌan nabey jariꞌ kꞌaxnak can chic, cꞌacꞌa chic nojelal.

Gálatas 6:15

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ jun cꞌacꞌa cꞌaslemal ja nacochij tre ja Dios.

Efesios 2:1

Ja cꞌa rixix nabey ixcamnak chipan ja rewil emac pro arjaꞌ xuyaꞌ jun cꞌacꞌa cꞌaslemal chewe.

Tito 3:5

In tok xuban queriꞌ tokocꞌariꞌ xokrutoꞌ kanojelal pro ma rmal ta chi cꞌoli kachꞌecbej tok xuban queriꞌ chake, xa rmal xpokonaj kawach. Ja tok xokchꞌachꞌojirsaxi rmal ja xokalax chic jutij tokoriꞌ xoktotaji in rmal ja rEspíritu Santo kawil ja cꞌacꞌa cꞌaslemal.

Santiago 3:17

Pro ja winak ja jakal quewiꞌ ja ni katzij wiꞌ chi Dios jakyon quewiꞌ quewaꞌ quibanic riꞌ, jun, cꞌo jun chꞌajchꞌojlaj anma cucꞌan, in jun chic, matiquecꞌam rkan sícꞌ chꞌaꞌoj, e utzlaj tak winak, maquechꞌolini, nqueyaꞌ quixquin tre ja nbix chique, nquipokonaj quewach winak, congana utzil nquecꞌut, ma jun ta utz ma jun ta itzel nquetzꞌat in chakajaꞌ matiqueban cacaꞌ quipalaj.

1 Pedro 1:3

Kayaꞌaꞌ rukꞌij ja Dios, arjaꞌ Tatixel rxin ja kajaw Jesucristo, congana xpokonaj kawach, xuyaꞌ chake chi xokalax chic jutij. Ja Jesucristo arjaꞌ yataj tre rmal ja Dios chi cꞌastaj rwach chiquicojol ja camnakiꞌ chewiꞌ tok yataj chake chi xokalax chic jutij. Rmalariꞌ tok ni maticapuj wiꞌ kacꞌuꞌx chi raybexic ja rutzil xin Dios

1 Juan 2:29

Ixix bien ewotak chi ni utz wiꞌ rnaꞌoj ja Jesucristo in triꞌ cꞌa newotakij wiꞌ chi canojel ja winak ja ni utz wiꞌ ja nqueban ejeꞌeꞌ riꞌ e ralcꞌwal Dios.

1 Juan 3:9

Ja wi at ralcꞌwal Dios jariꞌ awcꞌan ja cꞌaslemal xin Dios in macatmacuni. Rmal ja rat ralcꞌwal Dios chewiꞌ tok mta moda natmacuni.

1 Juan 5:1

Kanojel ja kaniman ja Jesús chi arjaꞌ ja Cristo ja chaꞌon rmal ja Dios, ja wi queriꞌ kaniman ok ralcꞌwal Dios cꞌariꞌ. Caniꞌ tre jun alcꞌwalaxel ja wi nrajoꞌ ja rtataꞌ nerajoꞌ cꞌariꞌ chakajaꞌ ja juleꞌ chic rchꞌalal.

1 Juan 5:18

Kotak chi kanojel ja rokalaxnak chic jutij ja cꞌo rcꞌaslemal Dios pa tak kanma ajoj makomacuni pro ja Jesús ja Ralcꞌwal Dios arjaꞌ nokchajini in maticowini ja diablo nokruchap ta.

1 Juan 5:4

como arjaꞌ ryaꞌon kachokꞌakꞌ kanojel ja rok ralcꞌwal in rmalariꞌ ja ritzelal xin rwachꞌulew maticowin chakij, ajoj nokchꞌocmaji. Rmal ja yukulbal kacꞌuꞌx ruqꞌuin ja Jesucristo chewiꞌ tok nokchꞌocmaji.

Apocalipsis 3:14

In xbij chic chwe: —Ja ángel ja nchajin rxin ja riglesia ja cꞌo Laodicea quewaꞌ natzꞌibajel tre riꞌ: —Ja Jesucristo ja testigo ja binaꞌan tre Amén, ja ni nuban wiꞌ cumplir nojel ja nbij in nojel ja nbij ni katzij wiꞌ chakajaꞌ, ja winakarnakto ruqꞌuin nojel ja winakarsan jeꞌe rmal ja Dios, arjaꞌ quewaꞌ nbij tre ja riglesia riꞌ: